الله يرزقك الحمل عن قريب ياااارب ...
حبيبتي انتي لسا عروس جديده اصبري شوي لحتى تمر سنه ..
لاحقه على الاولاد والحقن المجهري او التلقيح الصناعي ... وان شاء الله تحملي طبيعي وما تحتاجي اي شي من هالعمليات ..
التلقيح الصناعي : بيعطوكي هرمونات لحتى تكبر البويضه وباليوم ال 14 بيعطوكي ابره تفجيريه وخلال 36 ساعه بيحقنوكي بالحيوانات المنويه الي من زوجك عشان يسهلوا عليهن عمليه الوصول للبويضه ..
اما الحقن المجهري : بيعطوكي هرمونات قويه عشان بيخلوا اكبر كميه من البويضات تنضج .. وبعدين بيسحبوهن منك عن طريق عمليه .. وبالمخبر بيخصبو البويضات بالحيوانات المنويه الي من زوجك .. وبتصير اجنه ... وخلال فتره معينه بيرجعولك عدد من الاجنه على الرحم وطبعا مع مثبتات عشان يتم الحمل على خير .. وباقي الاجنه بيجمدوهن لحتى لا سمح الله ازا ما زبط الحقن اول مره بيكون عندك كميه اجنه ممكن يرجعوها ...
اتمنى اكون افدتك
الروابط المفضلة