حبيباتي الحمد لله خسرت جنيني بالاسبوع السادس لكن هلق بدي اعرف
امتى رح تكون عندي اول دورة
وكام رح يضل النزيف نازل لانه نازلة مني كمية دم غريبة متل ايام ولادتي الاولى
وشو ممكن اعمل لحتى اطمن انه الرحم بخير يعني لو فيه وصفات ممكن اشربها
تنظفلي الرحم منيح لانه البارح لما عملولي السونار المهبلي ما كان فيه ريحة لاي شي بالرحم وكان الحمد لله مساحة فاضية
بس بين الوقت والتاني بينزل معي متل خيوط مكبدة او حتت لحم صغيرة او دم متختر
يعني لمصلحتي انها تنزل ولا شو
والسؤال الاهم يلي مجنني لقلة خبرتي هل الجماع بيضر الحامل في اول شهر لانه انا وسامحوني على صراحتي
كان المعاشرة الزوجية كتيرة مع اني كنت باول شهر يعني قبل الاجهاض بكام يوم كانت خمسة ايام ورا بعض
وحتى في الليلة يلي نزل مني اللون البني واعتبرتها شيء عادي صار فيه جماع
وتاني يوم صحيت لقيت دم
فهل هاد كان سبب بعد مشيئة الله بالاجهاض
بحاول اجمع الاحداث عشان اعرف السبب
وعشان اما ربنا يكرمني تاني ما اوقع بنفس الخطأ ولانه بحملي الاول زوجي ما كان معي
كنت لساتني ما جيت لعنده للغربة
فمرت المرحلة كلها من غير معاشرة
وعندي وجع بين الوقت والتاني بالجنبين او بالقرنين هل هدا طبيعي ام شو لازم اعمل وكيف رح ارجع انظم حساب دورتي
لانها كانت عندي منتظمة وكل 28 يوم بتيجي هل رح ترجع منتظمة ولا شو رح يحصل
سمحوني اسئلتي كتيرة
بس احساسي بالدنب اكبر
وخوفي اكتر ومالي حد ببلاد الغربة
لحتى يفهمني ولا يقلي شو اعمل
والماما ما بدي اشغلها معي
وقدامها بعمل حالي منيحة
لكن بيني وبين نفسي طول الوقت ببكي
من احساس الدنب
ياريت تساعدوني
الروابط المفضلة