انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 7 من 7

الموضوع: لكل من تعاملت مع مركز جنين لدكتولر حسام زكى يا ريت تدخل بليز

  1. #1
    تاريخ التسجيل
    Jul 2011
    الموقع
    مصر-القاهرة
    الردود
    9
    الجنس
    أنثى

    cryhard لكل من تعاملت مع مركز جنين لدكتولر حسام زكى يا ريت تدخل بليز

    السلام عليكم يا حلوين
    دية اول مشاركه ليا اتمنى انكم تقبالونى اخت ليكم

    بحكى ليكم قصتى باختصارمع الحمل قبل ماقولكم تجربتى مع جنين
    السلام عليك
    قصتى باختصار
    انا عملت حقن مجهرى مرتين
    الاولى حملت فى ثلاثة وعملت شفط لجنين وربط بس بعدها اكتشفت ان الاجنة الثلاثة موجودين وطول فترة الحمل كان عندى نزيف جامد اوى وقىء مستعصى وكن على طول محجوزة فى المستشفى وفى الشهر الخامس حدث لى ارتفاع فى الحراراة استمر اسبوع مع وجع رهيب فى ظهرى و انفجر كيس الماء ولدت وماتو الاجنة وطبعا كل اللى حصلى دة اهمال من الدكتور وعدم متبعتة ليا وانة كان على طول مسافر وماكنش بيتكلم معايا خالص ولا يطمنى على اى شىء
    قصتى مع جنين
    عملت محاولى اخرى بعد 7 شهور فى مركز جنين عرفتة عن طريق صديقة لى بس تابعت مع د هانى لان اتعقدت من الداكترة اللى بيسفروا كتير وكان د حسام صاحب المركز على طول مسافر وعندة اشغال اخرى ود هانى هو اللى متابع كل شىء وغير كدة تكاليف العملية مع د حسام اضعاف تكاليف العملية مع د هانى وبصراحة فى محاولتى الاولى وبسبب انى على طول محجوزة فى المستشفى صرفنا كل اللى حيلتنا عملت جمعية قبضتها الاول عاشن اعمل العملية
    ...............................................



    اول زيارة للمركز انبهرت بيه وبالنظام اللي هناك الاول مليت استمارة كتبت فيها كل التفاصيل عن حالتي وبعد كدة جلست مع المنسقة ميس وردة وهى شخصية جميلة اوى ومابتبخلش عليا بأي شيء وبتجاونى على كل سؤال وبعد كدة دخلت لدكتور هانى وارتحت معاة اوى هو اناس كويس ومدين واتفقنا على العملية وعملتها الحمد الله ونجت نقلت ثلاث اجنة واللى فضلوا اثين فقط وومع فرحتى انى حامل كنت خايفة اوى ان تتكرر المأساة مرة اخرى ود هانى اكيدلى انى مش محتاجة اعمل ربط والحمد الله عدا الثلاث شهور الاولى على خير وفى الشهر الرابع نزل عاليا نزيف جامد طبعا انهرت ورجع ليا شريط الذكريات مرة اخرى وخفت اوى


    كلمت د هانى على الموبيل طمنى وزودلى جرعة المثبتات ولما رحتلة لقى الاجنة تمام وبخير بس مالقتش عندة جواب مقنع عن سبب النزف

    قالى ممكن يكون تجمع دموى لما انغرست البويضة في الرحم ولما كبروا الاجنة ضغطوا عالية ونزل

    وفضلت طول فترة الحمل انزف شوية ويتوقف شوية وكان الدكتور بيطمنى ويقلى عادى وفى الخامس عملت اشاعى 4دى وكل شىء تمام ومافيش اى حاجة تسبب هذا النزف

    مقصاتي مع جنين


    وفى منتصف الشهر السادس حسيت بشعور غريب كنت بحس بخبط الاجنة من عند فتحة المهبل اسرعت وكلمت المركز حولنى بدكتورة عندهم قالتى عادى ماتقليش وبعدها بيومين لاقيت نازل عاليا افرزات بنى فضلت يومين ولما كلمت المركز قالولى عادى واننا مش هانقدر نديكى ادوية اكثر من اللى بتخديها بعدها بيومين توقف هذه الافرزات وبعد كدة لقيت نقسى بينزل عاليا افرزات شفافة عملة زى الخيوط كتير اوى كانت بتغرقنى كلمتهم طبعا كالعادة قالوا عادى وبعد كام يوم توقف الافرزات وبعد كدة بايت احس

    بتقلصات فى اسفل بطنى ومع وجع فى جنابى الاثنين اسفل ظهرى كان بيجى ويروح كل ربع ساعة واحينا اقل طبعا خفت وكلمتهم قالولى طالما مافيش خبط في ظهرك عادى وادونى مسكنات طبعا قولتلها انا عايزة اجى قالولى مافيش موعد فاضى بس انا مسكتش روحت واسريت ان اقابل الدكتور وكنت منهارة اوى وكنت مستعدة اعمل اى حاجة عشان اطمن على ولادى ولما دخلت لدكتور هانى لم يجد اى شىء فى الاجنة كل شى تمام وقلى في جنين رجلية تحت فلما بيخط بيعملك هذا المغص و ادانى مسكنات اسمريت عليها دون جدوى مازال الالم موجود وابدتى يزيد وبعد كدة ماكنتش بقدر ادخل الحمام اتبول خالص وبعد كدة نزفت وكلمت د هانى وقولتلة انى تعبانة المغص مستمر وبقيت انزف قالى روحى الطوارئ في مستشفى السلام الدولى رحت وانا كنت اصوت طول الطريق من الألم عملت كل التحاليل الازمه كلة سليم ومع انهم ادونى محاليل مسكنة كان الام مزال موجود ومعرفوش سبب النزف ولقوا الاجنة بخير حجزونى يوم تحت الملاحظة وطلعت تانى يوم ولما روحت دخلت الحمام واول ماقعدت لاقيت دش دم نازل عاليا بس كان دم خفيف اكنة مخلوط بماء وماعرفتش اعمل حمام وكل ماحاول اعمل القى دش دم نازل كلمت د هانى زودى جرعة المسبتات تانى وقالى تعليلى لو الدم ماتوقفش ب توقف الدم الحمد الله بس ماكنتش بعرف اتبول غيلر وانا واقفة ورحتلىة وفى الاخر كشفت نسا وجد الطبيب انى على وشك الولادة ولدت وكان حجم الاجنة 500 جرام اعدوا فى الحضانة نصف اليوم وبعد كدة اكد جميع الاطباء انهم لم يعيشوا وان فى احتمال واحد منهم يعيش 3% فقط ولو عاش هايعيش باعاقة فقفلوا الحضانة حسبى الله ونعم الوكيل وتوفوا بعدها يساعات




    طبعا بعد استشارة اطباء اخرين قالولى ان الدكتور لو كان شخص حالتى من الاول صح كان ممكن الحمل يستمر وكان ممكن يدينى ادوية وتقف كل ذللك



    طبعا انصدمت اوى ان كان ممكن حملى يستمر لاكن معمالوش الازم معايا يعنى فى حمليا الاثنين كنت ضحية اهمال الداكترة اتحرمت من ولادى عشان معرفوش يعملوا شغلهم كويس
    هقول اية غير حسبى الله ونعم الوكيل



    دية حكايتي مع جنين
    بحكيها ليكم عشان تكون عبرة للجميع
    ونحط ايدنا فى ايد بعض عشان نمنع تكرار اللى حصلى لحد غير بجد خسارة ان يبقى المركز كويس اوى ويجى يضيع كل حاجة فى الاخر

    واليكم المزايا والمساوئ لهذا المركز



    المزايا

    كويسين اوى فى عمليات التلقيح الصناعى والحقن ومعالجة العقم وتشخيص حالة المريض ومعرفة سبب تاخر الحمل اية

    العيوب
    1- طول فترة الانتظار فى المركز لحين ياتى دور دخولك يعنى لو جاية س 7 صبحا ممكن دخلى 7 مساء بس الواحد بستحمل طالما لسة مش حامل لاكن الانتظار وانتى حامل بيسسب مشاكل كتير وكنت بتعب اوى وخصوصا انى حالتى صعبة
    2-متابعة الحمل سيئة للغاية يعنى مش بيهتموا بالحوامل كانوا بيهتموا بيا اكتر قبل الحمل.
    3- موظفى الاستقبال اللى بيردوا عالكى فى التليفون تخلوا من قلوبهم الرحمة ومابيقدروش تعبك ومحنتك ومش عارفة لية ماكنوش بيوسلونى بالدكتور على طول ومش بيدونى موعد بسهولة مع انى تعبانة.
    4- الدكاترة اللى بيحولهم ليكى على التليفون مش بيفهموا اى شىء واكتشفت انهم هما اللى بيقولولك تعملى اى او بيكتبوا الدوا ء لو كنت تعبانة دون استشارة د هانى . ودية المشكلة الكبرى .
    و ان د هانى لو كان عرف بتطورات حالتى كان ممكن الوضع يكون احسن


    فنداء منى لكل من تعاملت مع مركز جنين تدخل ونحكى قصتها مع المركز وتقول اية المميزات والعيوب اللى شفتها عشان الكل يستفاد ومايقعش فى نفس الخطاء اللى وقعنا فية بالله عاليكم لا تبخلوا من انكم تكتبوا تجاربكم .
    وربنا يرزقنا جميعا بالذرية الصالحة يا رب ويعوض صبرنا خير يا رب

  2. #2
    تاريخ التسجيل
    Jan 2010
    الموقع
    مصر
    الردود
    2,071
    الجنس
    امرأة
    السلام عليكم ورحمه الله وبركاته
    اولا انا احب اعزيكي علي فقدك اولادك واكيد اكيد انشاء الله في الجنه مستنينك انا حاسه بيكي لاني مريت بالي مريتي بيه مع اختلاف بعض التفاصيل ولكن مع نفس المركز
    انا رحت للمركز من سنه ونص تقريبا كنت فاقده الامل تماما نتيجه لكلام كان احد الدكاترة قالهولي ربنا يسامحه خلاني مشفش قدامي المهم
    رحت مركز جنين هو مركز نظيف جدا ومريح نفسيا جدا جدا لان سبحان الله ربنا جعلهم بالعلم سبب لحل مشاكل ناس كتير المهم
    عملت معاهم عمليه وتم ارجاع جنين واحد وبفضل الله حصل حمل بس سبحان الله من اول الحمل وانا عندي نزيف رهيييييييييييييب واعدنا في الحكايه ده حوالي 3 شهور بدون سبب سبحان الله وكمان لم اجد عندهم سبب لهذا النزيف الاول قلنا جرعه الجاسبرين والكلكسان غيير مناسبه وبعدين قالوا حته من المشيمه مقطوعه المهم النزيف توقف وفي يوم وبدون مقدمان نزل عليا شويه ميه لا تذكر المهم كلمت المركز ههههههههههه وقالوا لي زي ما قالولك بالضبط العلقه ولازادت قلم ولا نقصت قلم المهم انا قلقت رحت لدكتورة تانيه قريبتي وعملت معاها سونار قالت لي لا الرحم مفتوح ولازم تنتظري في المستشفي
    وكلمت المركز تاني رد عليا دكتور مصطفي هههههههه وكالعاده نصحني اني اروح انام علي ضهري وكل شيئ فله شمعه منورة علي رائي عمرو اديب ههههههه
    وسبحان الله الرحم انفتح ومتقفلش واجهضت بالشهر السادس
    الحمد لله رب العالمين المهم ما هي ملاحظاتي
    انا معاكي في كل الي قلتيه تماما لذلك انصح اي اخت تحمل بامر الله انها تتابع مع دكتور تاني جنب المركز لانها مش هتقدر تسيب المركز لان ليهم ادويه معينه هما ادري بيها وسبحان الله اما تقلق من اي شيئ تجري فورا فورا علي الدكتور ومتصدقش انها اما ترتاح الدنيا هتتظبط وربنا معانا كلنا
    بس كلمه حق اتحاسب عليها يوم القيامه هما ممتازين في العمليات ونتائجهم بفضل الله كويسه

  3. #3
    تاريخ التسجيل
    Nov 2009
    الموقع
    سكندرية بالسعودية
    الردود
    999
    الجنس
    أنثى
    ربنا يعوض عليكي بالخلف الصالح واحتسبيهم عند الله وينزل عليكي الصبر

  4. #4
    تاريخ التسجيل
    Jul 2011
    الموقع
    مصر-القاهرة
    الردود
    9
    الجنس
    أنثى
    تسلمى noona201012 انا معاكى فى كل حاجة قولتيها بس بصراحة انا مش حبة اللى حصلى وحصلك يتكرر لحد غيرنا والله حرااااااااااااااااااااااام وانا معاكى ان المركز ممتاز بس لازم يبقى فى موقف من العيوب اللى فية عشان يعدلوها ممكن د حسام ود هانى ميكونوش واخدين بالهم من العيوب دية عشان مافيش حد بيشتكى وعشان طبعا الزحمة اللى هناك ناس كتييييييييييييير اوى الداكترا هايخدوا بالهم من مين ولا مين و لازم ناخذ بالاسباب واللى حصلنا قبل كدة ممكن يتكرر تانى معنا و مع غيرنا وزى ماقولتى هما عندهم ادوية معينة وعندهم كمان الملف اللى فية حالتنا بالتحليل وكل حاجة فانطر نتابع عندهم ونتابع برة
    بس انا مش هاسكت المرة دية اتحرمت من اولدى بسبب اهمالهم لازم يعرفوا دة
    ويخدوا بالهم بعد كدة

    وتسلمى يا zozaa عل الدعاء يا قمر

  5. #5
    تاريخ التسجيل
    Mar 2007
    الموقع
    إنتظااااااار الفرج....عباده
    الردود
    3,765
    الجنس
    أنثى
    ربنا يصبرك يارب ويخلف عليكي عن قريب إن شاء الله....أنا من سنه ونص تقريبا أو أكتر شويه كان ليا تجربه مع مركز جنين بإختصار عملت حقن مجهري وحصل حمل في توأم وحصل بعدها ولاده مبكره في السادس وفقدت الأجنه ....المركز مريح نفسيا بشكل مش معقول الحقيقه لدرجه إني ما بقتش عارفه أتعامل مع أي مراكز أو دكاتره تانيين ...ولأني مضطره بظطر طبعا أتابع لكن وأنا في قمه الضيق من الأسلوب والنظام اللي بشوفه لأني كنت بسافر لجنين وللظروف الحاليه مش قادره أسافر علشان الطريق مازال مش أمان حتي لما نويت من أسبوع فات إترددت ولغيت بعد ما كنت خلاص حجزت ....االدكتور حسام والمركز وكل الناس اللي شغالين هناك لا غبار عليهم الحقيقه لكن سمعت من أكتر من حد إن إهتمامهم بعد الحمل أقل من فتره الإعداد للمحاولات أو متابعه حاله قبل الحقن أو التلقيح...أنا في حملي تابعت لحد الشهر التالت وبعدها علشان السفر تابعت مع دكتور هنا وبرضه حصل اللي حصل والحمد لله تقريبا نفس اللي كتبتيه....أنا كنت حابه أسألك ياتري عمليتك مع دكتور هاني إتكلفت كام؟؟؟
    وربنا يرزقنا يارب ويخلف علينا كلنا ويكون عن قريب إن شاء الله

  6. #6
    تاريخ التسجيل
    Jan 2010
    الموقع
    مصر
    الردود
    2,071
    الجنس
    امرأة
    يا رب عوضنا جميعا عن ابنائنا واكيد اكيد ربنا عوضنا في حياتنا عامتا مش شرط في الخلفه بالذات
    انا يا جماعه كنت فاكرة اني الوحيده الموجوعه في الدنيا لكن سبحان الله الدنيا فيها كتيير

  7. #7
    تاريخ التسجيل
    Jul 2011
    الموقع
    مصر-القاهرة
    الردود
    9
    الجنس
    أنثى
    تعقيب كتبت بواسطة still_here عرض الرد
    ربنا يصبرك يارب ويخلف عليكي عن قريب إن شاء الله....أنا من سنه ونص تقريبا أو أكتر شويه كان ليا تجربه مع مركز جنين بإختصار عملت حقن مجهري وحصل حمل في توأم وحصل بعدها ولاده مبكره في السادس وفقدت الأجنه ....المركز مريح نفسيا بشكل مش معقول الحقيقه لدرجه إني ما بقتش عارفه أتعامل مع أي مراكز أو دكاتره تانيين ...ولأني مضطره بظطر طبعا أتابع لكن وأنا في قمه الضيق من الأسلوب والنظام اللي بشوفه لأني كنت بسافر لجنين وللظروف الحاليه مش قادره أسافر علشان الطريق مازال مش أمان حتي لما نويت من أسبوع فات إترددت ولغيت بعد ما كنت خلاص حجزت ....االدكتور حسام والمركز وكل الناس اللي شغالين هناك لا غبار عليهم الحقيقه لكن سمعت من أكتر من حد إن إهتمامهم بعد الحمل أقل من فتره الإعداد للمحاولات أو متابعه حاله قبل الحقن أو التلقيح...أنا في حملي تابعت لحد الشهر التالت وبعدها علشان السفر تابعت مع دكتور هنا وبرضه حصل اللي حصل والحمد لله تقريبا نفس اللي كتبتيه....أنا كنت حابه أسألك ياتري عمليتك مع دكتور هاني إتكلفت كام؟؟؟
    وربنا يرزقنا يارب ويخلف علينا كلنا ويكون عن قريب إن شاء الله

    اتكلفت فى حدود 15 الف تقريبا بس الاسعار زادت السنة دية والتكلفة هاتبقى فى حدود 20 الف او اقل

مواضيع مشابهه

  1. تحذير هام خاص بمركز حسام زكى ( جنين) لاطفال الانابيب بالمعادى
    بواسطة ابتسام شفيق في الحمل والولادة و الرضاعة
    الردود: 14
    اخر موضوع: 08-12-2013, 03:05 AM
  2. تجربتى انا و صديقتى فى مركز جنين
    بواسطة meroo2006 في الحمل والولادة و الرضاعة
    الردود: 25
    اخر موضوع: 03-09-2012, 01:53 AM
  3. تجربتى مع مركز جنين للدكتور حسام زكى- شعار تجربة متميزة-
    بواسطة ربى كريم في الحمل والولادة و الرضاعة
    الردود: 61
    اخر موضوع: 11-04-2010, 07:54 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ