السلام عليكم
انا حامل في نص الشهر السابع والدكتور طلب مني تحاليل (بول كامل وهيموجلبين) والنتيجه ظهرت بس في حاجات مش فاهماها ودكتوري مسافر ......بالله عليكم ساعدوني ...مع العلم اني اصلا عندي سكر من قبل الحمل

Albumin :S .trace
Sugar : Present
Urobilinogen : N .trace
Red Cells :10 -15
Pus Cells : Innumerable
Epith. Cells : +

Haemoglobin : 10.0 69%

دي النتايج الي مش فاهماها وخصوصا(((نتيجه تحليل السكر ))) لاني دايما بيجلي برقم
بالله عليكم تساعدوني

حبيبتي حسب معرفتي البسيطة الهيموغلوبين عندك منخفض بس ما بخوف كثير
يعني لازم توخدي حديد حسب وصف الطبيب
ومبين إنو عندك سكر بس مش مبين شو نتيجة السكر عندك
وإن شاء الله ما في أي إشي بخوف
توكلي على الله يا حبيبتي

انشاء الله البنات يفيدوكي

حبيبتى
المكتوب فى تحليل السكر عندك أنه موجود لكن نسبته كام مش مكتوب
لا تقلقى حبيبتى
إن شاء الله خير
إبقى طمنينا يا قمر

و دى ترجمة التحليل يا قمر

الزلال : ق التتبع.
السكر : موجود
يوروبيلينوجين : لا يوجد أثر.
خلايا الدم الحمراء : 10 -15
خلايا القيح : عدد لا يحصى
الخلية الظهارية. +

الهيموجلوبين : 10.0 ٪ 69

يا رب أكون أفدتك حبيبتى

حبيبتي اعتقد انه عندك التهابات هل بتعاني من حرقان او تعب
يعني عند دخول الحمام

كمان الدم عندك ضعيف شويه واعتقد لازم تاخدي حديد

شوفي علشان تطمني اكتر اتصلي بالمعمل الي حللتي فيه

وكلمي الدكتور هيفهمك تحاليلك بالزبط فيها ايه


ربنا يقومك بالسلامه ومتنسيش تطمنينا عليك

حبيت ادعيلك معنديش فكرة ربنا يقومك بالسلامة

ماشاء الله البنات كفوا ووفوا
ربنا يقومك بالسلامه

ربنا يقومك بالسلامه معنديش فكره اكتر من اللى البنات قالوه

ربنا يتممللك حملك على خير اللهم اميين
بالنسبه لتحليل البول
- فى نسبه بسيطه من الزلال وده عادى
- فى سكر فى البول وده معناه انه عالى فى الدم اعلى من 180 ولكن فى البول مش بيكون له نسبه لانه المفروض مش يكون موجودد نسبته بتقاس فى الدم فقط
- فى نسبه من خلايا الدم الحمراء
- نسبه عاليه جدا من الصديد وده معناه وجود التهابات فى المسالك البوليه
ولابد من علاجها باذن الله
اتصلى بطبيبك فورا و مع العلاج ان شء الله بيكون كل شىء تمام ان شاء الله

اما بالانسبه للهيموجلوبين نسبته 10 قليله بس حاول انها مش تقل عن كده
اكثرى من اكل الاطعمه الغنيه بالحديد
وزياده جرعات الحديد فى الفايتمينات
ربنا يتممللك بخير ويقر عينك باللذريه الصالحه اللهم اميييييييييين