السلام عليكم بنات

ممكن تساعدوني بحساب حملي؟؟

انا عم دور على النت عن الطريقة الصحيحة لحساب الحمل وكل موقع بيقول شي
بس اللي استغربتو انو اغلب المواقع بتقول انو الحساب بيصير
من اول يوم لأخر دورة ..... طيب كيف منحسب حمل ونحنا لسه عنا الدورة ؟؟؟

أنا لسه ما رحت عند الدكتورة مشان هيك ما بعرف بس انا على حسبتي
كنت مفكرة حالي لسه مبارح خلصت الاسبوع الرابع وعلى حسبة الكلام
اللي شفتو بالمواقع بكون انا بكرة مخلصة السادس !!!

اللي بتعرف امانة عليها تقلي لانو انا كتير كتير بيهمني أعرف أنا بأي اسبوع لانو
بدي اقرأ كل اسبوع شو بيصير جوا بطني للبيبي تبعي

شكرا سلفا

السلام عليكم
بالفعل احتساب الحمل يكون من اول يوم باخر دورة لك، لانه لا يمكن لاحد ان يعرف فعليا متى تم تلقيح البويضة، و بالتالي الحساب يكون من اول يوم بالدورة السابقة على اعتبار انه الرحم بيكون بستعد لاستقبال البويضة المخصبة.
و ان شالله بتكملي حملك على خير

دكتور لما يحدد تاريخ ولاده يحسب من تاريخ اخر دوره لك اول يوم فيها
وع اساسه يحدد انا ببنتى ع نفس طريقه وعطانى تاريخ متوقع للـ ولاده وماشاء الله صار بنفس اليوم ويـارب هـ مره يظبط الحساب

متل ما قالوا اخواتي

ام نور الدين، ولين شكرا الف شكر على ردكم علي
يعني انا هلأ اخر دورة الي كانت بتاريخ 14.11 يعني انا هلأ حامل ست اسابيع؟؟؟

ممكن وحدة تحسبلي؟

ربنا يبارك لك يارب عندى نفس مشكلتك

حبيبتي انتي هلا 6 اسابيع ان شاء الله ، واخر موعد لولادتك 21/آب/2011م ان شاء الله يعني بشهر 8/2011م بتولدي ان شاء الله ، ديري بالك على حالك وتوكلي على الله الواحد الأحد.

حبيبتي سمورة يختلف موعد الولا دة بحساب اول يوم لا خر دورة صح مومعقولة تحملي عدورة وممكن ماتكوني اتجامعتي الا في اليوم العاشر من الدور ةبس لو لا حضتي مدة الحمل بتكون اربعين اسبوع وبلعقل اربعين اسبوع يعني عشرة شهور لانو الشهر في اربع اسابيع اربعة في تسعة 36اسبوع فعشان تحسبي مزبوط كل قديش تخشي شهر وتخرجي من شهر تضيفي على اول يوم في اخر دورة اربعتعشر يوم يعني انتي اخر دورة 14/11+14=28/م11تم الاخصاب وتزيدي على الشهور تسعة شهور يعني 11/2010+9=8/2011يعني موعد ولا دتك انشاء الله في 28/8/2011انشاء الرحمان وممكن قبلها باسبوع او اسبوعين حيكون طبيعي والله يتمملك على خييييييييييييييييييييير انشاء الله ولكل الحوامل

نورمانو صدى الاطلال تسلمولي يارب على التوضيح هلأ فهمت كتير منيح
لانو انا كنت بدي اعرف هلأ جنيني شو بيكون شكلو مشان هيك كنت مصرة
اعرف انا بأي أسبوع بالضبط ...... تسلمولي حبيباتي شكرا كتيييييييير