السلام عليكم كيفكم يا احلى اخوات بالمنتدى
من قبل وعدتكم انى احكيلكم قصة ولادتى ولكن اكيد انتو عارفين الولادة والبيبي ومشاااكلهم قصدي ان الوقت ضيق جدا المهم عشان ما اطول عليكم
كان يوم الاتنين الموافق 14-2-2011 عندى موعد عند الدكتور وكان موعد ولادتى المتوقع يوم 12-2 يعنى قبل الموعد بيومين المهم الدكتور كان قال من اسبوع سابق ان لو جيت هالاسبوع وما عندى اى اوجاع هيحطلى طلق صناعى وكنت خاااااايفة مووووت
رحت يوم الاحد قبل الموعد بيوم وطلعت امشي برة كتيير امشي وامشي وامشي واهرول الى ان تعبت جدا جدا وروحت عالبيت الساعة 10 بليل من العصر وانا كنت امشي
المهم روحت لقيت نقطة دم نازلة منى زى افرازات كده لونها احمر
ناديت على زوجى جرى وقلتله الحقنى فيه دم (بحكم انه دكتور ) قالى لا تخافي مع انى حسيت انه خاف وكان جالس عالمكتب قام وفضل رايح جاى رايح جاى وانا بدات الام تيجي عندى قلت بدل ما اجلس واحس بالالام خلينى اعمل اى شي قلت لزوجى انا هغسل الملابس قالى لا وكده حاولت اقنعه واقتنع بدات فالغسيل وجلست اطبخ مع اننا كنا الساعة 12 بليل وكنا متعشيين بس قلت اسلي نفسي في اى شي ((((كنت مفكرة نفسي هولد في ساعة وارجع اتغدى ))))هههههههه المهم خلصت طبخ زوجى لقيته وجهه اصفرررررر وبيقولي حاسة بحركة النونو قلتله لا
دخل فحصنى وقالى ان الرحم مفتوح 2 سم وتعالى نروح نطمن عالنونو بالسونار قلتله مش عاوزة اروح المستشفي لانهم هيحجزونى وانا بكره جو المستشفيات ((( بسبب السوابق هههههه اربع عمليات اجهاض ))))
المهم اخدنى ورحنا وقالو لازم اخلع هدومى والبس ملابس العمليات دى
ومن غير كلام ولا سؤال جات الممرضة وقالتلى خدى البسي دهولبست من غير نقاش لانى كنت خاااااااااااااااايفة مووووووووووت وقلعت ولبست ودخلونى جوة وجات دكتورة وفحصتنى تانى قالت الرحم فاتح 2 سم بس لازم تجلسي هنا حتى يفتح 10 سم وبدا الالم يشتد شوي بشوي
واسمع صوت اللى بيولدوا صرييييخ وصويييييت وانا اعصابي تعبت بس شوي واسمع صوت البيبي عندهم يعيط اضحك واعصابي تعبت جدااا ده كله وزوجى منتظرررر المهم بقول للمرضة انا هروح البيت عشان اعصابي بتتعب من الصراخ قالتلى لا كلها شوية وانتى كمان تشتغلي ههههههههه
ممرضات صراحة كانو عسل جدا جدا وبيساعدوا الواحد في كل شي وبالاقناع مفيش حاجة غصب
المهم جلست شوي والساعة بقت 2 وزوجى برة والالم بيشتد الى ان سمعت الفجر والصراخ بدا والدعاااء والحمد لله قعدت ادعى لكل الناس اللى قالتلى ادعيلي
والدكتورة جات فتحت كيس المووية بعصاية كده وكنت حاسة ان روحى هتطلع معاها
وبعدين الصراخ بيشتد لان الم بيزيييد وبيعطونى في مسكنات قوية جدا جدا حتى زوجى قالى اول مرة اشوف واحدة اخدت مسكنات بالكمية دى (( لانهم بيقولو استحمالى للالم ضعيف جدا ))))
المهم جلست الىىىىىىىىىىىىىىىىىى بعد العشااااااااااااا من الساعة 3 الفجر الىىىىىىىى بعد العشا تانى يوووم على هذا الحال انام واصحى واصارخ وادعي الى ان سمعت الممرضة بتقول الرحم مفتوح 8 سم قلتلها طيب يالله ولدوونى قالتلى طيب وتروح وانا كنت مفكرة انى هولد في غرفة تانية قالتلى لا انتى هتولدى مكانك هنا في غرفتك دى
قلتلها طيب يالله ولدونى قعدت تجهز في حاجات كده كان شوية وهقوم اجهز معاها كنت حاسة انها بطيئة ههههههههههه وجهزت الادوات وولدوووووووونى
طلعت حبيبة قلبي ونووور عيوونى حلا ونسيت كل شي والحمد لله رب العالمييييييين

ألف الحمدلله على سلامتك
لفت انباهي انك قلتي زوجك فحصك ماشاء الله كيف يعرف الرحم كم مفتوح ... ماشاء الله
اهم شي ولدتي وشرفت احلى حلاوي

لان زوجى دكتور يا غالية بحكم شغله يعنى اكيد مش بيجرب فياا هههههههه

ألف الحمد لله على سلامتك حبيبتي

أمس الصبح رحت عالمستشفى وسمعت وحدة تصرخ من الألم

متت من الرعبة بس على قولك لما سمعت صوت النونو يبكي نسيت الألم

ربي يسهل على كل الاخوات يارب

مبرررررررررروك النونو
وماشاء الله اسمها جميل
ربنا يباركلك فيها

شكرا مروركن الذي انار صفحتى المتواضعة

الف مبارك يا احلي ام

الله يخليلك البنوته ويرزقك برها

الف مبروك عليكي حلا انشالله من الصالحات البارات وتفرحي فيها وهي عروس

حبيبتي ألف مبروك والحمد لله على سلامتك وسلامة حلا وربنا يباركلك فيها