السلام عليكم حبيباتي .. كيفكم؟؟

ان شاءالله حملكم تمام؟

انا مغتربة عن اهلي مع زوجي وحابة اولد بنتي الاولى عند امي
لاني هون ما عندي حدا، وصعب امي تجي عندي
بس ما بقدر سافر الا في اخر الشهر التامن يعني بداية شهر رمضان
وسفري رح يكون من الكويت لباريس يعني حوالي 7 ساعات بالطيارة
في وحدة جربت من قبل تسافر هيك مسافة بالطيارة اثناء الحمل؟
وهل صار معاها اي مضاعفات؟ مع العلم والحمدلله انو حملي طبيعي
وهو اول حمل .......

ارجو منكم افادتي وشكرا

الله يسرلك أمورك يا سمر
إن شاء الله الأخوات يفيدوكي
بس لا تنسي استشارة دكتورتك لأنها الأعلم بوضعك وحالتك الصحية

على فكرة أنا معي كمان بنوتة وأنا سابقتك بيوم
يعني ولادتنا سوا
الله يسهل أمورنا وأمور كل الحوامل
انتبهي لحالك وميسرة سفرتك إن شاء الله

والله بسومة؟؟ الف الف مبروك
شو رح تسميها؟
وهي اول بنوتة؟

وشكرا لنصيحتك المشكلة لهلأ ما عندي دكتورة معينة بتابع عندها
كنت متابعة عند اهلي بفرنسا ومن شهر ونص جيت لهون ما لقيت
دكتورة تبل القلب ولا متابعة متل العادة للأسف ... مشان هيك قلت
بولد جنب امي وبفرنسا احسنلي ........

الله يقومك بالسلامة يارب

لا والله يا سمر هاد حملي التالت
عندي ساري وريماس ولهلئ ما لقينا اسم للبنوتة الجاية (إذا عندك اسم خفيف وحلو قليلي ياه و لا تقصري )
شوفي أنا بعرف أنو طالما ما عندك مشاكل بحملك ممكن أنك تسافري خلال التامن قبل ما يبلش شهرك
يا ريت اقدر فيدك بس ما جربت السفر وخاصة السفر الطويل

وأكيد الولادة جنب أمك أحسن وأفضل إلك
ما بحن عالولّادة وبيفهم عليها غير أمها
أنا أمي بسوريا كمان فترة وراجعة لهون لتحضر ولادتي
الله يخليلك أهلك ويسر أمورك يا رب
وطمنيني عنك دائماً يا غالية