السلام عليكم حابة احكي عن تجربتي انشالله انه حدا يستفيدمنها.
انا صارلي متزوجة ست سنوات واول ما تزوجت حملت على طول بس ما كنت أعرف لأنه اجتني الدورة بموعدها لمدة 3 أيام وكانت كتير خفيفة المهم بعد 10 أيام رحت عالدكتورة لأنه صار مغص ودوخة وبس فحصتني قالتلي اني حامل لكن الحمل ضعيف وما اعطتني مثبت ولا شي وقالتلي بعد اسبوعين لازم يبين النبض واذا مابين بيكون الحمل ضعيف ولازم ينزل وسبحان الله مااقتنعت بحكيها مع اني مابعرف بهالأمور بس ماكنت مرتاحه وما كان بإيدي غير اصبر لموعدي وقبل الموعد بيوم نزل علي دم ورحت على المستشفى وقلتلهم اللي صار معي استغربت كتير الدكتورة اللي في الطوارئ انه ليش ما اعطتني دكتورتي مثبت ولما فحصتني عالجهاز بين النبض بس كان في دم بالرحم وقالتلتي الله يستر روحي على دكتورتك احسن لأنها متابعة حالتك وهيك ضعت بين الدكاترة كل وحدة بتحكيلي شي بيختلف عن التانية عملت فحص دم وكانت النتيجة حامل والدكتورة بتحكيلي مابقدر اعطيكي مثبت لأنه في بالرحم دم طلعت من عندها لدكتورة تانيه وبعد انتظار دخلت وفحصتني والخبر المؤلم انه توقف النبض وصارت تحكيلي ليش ما اعطتك مثبت ومن هالحكي وبعدها بساعة نزل الجنين لحاله بدون تنظيفات وبعد هاليوم وانا من دكتورة للتانية ضليت هيك اربع سنين ونص وانا احمل وبس يصير حملي بالشهر الثاني ينزل تحطمت نفسيتي ولما راجعت عند دكتور مختص بالعقم وأطفال الأنابيب الله يجزاه كل خير هوه اللي اكتشف الضعف بالحيوانات المنوية عند زوجي وهذا السبب اللي ماكان الحمل يستمر اكثر من أربعين يوم وعملت أطفال أنابيب والحمد لله بعد معاناة ومرار وصبر ودعاء الله رزقني بتوأم ولد وبنت الله يحفظهم يارب
يعني حبيت أشارككم بقصتي وتجربتي باختصار وصدقو ما بعد الضيق إلا الفرج وربنا إله حكمة بكل شي وكل تأخيره فيها خيرة و بحب انصح كل الأخوات انه اسألي عن دكتورة أو دكتور شاطر ومشهور في منطقتك وروحي لعندة ولا تروحي على أكتر من دكتور ولا تسمعي كلام من الناس عن نصائح وتجارب لأنه كل وحده حالتها بتختلف عن التانية .
وكمان عليكم بالرقية الشرعية والدعاء في أوقات الإستجابة وكمان رمضان على الأبواب ما تضيعوا ولا لحظة وانشالله ربي يرزق كل الأخوات وتقر عيونكم .
الروابط المفضلة