بسم الله الرحمن الرحيم
السلام عليكم ورحمة وبركاته


كيفكم ياقلبي انا جديده في المنتدى
اول مشاركة ليا دي
انا كنت حامل وسويت عملية تنظيف يوم
الثلاثاء26/3/1432هـ الموافق1/3/2011
تقريبا 3اسابيع الا تقريبا
والمفروض دورتي قبل الحمل كل يوم13
يعني المفروض باقي لها ثلاث ايام
وانا اخد طلح النخيل وفوليك اسيد 5جرام
هل ممكن اكون حامل
او لا
واذا جات الدورة
هل اقدر اخذ المنشط من عندي لعندي ولا لازم اروح عند الدكتوره وزي كدا
الله يسعدكم ردو عليا انا حملي السابق جا بالعافيه وبعد استخدامي لطلح النخيل وهاذي قصتي معليش حطول عليكم بس اتحملوني الله يرزقكم اذا ماحملتو واذا حملتو الله يثبت الي في بطونكم


قصتي وكيف حملت بعد الله بواسطة.......

بسم الله الرحمن الرحيم


قصتي بدأت من 3سنوات بعد ماجبت ولدي بكم شهر
وانا ماحملت قلت عادي دوبي والد من كم شهر
ومن دا الكلام ومع اني مااخذ اي مانع
وسنه راحت وانا ماحملت
وعدت السنه التانيه ومافي حمل وبديت اقلق
وبديت ارجع عند الدكتوره قالت عندك تكيس
والحمدلله تعالجت منه وعلى رمضان
اكتشفت انو عندي قرحه قالت الدكتوره هيا السبب الرئيسي
لمنع الحمل وكوتها وتعالجت منها وانتظر وانتظر
ولا في اي حمل تعبت وانا اشوف الي تزوجت بعدي وعندها
اثنين وحامل في الثالث
وانا كدا
سرت ادور في المنتديات ولا في شي فاد
الي شهر واحد السنه دي يعني قبل شهرين جاتني الدوره
وقعدت اكلم صحبتي على المسن واشيكيلها الحال
قالت ليش ماتجربي طلح النخيل
قلت كيف
قالت اول شي طلح النخيل الكويس
تكون ريحتو زي ريحة المني
ولونه اقرب لدقيق
قالت تاخديه من عاشر يوم لدوره
يعني اعد من اول يوم لدوره الى اليوم العاشر
يكون يوم تبويض
اخده كل يوم من عاشر يوم لمدة عشر ايام
على الريق مع العسل وكمان اذا تبي تدي زوجك مايضر
بالعكس ينشط الحيوانات المنويه
والله زوجي اخد معايا كم ملعقه بس مامشي معايا فيه
ولازم يكون في جماع في دي الفترة حتى لو في اليوم مرتين
عشان باذن الله تزيد فرصة الحمل
والحمدلله جا شهر اثنين وجا موعد الدوره ماجات خليتها تتاخر على راحتها
قلت مابى افكر لانه عندي اختبارات ونسيت منها ولمن راح على موعدها تقريبا 15يوم
رحت خلسه اخدت ولدي واخويا الصغير ورحت المستوصف وحللت قالت الدكتوره استني 10دقايق
حسيت العشر الدقايق كنها سنين
وجات قالت تعالي الااستقبال
رحت واشوف الرجال يحط الورقه في الظرف انا ماني عارفه اش اسوي اعطاني الظرف ارجعه له اقولو اش النتيجه قال بوزيتف
+
قلت بصووووت عالي الحمدلله
وخرجت وانا موشايفه طريقي
ورجعت البيت دقيت ع زوجي
وسمعني ابكي قالي اشفيك
قلت احبك والله اني احبك
قال ادري بس اش في
قلت انا حااااامل
وفررررررطها
ضحك والله اكيد
قلت التحليل قدامي
قال طيب انا جايك دحين
وشويا وها داخل عليا يحضني وانا ابكي وجاب لي طقم ذهب
وجا ولدي يقول ليش تبكي بابا ضربك قلت ايو بس ضربه حلوه
هههههه
هذي قصتي وكيف الحمدلله حملت بس ادعولي بثبات حملي وماعرف اش قصة الدم دا
غير قاعده على المثبت
تحياتي

تحياتي
لاتنسوني من ردودكم

وين اربع ولا وحده ردت

والله حسبالي صالج 20 سنة من مزوجة ما عندج اطفال
تاليه اطلعين صالج 3 سنوات وعتدج ولد
هي لو صالج 10 سنين جا صار بيج يمكن اتخبلتي
روحي يا ختي الله ثبتلج حملج

ربنا يثبتلك حمللك ويقومك بالسلامه

حبيباتي انا موحامل انا اسال انا ممكن اكون حامل ولا لا

استني شوية ياحلوة وخليكي على الجماع لليلة الدورة وهانت بتقولي باقي 3ايام وبعدين اذا ماجات بعد 3ايام يعني سارو ستة اعملي تحليل هرموني وان شاءالرحمن ربي يجبربخاطرك ماقلتي ايش سبب اسلابك واتاكدتي انو كل شي بعد الاسلاب تمام الله يعوض عليكي يارب ويطعمك ماتتمني انتي وكل مشتاقة في القريب العاجل

اسئل الله ان تكوني حامل
حاولي لاتفكرين بالموضوع
واصبري ليوم الدورة لوما اجتك اعملي تحليل هرموني
ويارب يرزقك الحمل السليم المعافى

هلا نوني
انا مثلك اسلبت وفي نفس وقتك
بس قالولي بنات اسلبو قبلي ان الدوره بعد الاسلاب تجي بعد اربعين يوم اول مره وبعدين عادي
وانا منتظره ينتهي الشهر دا كلوووو

كتبت بواسطة صدىالأطلال

استني شوية ياحلوة وخليكي على الجماع لليلة الدورة وهانت بتقولي باقي 3ايام وبعدين اذا ماجات بعد 3ايام يعني سارو ستة اعملي تحليل هرموني وان شاءالرحمن ربي يجبربخاطرك ماقلتي ايش سبب اسلابك واتاكدتي انو كل شي بعد الاسلاب تمام الله يعوض عليكي يارب ويطعمك ماتتمني انتي وكل مشتاقة في القريب العاجل

هلا ياقلبي والله سبب الاسلاب انو الجنين توفى في 7اسابيع ولا نزل نص ونص بقي لمدة اسبوعين يعني شلتو وعمر الحمل 9اسابيع اوصلا من بداية الحمل وانا ينزل عليا دم ويوقف وينزل وكنت اخذ دوفاستون وفوليك اسيد
بس الله ما اراد له انو يكمل والحمد الله لله مااعطى ولله مااخذ انا راضيه باقضاء الله وعندي امل كبير ان شا الله اني حامل يارب ادعولي يابنات