السلام عليكم ورحمه الله وبركاته

اخواتي الغاليات

أريد أن نفتح موضوع جديد يارب يكون ذو فائده لجميع الاخوات

اريد من كل أخت من الأخوات تحكي هي حملت بعد كام عام من زواجها

والموضوع خصيصا لكل أخت تأخرت بالحمل ورزقت طفلا بعد فتره طويله
تحكي معانتها وقصه علاجها وما هي الفتره التي حملت بعدها
وشعورها بعد الحمل

وقبل كل هذا علاقتها بربنا سبحانه وتعالي اثناء الابتلاء كانت عامله ايه

طبعا هدفي من الموضوع الاخوات التي لم يرزقن بالحمل وتاخر حملهن كثيرا حتي يأخذوا عظه وعبره ممن حولهن وحتي يكون الموضوع دافعا لهن لمزيد من الصبر

أرجو من الله عز وجل ان اجد تفاعلا لكي نفيد اخواتنا جميعا

حبدأ بنفسي الحمد لله حملي لم يتأخر حملت بعد 3 شهور فقط من زواجي وعندي ولدين وبنوته ربنا يحفظهم والمسلمين جميعا من كل سوء

لكن طرحت الموضوع لاني وجدت الكثير من الاخوات في المنتدي انجبن بعد فتره كبيره من الزواج لذلك قولت نستفيد من تجاربهم ونفيد اخواتنا الاخريات

لا ننسي في كل رد الدعاء لكل من لم ينجب ان يرزقهن الله الذريه الصالحه ويكونوا نفعا للاسلام والمسلمين اللهم امين

انا اتجوزت في 2001 حملت بعدها بشهرين ونزل وبعدها باربع شعور ونزل وبعدين فضلت فترة سنة وحصل حمل في 2004 ونزل وعملت كل التحليل وتطلع كويسة اهرمونات والغدة الدرقية والأشعة بالصبغة ثلاث مرات كل اللي يخطر على بالكم واللي مايخطرش عملته وكله سليم رحت يمكن والله بدون مبالغة لـ 12 دكتور كلهم كبار ومعروفين منهم مأمون الهضيبي وعبدالله عبادة ومحمد مقبل كلهم اسماء معروفة ومشهورة وكمان مستشفى عين شمس وحدة اطفال الأنابيب وكانوا عايزين يعملولي تلقيح صناعي واخدت منشطات كتيييييييييييييير ومفيش حمل ومحدش عرف ايه سبب الإجهاض حتى والله عشان انا اصلا من السعودية واخواتي هناك رحت وسافرت وكشفت هناك وبرضو مفيش فايدة لحد ما ربنا يسرلي وحدة قريبتي وقالتلي على الدكتور حسام زكي في مركز جنين ورحتله في أول سبتمبر 2006 عمللي تحاليل الهرمونات عنده وطلعت كويسة وقاس بطانة الرحم في يوم التبويض في منتصف الدورة لقاها اقل من نصف الطبيعي وهي ده كانت المشكلة الأساسية بعد التفريغ الثاني الدكتورة الله يكرمها شالت بطانة الرحم المهم عطاني علاج عشان يكبر بطانة الرحم وتوصل للرقم الطبيعي لمدة شهرين وبعدين رحتلو قاللي هاديكي علاج لمدة اربع شهور وهاتحملي بعدها طبيعي بدأت العلاج شهر 12 قبل ما ارحلو في شهر 4 قبل ما يكملوا كنت حامل اصل انا دورتي منتظمة فأول ماتغيب يوم أو يومين اشك اني حامل اتأخرت يومين عملت اختبار حمل في الدم طلع حمل
مش قادرة اوصفلكم شعوري ساعتها انا وجوزي كان عايز يشلني على ايده يروحني عشان مامشيش من المعمل لحد البيت انا بكيت من غير ما احس وماكنتش مصدقة نفسي اني حامل ولما رحت للدكتور حسام عمللي تحليل رقمي وطمني وطول الحمل وانا مش بتحرك لأنه قاللي ده حمل غالي عايزين نحافظ عليه واخدت علالالالالاج كتير جدا مثبتات حقن كل يوم صبح وليل لمدة ثلاث شهور وبدأت تخف لحد نصف الشهر الخامس وكان حقن السيولة اللي تحت الجلد من أول يوم لحد يوم الولادة وكمان الأسبرين والحمد لله في آخر يوم في الثامن حصل انفجار في جيب المية وولدت قيصري في بنتي نور عيني ربنا يخليها ويحفظها في يوم
15 /11 /2007 والله يا اخواتي لما كان الدكتور بيعملي سونار وكنت اشوفها تكبر في بطني مكنتش ببقى مصدقة ان الحمل بيكبر في بطني والحمد.
اخواتي المتأخرات في الحمل ربنا كريم وكبير انا كنت في محنة كبيرة مش بسبب جوزي أو تأخير الحمل لكن بسبب الناس وفضلت فترة تعبانة نفسيا والتجأت للشيوخ واللي يقوللي عمل واللي يقوللي عشق وفجأة قولت لجوزي انا مش هاروح لحد تاني انا هاتوكل على ربنا بقيت اصلي قيام الليل يوميا مع الدعاء المستمر ( رب لا تزرني فردا وانت خير الوارثين ) الحمد لله ربنا استجاب دعائي
ربنا يرزق كل محرومة وما يحرم حد يا رب العالمين
معلش انا طولت اصلهم 6 سنين تعب وعلاج وعمليات ربنا كللهم ببنتي مريم عقبالكم

موضوعك حلو غلاتي
انا تأخر حملي 3سنين ورحت وعملت كافة التحاليل والفحوصات والحمدلله كنت انا وزوجي سليمين 100% ومافي اي مشاكل وبصراحة ما اخدت لا دوا ولا اي علاج يذكر كل اللي عملته المداومة عالاستغفار والدعاء والصبر لحد ما اجا اليوم اللي المفروض تجيني فيه الدورة الله يكرمكم بس سبحان الله تأخرت اسبوع لحد ماقلت خلاص ورحت حللت دم وكانت النتيجة ايجابية ولله الحمد والمنة وكان حمل غزالي نزفت كتير خلال الاشهر التلاتة الاولى لحد ماحددولي الدكاترة مو عد للتنظيف وسبحان الله يومها تنحت وماقبلت اروح وقلت اذا الو عمر حيعيش ولو مالو عمر حينزل وكانت المفاجأة لما رحت وعملت سونار بعد اسبوع والحمد لك يارب قالولي الجنين كويس ووضعو ممتاز ونبضو كويس وتوقف النزيف ما بخبي عليكم طااااااااااار عقلي والله وحدو بيعرف الدموع يلي نزلت من الفرحة ...انا الحمدلله الان بالشهر الخامس وجنيني بيتلوى وبيركل في احشائي ماشالله لاقوة الا بالله
يارب ترزق كل محرومة وكل يلي بنفسها انو تحمل في احشائها طفلها وتقوم كل الحوامل يارب بخير وسلامة وترزقنا بذرية صالحة سليمة معافاة من غير نقص ولا زيادة يارب العالمين

اخواتي الغاليات ام مريوم ولالي الحلوه جزاكم الله خيرا اولا على المشاركه وعلى الدعاء لاخواتنا في الله المتأخرات في الحمل

ويارب نقرا مشاركات لاخواتي اخريات مثلكم لعل الموضوع يكون سبب في تثبيت قلوب اخواتنا المتأخرات وتمسكهم بالامل وعدم اليأس من رحمه الله

طبعا القصتين فيهما معانه والحمد لله ان الله لم يضيع دعواتكم ومعانتكما وكلل الله تعبكم بطفله جميله بارك الله فيه وجنين جميل ربنا يحفظه من كل سوء لاختنا لالي وان شاء الله نفرح معاكي اختي بولاده يسير وطفل جميل وخليه يضرب ويخبط زي ما هو عايز هو في اجمل من الضرب ده
ربنا يفرح الجميع بهذه الاحاسيس الجميله

كنت اتمني اجد تفاعل من الموضوع اكثر من ذلك اين انتم اخواتي الغاليات وقصصكم مع التاخر في الحمل واين اخواتنا اللاتي تأخرن في الحمل يشاركن معنا

يارب باقي الامهات تشارك معنا بقصتها في الحمل وتأخرها وفرحتها بعد المعاناه من التاخر والاطباء والتحاليل وكل ما مرت به

للرفع

كنت اتمنى لو شاركتكم بس ربنا ما راد حملي يتم

انا متزوجة من عام 1997 وما عندي اطفال لكني اجهضت قبل رمضان

الحمد لله اولا واخرا

موضوعك حلو غاليتي
وتجارب الأخوات أدوني أمل
وأني ميأسش
أنا ليه سنتين متجوزه ولسه ربنا ماأرادش أحمل

أنا كل تحاليلي كويسه والدوره منتظمه في بداية زواجي
مكنتش أعرف أنه في أيام معينه لازم أنتبه لها ويصير جماع
كنت لسه عروس مش بعرف ومش بنام علي ظهري
ومشكلتي أني سافرة فضلت شهرين لي وحدي
مافيش حد ينصحني وكنت عاوزه أحمل لأنه الوحده صعبه
كنت ببكي كل ماأشوف الدوره كنت نفسيا صفر
حتي نزل وزني من 80 لي 63
وفضلت أربع شهور كده رحت بعدها الدكتوره أدتني منشظ
وتعبت جدا منه كنت حاسه أجنابي حينفجروا وده
بسبب أنه التنشظ وأنا التبويض عندي كويس
أخدة شهرين منشظات وبطلت وفضلت حالتي النفسيه
لما تجي الدوره بكاء وأنضواء وعصبيه
رحنا دكتوره تانيه في نهاية 5 طلبت تحاليل ليه ولي زوجي
ومنها أكتشفنا أنه زوجي عنده ضعف وتشوه في الحيونات المنويه
أنصطمت لأني طول فترة خطبتي وقبل الزواج خايفه من المشكله دي
والعلاج مش بينفع معاه وأنا كنت بأخد خلطات وأعشاب طبيعيه كثير
أحيانا من قوة التشيظ وألام الدوره أضر أخد أبر مسكن في العضل
وحاليا بعد زيارة أخر دكتور قال أنه إمكانية الحمل الطبيعي مستحيله
إلا بقدر ربنا أو نعمل طفل أنابيب وحعملها قريبا.
بس حبيت أقولك تجربتي أني بعد سنة جواز ومعانه وحرمان
وبكاء ونفسيه سيئه قررة في السنه التانيه أعيش أيامي
وأنسه الحمل وأبطل عياض لما تجي الدوره كنت لما تجي
اليوم الأول إذا مش تعبانه كثير أقوم وأطبخ وأرتب وألبس
حتي جوزي أستغرب.
يعني في السنه التانيه أنا نفسيا أحسن ومش بستنه الدوره
ولابحسب وقتها عايشه يومي
ووثقه إنه ربنا رحيم كريم راح يرزقني قريبا
ويغوض صبري خير.

أعتذر علي الأطاله .


اللهم أرزقني وأرزق أخواتي المنتظرات الذريه الصالحه
وقر أعيننا ولاتحرمنا وعوض صبرا يارب .

حبيبتى انا بصراحة قرات موضوعك فى يوم سابق بس الظروف مسمحتش ليا اشارك فية

بجد انا اتعلمت من تجربتى ان كل شئ بارادة ربنا والصبر والدعاء

وبجد ان الصبر مفتاح الفرج والعجلة من الشيطان

اما عنى انا الحمد لله تزوجت فشهر 11 اللى فات ودورتى كانت منتظمة جدااااااااااااااااااااا وكنت حطة فبالى طالما الدورة منتظمة يبقى هحمل اكيد باذن الله طالما زوجى سليم
بس كانت المفاجاة عدى شهر 12بدون حمل وقلت عادى ارادة ربنا
بس لقيت الناس بتسالنى عن الحمل من شهر 1 وكان كلامهم بيقلق نظام اية اللى اخر حملك وعوزين نعرف سبب تاخير الحمل واقولهم بقالى شهرين متجوزة مش مليون سنة وطبعا لا حياة لمن تنادى

والله يابنات حسيت انى كبرت وعجزت وكان فات العمر ونسيت انى عروسة جديدة اللى يسامح اللى كانو السبب

وفشهر نزل عليا وانا قايمة من السرير نقط دم سايلة ومكنش موعد الدورة فتخضيت لان ناس قالو حمل ضعيف وناس قالو تغير هرمونات
وروحت لدكتورة فمستوصف لانى كنت حالة مستعجلة شكت انى حامل بس التحليل طلع سلبى وقالتلى حجم الرحم كبير وادتنى علاج يوقف الدم المهم ختو وحسيت انى تعبانة اوى ومغص فلحيت عليها انى اعمل سونار وعملتو وياريتى معملتو
اول ما شافت السونار لقيتها بتقولى لية كدة بس دة من اية فوجعتلى بطنى وقاللى عندك مشكلة عالمبيض ملهاش حل الا جراحة تكلف 3000ج وبدونها مش هتحملى او هيتاخر حملك
طبعا الدنيا اسودت فعنيا وكان كل همى اجيب الفلوس ازاى واحنا فبداية حياتنا بس سبحان الله جة على بالى واحدة قريبتى دكتورة وقريتلها السونار قالتلى لا يا بنتى الكيس عادى وتحملى بية عادى ومينفعش تكونى مخلفتيش وتعملى عمليات فالمبايض لانها خطر
وكلمت ماما وانا بعيط وروحتلهم زيارة تانى يوم ومعايا السونار معرفش لية

فروحنا لدكتور تانى وكالعادة ياريت مكنتش روحتلو قالو انا اسف مقدرش اخبى فى ورم مجهول المصدر عالمبيض هعمل اشعة بالصبغة علشان اعرف المصدر وانسى الحمل دلوقتى

طبعا اتصدمت اوى وقعدت يومين ربنا وحدو عالم بحالى وكنت ببكى وانا نايمة وكل ماعينى تيجى على جوزى اتعزب اوى
عملت الاشعة وفانتظار النتيجة

وبابا كلمنى طمنى ان مفيش ورم
اية سبب الكلام دة من الدكاترة ان الدكتور المحترم بتاع السونار لقى كيس وشخصو على انو ورم
بس والدكتور بعد كدة قالى ناخد منشطات لمدة 4شهور لو محصلش حمل نعالج الكيس ولا نعالج الكيس الاول قلتلو الحمل اصل بصراحة كلام الناس وقلقلهم كان مستحيل اختار تاخير الحمل بايدى

وربنا اكرمنى اول شهر علاج واتاخرت الدورة 5ايام بس حللت طلع سلبى
فعملت مجهودكبير نزل منى حتة لحم ودم عرفت انو كان حمل

وبصراحة خفت اروح لدكاترة علشان تعبت منهم
والشهر التانى للعلاج الدورة اتاخرت 9ايام وفرحت اوى بس كنت مرعوبة عالتحليل نفسى اعملو وخايفة اتصدم وعملتو والحمد لله قالولى مبروك حاااااااااااااااااااامل

طبعا الدكتورة اللى بتابع معاها قالتلى المفروض مكنتش خت منشطات لانها كانت هتفجرالكيس بس ربنا ستر وهولد فاول التاسع قيصرى وهشيل الكيس

ادعولى بجد
وخلو ثقتهم فربنا
وبجد نفسى ان حياتنا مع ازواجنا وكا ما يخص الحمل وتاخيرة متطلعش للاهل سواء اهل العروسة او العريس لانها كانت غلطتى وندمت عليها

واخيرا بعتذر على الاطالة واسال الله ان يرزق اخواتى جميعا بحمل صالح معافى عاجلا غير اجلا
وعليكم بالدعاء والصدقة والاستغفار

والاخذ بالاسباب