السلام عليكم
طبعا رايحيين تسالو اي تجربة لك مع الحمل وانتي متجوزة من 3 شهور وحامل جديد"الحمد لله والله يثبتني ياااااااااا رب لاني كتير تعبانة"
رايحة اقلكم انو انا تزوجت كبيرة شوي بالمقاييس العربية تزوجت على 28،بالعيلة عنا اغلب البنات اما تاخرو بالحمل متل اختي وبنات عمتي او واجهتهم مشاكل وبالاخر الحمد لله حملو..او التبويض ضعيف او رحم مقلوب اواواواواواواواوا
فكان عندي هاد الوسواس وكنت حابة احمل بسرعة وطبعا جوزي من ايام الخطبة وهو يلحن ويعزف على وتر الابوة وانه كتييييييير بحب الاولاد...طبعا انا شو توترت واجت الافكار السيئة وراحت ودايما اتعوذ بالله من الشيطان الرجيم...
المهم تزوجنا الحمد لله..طبعا اول دورة تاخرت 3 ايام وكان احساس قوي انه حمل لانه اخدنا بالاسباب توكلنا على الله وهو من طبيعة شغله كطبيب كنت بتناقش معه بالخطبة انه ممكن تاخر الاولاد يكون من الرجل راح عمل فحص شامل لحاله والحمد لله ما طلع عنده اشي...بعديها شرفت الدورة بس كانت صعبة كتير ومعدتي بتتقطع...قلنا لعله خير ممكن من السفر وشهر العسل والحياة الجديدة...
تاني شهر برده توكلنا على ربنا وقلنا ان شا الله ربنا بيكرمنا...طبعا نسيت اذكر تعليقات امة لا اله الا الله..بلغتنا الفلسطينية ""ما حوشتيلنا اشي"" ما في اشي مخبه""ربنا يعوض عليكي""توكلي على الله ربنا كريم وما تزعلي"" يعني حسسوني انه الي دهر وانه خلص راحت علي..حتى يا صبايا كنت بفكر انه لحالي بعد للدورة،طلعت العيلة كلها بتعد معي..المهم اجت تاني دورة وانا بكيت بكى عن عمري...جوزي الله يوفقه قرر ان موضوع الخلفة ما نفتح لسنة وانه ما حد يجيب سيرته
طولت عليكم بس جاي على بالي احكي لانه تعبااااانة من الوحام وشكلي متل العجايز وقاعدة بالبيت
المهم بالاخر عملت سيرشات كتير وقررت الاتي قبل ما اروح على دكتورة
1) بعد ما خلصت الدورة 2 بلشت اخد حبوب الفوليك اسيد 5 ملغم مرة يوميا بعد الفطور
2)تناول ملعقة عسل مخلوط بغذاء الملكات ومجموعة فيتامينات جابتلي اياه ماما من عند محل عسل مضمون
3)التوكل على الله طبعا اولا واخرا لانه هو الرازق وما تهكلي هم الموضوع بييجي بوقته ان شا الله وربناااااا كريييييييييم
4)ضلت مشكلة الاباضة وهاي قصة قررت اجيب فحص الاباضة متل فحص الحمل وابلش فيه من اليوم 10 للدوره...طبعا على الحسابات انا الاباضة عندي يوم 14
ولكككككككككككن
جربت الفحص يوم 10 11 12 13 14 15 وخلص وما في اباضة المهم نفسيتي تعبت وحكيت اكيد انا ما عندي اباضةوقررت اروح للدكتورة بعد الدورة الجاي
المهم بعد تقريب 6 ايام بلشت استفرغ ومش طايقة حالي ورحت فحصت طلعت حاااااااااااامل الحمد لله وربنا يرزق الجميع،،معنى اخر مش شرط انه يكون يوم التبويض اليوم 14 او 15 ومش شرط الفحوصات اللي بنعملها تكون صحيحة...خدي بالاسباب وتوكلي على الله عز وجل
ربنا لا يحرمهم لحدا ويعطيهم لكل مشتهي ياااااااا رب صحتهم منيحة وخلقتهم تامة ويااا رب تدعو لخالتي بالذرية كمان وتدعولي ربنا يفتحها بوجهي ويوفقني مع زوجي ويثبت الحمل ويرزقنا قرة عين ياااااااااا رب
بعتذر على الاطالة
الروابط المفضلة