مسا الخير صبايا كيفكم
انا حامل بالشهر الثامن واليوم الي مراجعة عند الدكتور
وبس شاف وزني حكالي انتي زايدة بس 4 كيلو من اول الحمل وهاد الاشي مو منيح
وحكالي هاد مو بطن وحدة بالشهر التامن بطنك صغير كتير
وبس فحص الجنين حكالي مو واصل ال2 كيلو وخلاني اعمل فحص بول اكرمكم الله ودم والحمد لله كل اشي طبيعي
واعطاني حديد وكلس فوار وحكالي لازم ترتاحي قد ما بتقدري عشان الجنين يكسب وزن
وللاسف انا كتير مشغولة بنقل على بيتي ومن اول الحمل وانا تعبانة رايحة جاية ولا يوم ارتحت
طمنوني هل هاد الاشي طبيعي ووزن البيبي منيح هيك ولا لازم احسن

حبيبتي أنا بحملي بابني كنت كل شهر انقص بدل ما زيد والدكتورة كانت حتجن وقالتلي حاحجزك بالمشفى بعدين اذا ضليتي هيك
بس الغريب انها كانت مطمنة على وزن البيبي تقلي الحمد لله منيح
واجا وزنو 3 ماشاءالله
بس بالاشهر الاخيرة زدت كم كيلو ما بتذكر كم !
انت هلق وزنو ناقص شوي
حاولي تلحقي حالك بالفيتامينات يلي عطاك ياها وتاكلي وترتاحي
بس مافي خوف بإذن الله في كتير ناس بيولدو 2 او 2 ونص
وانت لسا معك وقت ان شاءالله يزيد
الله يطمنك ويقومك انت والبيبي بالسﻻمة

الله يتمم لك علي خير أختي
غلاتي لازم تسمعي كلام دكتورك وتتغدي منيح
وترتاحي وإذا علي النقل خلي أحد يساعدك
وأهم شيء تغدي منيح
والله يتمم لك علي خير يارب ويقومك بالسلامه.

هلا مجوده ربي يقومك بالف سلامة ويقر عينك بشوفة ابنك يا رب
الافضل تنتبهي لنفسك يا غالية واسمعي كلام الطبيب
اهم شئ سلامة وسلامة البيبي الان اهتمي بغذاءك جيدا
وزن البيبي قليل لكن اذا اهتميتي بغذائك وارتحتي بيزيد
انا في حملي زاد الطفل كيلو بالشهر التاسع فان شاء الله بيكون طبيعي المهم الاهتمام
هاتي خادمة او احد يساعدك ولا تجهدي نفسك وربي يعينك يارب
طمنينا عليك

انا ببداية حملي كنت اشتغل كثير بالبيت وكثير اوقف واجهد نفسي ونقص الوزن عندي شوي ولكن كان ينزل مني دم خفت ورحت للدكتورة قالت لي تنويم لأن الجنين وضعه خطر وهو لساته بالشهر الثاني واعطتني مثبت وقالت لااااازم ترتاحي وتجلسي كثير وتاكلي كثير والحين الحمدلله بالخامس ووزني زايد مرررة وهذاا الشي مزعلني كثير ومأزم نفسيتي ولكن والحمدلله الجنين مستقر ومن الآن أدور ريجمات واحاول اخفف من النشويات والسكريات قدر ما أقدر تعبت من الزيادة

لازم الراحة ياعمري احنا وش الي متعبنا غير الشقى

شكرا كتير صبايا طمنتوني الله يطمن قلبكم يارب
انا حكيت للدكتور انه انا بطني مابربي يعني كل اولادي بخلص كل شهري ويادوب اجيبهم 2كيلو و800 غرام بس الحمد لله حليبي منيح كتير وبزيدو كتير بعد الولادة

مجودة حبيبتي
وزن البيبي فعلاً ليس جيداً
حاولي فعلاً تهتمي لحالك
وعلى أد ما تقدري ريحي نفسك
واهتمي بطعامك وخاصة البروتين
والخضروات
ربنا يقومك بالسلامة
ويعطيكِ الصحة

اللهم ثبت حمل أختنا و احفظ أجنتها و يسر ولادتها و قر عينها برؤيتهم يا كريم يا قادر على كل شيئ

اهلين مجود مسائك ورد وراحه
حبيبتي لازم تعتني بنفسك على قد ماتقدري
وفي معلومه النيرس قالتها لي انه بشهر التاسع البيبي كل اسبوع يزيد 200 غرام
يعني البيبي حيولد عندك تقريبا 3 كيلو الا 200
فانصحك اكلي وتغذي زين عشان هال 200 غرام وينولد 3 كيلو ياااارب
حبيبتي مااريد اخوفك بس لازم لازم ترتاحي كلها شهر وتولدي بالسلامه يعني ريحي حالك هالفتره وضع البيت مراح يطير
بس صحتك والبيبي لا ينخاف عليهم
يالله ان شاء الله تطمنينا عنك باقرب وقت وبسلامتك مع البيبي

والله ياغالية الاطباء مالهم شغلة غير بس يخوفوك
لاتخافي انا بحملي وزني يكون ثابت لانه جسمي يضعف وبطني بتكبر فيبقى الوزن ثابت
ممكن تكوني بسبب الانتقال نحفتي شوي
لاتقلقلي واتغذي كويس
وحاولي تريحي حالك
ووزن الجنين طبيعي لاتخافي
واسئل الله ان يجعل منزلك منزل مبارك عليكم ويبعد كل مكروه عنكم
وائل الله ان يسهل حملك وولادتك ويرزقك الولد الصالح يارب