السلام عليكم اخواتي
أولا كل عام وانتم بالف خير
ثانيا
انا في بداية التاسع .. مضطرة اسافر عند اهلي للولادة السفر مدتو 7 ساعات بالطيارة بس فعلا مضطرة لاني بكرية، هاد اول بيبي وما بعرف كيف اتصرف معاه وما في حدا جنبي بدي اكون جنب امي واهلي وناسي هاد غير اوراق الولادة الله رح تتعقد اذا ما ولدت بفرنسا ... المهم بدي اسألكم مين فيكم سافر بالشهر التاسع بالطيارة؟ وكيف حست؟ وهل انتبهوا عليها بالطيارة؟؟
وهل برأيكم لو لبست عباية واااسعة ممكن
ما ينتبهوا ؟؟
سؤالي التاني انا مبارح رحت عند الدكتورة وفحصتني وقالتلي عنق الرحم مسكر عالاخر بس في طلق خفيف على حسب تخطيط الحركة بس انا مو حاسة بشي .. هاد شو معناتو...؟؟ الدكتورة بمشفى عام ما رضيت
تعطيني تقرير طبي اخدو معي هل برأيكم بالخاص ممكن يعطوني؟
هل ممكن تحصل ولادة بدون ما يفتح عنق الرحم؟؟ وكم الفترة اللي بيفتح فيها؟ يعني ازا اليوم عنق الرحم مسكر وانا مسافرة بكرة هل ممكن انو يفتح كلو فجأة؟؟
شكرا مقدما لكل وحدة تدعيلي الله ييسرلي السفر والخير ولكل وحدة تقدر تفيدني
الروابط المفضلة