شي طبيعي لما أتكونين في بدايه الزواج غير , وبعد مايكون عندكم أطفال غير ,, هذي سنه الحياه ,, كل وقت ياخذ حقه .. في بدايه الزواج , روحات وجيات و سفرات , وأتكونون خفافي يعني لامسؤليه ولا شي وخلاص لازم يجي يوم ويتغير هالشي بعد مايكون عندكم طفل يعني بتكون في مسؤليه ..
صدقيني ,, الرجال مش واحد ولا النساء واحد .. وكلن على حسب شخصيته ,, ممكن أتحافظون على اللي كنتوا بتعملونه مع بعض من فسح وطلعات مع وجود الاطفال .
وممكن بدونهم , مثلا أتخلينهم عند بيت أهلك وتطلعون مع بعض لحالكم وتسترجعون أيامكم بدايه الزواج ,, صدقيني راح تكون الحياه حلوه بوجود الاطفال ,, أنا بالنسبه لي صحيح أتغيرت حياتنا من ناحيه الطلعات والسهر خفت أكيد, بس حبنا ماتغير ماشاءالله , وجود الاطفال زاد حبنا , وخلى زوجي يهتم أكثر فينا ويفكر بمستقبنا والطلعات هم صارت حلوه مع بناتي لما أنكون بالملاهي وأنشوف ضحكتهم ووناستهم هذا بحد ذاته يسوى الدنيا ومافيها , بحكم أن أهلي في بلاد ثانيه , لكن بين فتره وفتره أخلي بناتي والشغاله في بيت أهل زوجي , وأروح أنا وياه ونتمشى يا مطعم ولا كوفي شوب ..
والحمدلله ..
يمكن أنتي توك صار لكم 4 شهور , لكن بيجي اليوم اللي بتزهقون وتبون شي جديد , شي يملئ عليكم الدنيا , وهو وجود طفل ..
الله يوفقكم ويسعدكم ويرزقك الذريه الصالحه أمين يارب ..
الروابط المفضلة