السلام عليكم اود ان اطرح سوال عن افضل الدكاتره في دكتوره اسمها نهاد اسلام لديها عياده في حي الشاطي في احد تابع معاها ولاده قبل كده؟ الدكتوره حبوبه بس ابا اعرف احد مجربها
و شكرا

والله مااعرف بس حبيت ارفعلك الموضوع لتلاقي اجابة من الاخوات
وتم تعديل عنوان موضوعك لتلاقي اجابة من الاخوات

لتيسري على الاخوات مساعدتك
اقترح عليك ان تذكري الدولة والمدينة حتى تلاقي مساعدة باذن الله

شكرا تسلميلي الدكتوره في جده عيادتها في حي الشاطي اسمها عيادات و جراحات الدكتوره نهاد محمد صالح اسلام
و شكرا

الله يقومك بسلامه
انا رحت في بدايه حملي ممكن ٣ مرات بس وهي حبوبه بس انا متعوده ع دكتوري وعشان كذا رجعت عندو
اضطريت اروح لها لانه خلف منزلي ولان دكتوري كان اجازه
غير كذا ما اعرف عنها شي
والله يوفقك

كتبت بواسطة MAYSOON

الله يقومك بسلامه
انا رحت في بدايه حملي ممكن 3 مرات بس وهي حبوبه بس انا متعوده ع دكتوري وعشان كذا رجعت عندو
اضطريت اروح لها لانه خلف منزلي ولان دكتوري كان اجازه
غير كذا ما اعرف عنها شي
والله يوفقك

انا حابه اتابع معاها لانها خلف منزلي برضو ... شكلنا جيران :-)

يارب يتمم لك بخير
واكيد جيران بنفس الحي
اسمعي اول شي اساليه هي وين تولد اذا قالت هنا في عيادته
اطلبي منها اذا تقدر تولدك في مستشفى افضل
لان صراحه عيادته والممرضات اللي هناك يخوفو
واذا قالت انه ما تولد الا في عياده
دوري ع غيرها نصيحه
هدا اول حمل لك
انا اذا الله اراد الثاني
ويارب يتمم لي ولك بخير

ان شاء الله الاخوات يفيدوكِ

هي تولد في مستشفى فقيه و هذا تاني حمل لي برضو بس الاول ولدت في التخصصي و دحين صارت ما تقبل الا اوامر و شفت انو هذه الدكتوره قريبه و ما تاخذ وقت انتظار طويل بس شايله هم فقيه

شوفي انا صحباتي ولدو بافقيه ويمدحوه صراحه
بس انا ولدت بالمتحدون وباذن الله اكمل هناك

والحمدالله انها تولد بالمستشفي

وصح فقيه ومتحدون بعيده عنا بس تعتبر الي الان افضل مستشفيات
وماتعرفي ممكن ربي يسهلها وتفتح المستشفي اللي عندنا وتكون كويسه ونولد فيها المشفى
قريبه لنا وماتحتاج زحمه عشان نوصلها
وانا لما سالت دكتوري قال باذن الله بعد رمضان الافتتاح ويارب يسهل