انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 32

الموضوع: ولدت الحمد لله و جبت احلى يوسف - قصة ولادتي و الطلق الصناعي -

  1. #1
    تاريخ التسجيل
    Apr 2007
    الموقع
    المغرب
    الردود
    24
    الجنس
    امرأة

    ولدت الحمد لله و جبت احلى يوسف - قصة ولادتي و الطلق الصناعي -

    السلام عليكم ورحمة الله وبركاته

    الحمد لله ولدت يوم الاربعاء و جبت احلى يوسف نور حياتي الله يخليلي ياه و لابوه يارب

    المهم نحول ع MBC Action

    طبعا متل ما اخبرتكم من قبل اني كنت خلصت التاسع و مافي اي بوادر ولادة و اتفقت معي الدكتورة على الطلق الصناعي يوم الاتنين اللي فات

    رحت يوم الاتنين الصبح كشفت علي لقت الرحم مسكرررررر بعد ما كان فتح نتوفة

    عطوني اول تحميلة على اساس اذا ما جابت مفعول باخد تحميلة تانية بعد 6 ساعات

    قالتلي الدكتورة انه عادة بعد تحميلتين او 3 بيبتدي الرحم يفتح و بيجي الطلق

    بس بحالتي اخدت 6 تحميلاااااااااااااااات و مافتح غير 2 سم

    يوم الاتنين ماكان في وجع .. يوم الثلاثاء الساعة 12 الظهر ابتدت اوجاع شديدة بس محتملة لحتى الساعة 7 المساء

    وقتها الوجع صار قووووي .. و انا عم اتقطع و كل شوي يجو يكشفو علي و الرحم حالف ما يزيد على 1سم و نص

    وصلت الساعة 1 بعد منتصف الليل و الرحم لسه 1ونص و انا عم اتقطع بس ما كنت بصرخ والله كنت بدعي طول الوقت .. هنا ابتديت اقطع امل انوالرحم رح يفتح عندي و صرت اطلب العملية لانه خلاص الالم شديد و الوقت طول و الرحم ما عم يفتح و انا ما ضل عندي جهد و ما بقدر اقوم امشي مشان التحميلة تضل في مكانها و مو ماكلة شي

    زوجي مسكين قلي اللي بدك اذا بدك عملية خلص نسويها

    بس امي و حماتي ضلو يصبروني و يقنعوني انو اتحمل لحتى اولد طبيعي
    و انا اصلا كنت رافضة فكرة القيصري و كنت مصرة اولد طبيعي بس الرحم اللي ماكان يفتح احبطني و نزل معنوياتي

    و الدكتورة كل شوي تتصل ع اساس حالة خاصة انا لانو 6 تحميلات و ما فتح الرحم

    اتصلت و اجت القابلة كشفت علي و عطتها خبر انو فتحت 2 سم
    الدكتورة طلبت منها تزيدني طلق صناعي ابر عن طريق المحلول

    هالشي صار الساعة 1 ونص بعد منتصف الليل
    و صار الاوجاع مرررررررررة شديدة كل دقيقتين و كانت بس في اسفل بطني ما اجاني الوجع بالظهر ابدا

    و انا عم اتألم و بسمع حماتي بتقول انو هالشي مو طبيعي كل دقيقتين طلق يعني المفروض خلاص قربت اولد بس الرحم 2 سم

    الساعة 5 و نص بعد الفجر نبض البيبي صار عم ينزل و يطلع
    وصل ل 77 انا هون كنت رح جن و ابتديت ابكي

    رنينا ع القابلة اجت بكل برودة عم تقلي يمكن شلتي الحزام تبع النبض من غير ما تحسي

    ماما حبيبتي و حماتي الله يخليلي ياهون صارو يصرخو عليها مشان تتصل بالدكتورة
    قالتلهم طيب بس اكشف عليها مشان اعرف شو تقول للدكتورة

    و ماخدة كل وقتها و من غير مسؤولية كشفت لقتني لساتني 2 سم و انتبهت انو فعلا نبض البيبي عم ينزل لل السبعينات و يرجع عادي و طلبت منها تشيلي المحلول تبع الطلق لانو عم اتوجع بدون فايدة بس ما شالتو في هديك اللحظة اتصلت بالدكتورة و دكتور التخدير وحماتي اتصلت بزوجي لانو كان راح

    ابتدو يجهزوني للعملية و سبحان الله بس شالولي محلول الطلق الصناعي خف الوجع بزااااااف و اجاني على فترات متباعدة

    دكتورتي الله يهنيها اجت بسرررررررعة و الله احلى دكتورة شفتها بحياتي ما بنساها ابدا
    طريقة تعاملها بتخلي المريض ينسى كلشي

    عكس القابلة يللي لو ماكانو امي و حماتي جنبي و انتبهو ع جهاز التخطيط كان راح ابني مني

    خبرتني الدكتورة انو الحبل السري التف حول رقبة ابني و انو ان شاء الله كلشي بخير و خدوني ع غرفة العمليات و انا سبحان الله ع قد ما كنت رافضة و كارهة اني اولد قيصري ع قد ما كنت مطمئنة و هاااااااادية لاقصى درجة رغم كل التعب اللي شفتو و خوفي ع البيبي

    ماما و حماتي عم يبكو و يدعولي و زوجي مسكين وصل دايخ مو مستوعب شي عم يقلون خلصوها هي الاولى قبل كل شيء

    و انا فتت ع غرفة العمليات ااااااخر رواق

    و يمكن بكون عشت احلى ساعة بهديك الغرفة

    دكتور التخدير عم يغنيلي و الكل عم يعمل معي جو و الممرضات معاملتهم كتير منيحة الله يجزيهم كل خير

    حطولي بنج بظهري الساعة 6 ونص و حطو ستارة بين راسي و بطني لحتى ما اشوف شي بس اللمبات اللي فوق كان فيها شوي انعكاسات و شفت كلشي من غير ما يحسو

    الساعة 7 الا ربع من يوم الاربعاء شفت حبيب قلبي و نور عيوني طالع من بطني و الحبل ملتف على رقبتو زي ما قالت الدكتورة بالظبط بس فكت الحبل و طلع من بطني ابتدى يبكي
    احلى صوووووووت سمعتو بحياتي

    عطوني ياه بستو و خدوه ينظفوه

    و خيطتلي الدكتورة الجرح و نظفوني و طلعت من غرفة العمليات الساعة 7 و ربع

    يعني العملية كلها خدت وقت 45 دقيقة


    يومين تنويم و تحاميل و طلق صناعي وقلة نوم و اكل و يوم من الالاااااااااااام و في الاخير ولدت قيصري

    بس تغيرت نظرتي ع العملية القيصرية خصوصا لما فاجئتني الدكتورة بعد العملية انو ما خيطتني غرز بس استعملت شي تاني ما بعرف شو هو المهم ما رح يكون عندي اثر واضح للخياطة و لا جرح اعتني به و لا غرز اشيل همها بعدين

    دخلت المستشفى الاتنين و لدت الاربعاء و طلعت الجمعة مع ابني و الحمد لله رب العالمين على نعمته

    و المستشفى روعة و الدكتورة روعة و كل واحد بيشتغل هناك روعة من غير القابلة

    و دعيت معاكم و الله دعيت بالتساهيل للحوامل و بالذرية الصالحة للمحرومات

    و اي سؤال انا حاضرة سواء ع الطلق الصناعي او ع القيصري لاني جربت الاتنين

    بس اذا تأخرت بالاجابة اعذروني و الله ما عم لاقي وقت مع يوسف و الناس اللي عم يباركو

    طولت عليكم ادري بس من يوم يومي و انا احب التفاصيل

    و السلام عليكم و رحمة الله

  2. #2
    تاريخ التسجيل
    Apr 2008
    الموقع
    الإمارات العربية المتحدة
    الردود
    1,564
    الجنس
    امرأة
    الف الف مبروك والحمد لله على سلامتك وسلامة يوسف
    يتربى في عزكم ويكون من الأولاد الصالحين
    اللهم آميييييييييييييييييييييييييييييييييييييييييييييييي يييييييييييين

  3. #3
    تاريخ التسجيل
    Apr 2007
    الموقع
    السعودية
    الردود
    1,112
    الجنس
    أنثى
    الحمدلله على سلامتك يالغاليه والله يجعله قرة عين لك ولوالده.

  4. #4
    تاريخ التسجيل
    Jan 2010
    الردود
    632
    الجنس
    امرأة
    رزقت الموهوب وشكرت الواهب ورزقت بره وبلغ أشده

    أسأل الله أن يبارك فيه وينفع به الإسلام والمسلمين

  5. #5
    تاريخ التسجيل
    Mar 2011
    الردود
    64
    الجنس
    أنثى
    الف الف مبروك الله يجعله من مواليد السعاده والخير عليكم يارب
    اختي في اي مستشفى ولدتي ومن وين انتي من جده ولا من وين
    انا ولدي جربت الطلق الصناعي بس اخذت 2تحاميل اخدت اخر وحده 3الظهر وولدت قبل العشا

  6. #6
    تاريخ التسجيل
    Jan 2009
    الموقع
    مغتربة في هذه الدنيا
    الردود
    5,814
    الجنس
    امرأة
    التكريم
    (أوسمة)
    الله يارب يجعله من البارين باذن الله أهله ولأبواه يارب
    وان شاء الله ماتكوني نسيتنا من دعواتك الكريمه
    بانو ربي يرزقني نعمه الحمل السليم والثابت والمعافى ومن ثم الولاده والامومه يارب عاجلا غير آجلا يارب

  7. #7
    تاريخ التسجيل
    Nov 2008
    الردود
    977
    الجنس
    أنثى
    ألف مبروك والحمد لله على سلامتك وسلامة يوسف
    يتربى بعزكم ان شاالله

  8. #8
    تاريخ التسجيل
    Feb 2010
    الموقع
    في قلب زوجي
    الردود
    1,729
    الجنس
    أنثى
    الف مبرووووك يتربى بعزكم يارب ..

    حبيبتي وانتي بتحكي قصتك حسيت كانك تحكي قصتي كمان ..
    لان انا نفس الشي صااااار معي الرحم ما كان يفتح و3 ايام وانا بعذاب الطلق الطبيعي والصناعي وبالاااااخر عمليه قيصريه .. يعني كاني ولدت مرتين

  9. #9
    تاريخ التسجيل
    Oct 2009
    الموقع
    في مدينة التفاؤل
    الردود
    264
    الجنس
    أنثى
    مليون ألف مبرووووووك
    الحمدلله ع سلامتك يالغالية....
    قصة رائعة والأروع وجود طفلك بين يديكي....
    أقر الله به عينيك وبارك فيه.....

  10. #10
    تاريخ التسجيل
    Jan 2010
    الموقع
    فى واحة الصابرين
    الردود
    2,172
    الجنس
    امرأة
    الف مبروك
    حمدا على السلامة

مواضيع مشابهه

  1. الردود: 14
    اخر موضوع: 09-08-2010, 08:43 PM
  2. الحمد لله ولدت و جبت يوسف , ادغولي ربنا يكرمني بية
    بواسطة nehal24 في الحمل والولادة و الرضاعة
    الردود: 43
    اخر موضوع: 10-11-2009, 05:19 PM
  3. بنات بدي ابشركم غيداء ولدت ولله الحمد وجابت احلى احمد
    بواسطة ام حمودي وأيوتي في ملتقى الإخــاء والترحيب
    الردود: 50
    اخر موضوع: 23-01-2009, 06:43 PM
  4. اللهم لك الحمد.... وأخيرا ولدت وجبت احلى روان
    بواسطة منارة الحياة في الحمل والولادة و الرضاعة
    الردود: 58
    اخر موضوع: 04-01-2009, 07:13 PM
  5. الطلق الصناعي
    بواسطة pentalajwad في الأمومة والطفولة
    الردود: 3
    اخر موضوع: 25-05-2006, 02:24 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ