انا ام لطفلتين وعمري 24 سنة لما ولدت بنتي الاولى باول اسبوع كان حليبي كتير ووفير وتشبع منه بعد هيك صار يخف وبنتي ما تشبع فقررت اعطيها حليب صناعي وللاسف شوي شوي تركت صدري وتولعت بالمصاصة لعند عمر 5 شهور تركت صدري نهائي وانا قلت راح اتعلم للمره الجاي وللاسف صار معي هيك بالبنت التانية انا هلأ ما برضع ولسه بنتي عمرها 8 شهور كله على الصناعي وكتير مقهورة خاصة لما اشوف الناس بيرضعو انا كتير بحب الرضاعة وبحسها شي جميل بس مش عارفة شو اعمل

والله ماعندي خبرة انا عكسك بنتي رفضت الصناعي تماما لكن انا تعبت نفسيا حتى فطمتها لانها كبرت وطلع لها اسنان وصارت ضعيفه معتمده بس ع صدري
انتي جربي تجوعيها وتعطيها صدرك واشربي حلبه كثير

انا مثلك تماما ما ارضع الا اربع اشهر وكمان الحليب قليل وفيه ناس نصحوني بالحلاوه الطحينيه والحلبه مع اليانسون بيقولو تكثر الحليب
حاولي تعوديها على الاثنين
الله يساعدك ان شاء الله وترضعيها طبيعي

اختي في المواضيع المثبتة موضوع خاص لتواصل مع الدكتورة شروق الهيثمي وهي متخصصة في الرضاعة الطبيعية وساعدت ناس كثير للرجوع للرضاعة وممكن تساعدك ترجعي ترضعي بنتك مرة ثانية لانها لسة 8 شهور يا حرام

وباذن الله الدكتورة ما بتقصر معاك

زي ما قالتلك ام ياسر في موضوع مثبت للدكتورة شروق.. ممكن تستشيريها بموضوعك