:دعاء العطار
العمر: 24
الجنسيه: مصريه
سبب تأخر الإنجاب: ضعف تبويض وقلة فى عدد الحيوانات المنويه +نسبه عاليه من التشوهات وبطء فى الحركه
مكان اجراءالعملية مركز جنين د/حسام ذكى
كلفة العملية: 25000جنيه
عدد سنوات الزواج التي مرت قبل اجراء العملية :سنتين وشهرين
متى تم اكتشاف الحالة (بعد الزواج)؟ بعد سنه
عدد مرات اجراء العملية وهل نجحت؟ مره واحده /حاااااامل بفضل الله
القصة: بعد زواجى بسنه تقريبا قررنا نعرف سبب تأخر الحمل وفعلا روحنا لدكاتره كتير وعملت تحاليل الهرمونات والحمد لله طلع عندى نسبه بسيطه من التكيسات وضعف شديد فى التبويض وهرمون البرولاكتين عالى وفعلا الدكتور كتبلى على العلاج واخدته والحمدلله البرولاكتين نزل والتكيسات فضلت موجوده والبريود مكنتش منتظمه خالص ومكنش فيه علاج ينظمهالى هى كده طبيعيه تجينى كل 4شهور واخدت منشطات حوالى 3شهور وراء بعض لكن دون جدوى والحمدلله الزوج عمل التحليل ولقينا ان العدد قليل والحركه ضعيفه والتشوهات عاليه راح لدكتور امراض ذكوره ومشى معاه على العلاج حوالى 3شهور ايضا لكن نسبة التحسن كانت قليله اخر زياره لينا للدكتور نصحنا نعمل حقن مجهرى وابتدينا ندبر حالنا ونزلنا على بعضض المراكز نستكشف التكاليف والحمد لله طلع اختيارنا على مركز جنين احنا ارتاحنا فيه جدااااااااااا وأول ماروحنا دفعنا الكشف ودخلنا للدكتور وعملى شوية تحاليل على اثرها كانت نتيجه عاليه فى بعض الهرمونات وفضلت اتعالج لمدة6شهور وجوزى ايضا الدكتور متبيله على بعض الادويه المستورده والحمدلله جابت نتيجه كويسه بعد 6شهور علاج فكررلنا الدكتور اجراء العمليه وفعلا بدأت فى المنشطات والحقن التحضيريه والحمدلله تمت على خير رغم انى حصلى فرط اباضه من المنشطات ويعلم ربنا انا تعبت اد ايه واتحجزت فى المستشفى لان طبعا جسمى كان مطلع نسبه عاليه من البويضات (سبحانك يااارب)والحمد لله لقوا عندى اجنه درجه اولى رجعولى 2 وجمدولى الباقىوالحمد لله انا تحليلى كان النهارده وبفضل الله حاااااااااااااااااااااااامل
استنتاجات ونصائح شخصية: اولا واخيرا احب اقول اننا قبل اى شىء لازم نتوكل على الله
2/لازم فلوس العمليه تكون جاهزه كلها من الاول لانها بتزيد او تقل على حسب العلاج
3/لازم تمشى على كل كلمه الدكتور بيقولها هو اكتر حد عالم بحالتك
4/الحاله النفسيه مهمه جدااااااااااااااااا للزوجين وتوقع اى نتيجه حتى لو كان فشلها اعلمى جيدا انها ارادة الله
5/اوعى تسيبى اى ادويه الدكتور كاتبهالك وادوية التثبيت لحد ماتعرفى النتيجه واختبار الحمل تشوفيه حتى لو عملتى اول سونار ليكى وهناك حالات لا يظهر الحمل رغم اجراء تحليل الدم وعمل السونار ولكن يظهر متأخرا بعد مرور شهر على الحمل
6/أكثرى من الصلاه والاستغفار ودايما خليكى متفائله انا جسمى طلع عدد بويضات هايل رغم ان كان عندى ضعف شديد فى التبويض فدى حكمة ربنا
رد مع الاستدلال
كتبت بواسطة دعاء العطار
الروابط المفضلة