السلام عليكم ورحمه الله وبركاته
انا عندي مشكله ومش عارفه اعمل ايه
انا متجوزه بقالي ست شهور
والدوره منتظمه معايا بعد الجواز وكويسه بتيجي فمعادها
اخر شهر ليا قبل معادها المفروض ان احس بوجعها
واحساسات انها قربت بس انا محستش بدا خالص
وجه معادها ومجتش فضلت احس بوجع فظيع اخر ظهري
ودوخه فبعد اسبوع لقيت الدوره جت ونزلت ومن غير وجع بس بعد منزلت ظهري خف ومبقاش يوجعني يوم ماجتلي انا روحت للدكتوره قلتلي
مفكيش حاجه ومتستعجليش عالحمل ودتني برشام اسمه اوكتاترون قالتلي خديه شهرين انتي وزوجك
مش عارفه بقا دا معناه ايه وتاخرت ليه وليه لما نزلت محستش بوجع والبشام دا ليه

ياريت حد يجاوبني واسفه على ازعاجككم بس انا مش لاقيه حد اتكلم معاه
ونفسي اكون حامل تعبت من الانتظار

حبيبت قلبي معنديش فكرة عن البرشام
بس ريحي نفسك يمكن تكون أخر دورة
وست شهور إنتي لسة عروسة
ربنا يفرح قلبك بالحمل القريب يآ رب

تسلميلي جيهان
بس انا تعبت الضغوط وحشه
من الحواليكي كل شويه اسئله وتعب

أخخ حبيبتي من ضغوطات والكلام الموجع
أنا حاسة بيكي أنا متزوجة من خمس سنين
وحصل حمل وربنا مأردش وحصل إجهاض
وفضلت سنة بعد الإجهاض لغاية مفتكرت
إني مبقتش أخلف ولما بتديت أول حصة
في العلاج طلبت مني الدكتورة أستنى الدورة
وأرجع عندها و الحمد لله مجتش وحللت وطلعت حامل
ونصيحة ربنا لما يريد حاجة يقل لها كن فيكون
ومتسمعيش كلام الناس داه بيتعب الأعصاب
لما يقلولك حاجة قللهم أنا لسة مبفكرش في الحمل وخليهم

وأحسن حاجة تعمليها إقرإي سورة البقرة
وإستغفري كتير
وإنشاء الله نسمع خبر حملك قريبا وريحي أعصابك يا قمر

انا فعلا بقالي يومين بقرا سوره البقرا يوميا مع الاستغفار
بقسمها عاليوم مع كل صلاه اربع صفح

واسفه جدا جيهان لو ازعجتك ربنا يجزيكي يارب كل خير

عليك بالاستغفار اختي انتي وزوجك في اليوم 1000 مره اكثر من شهر والله يرزقك

تسلميلي ليندي ربنا يخليكي يارب
انا قعلا بعمل كدا ادعيلي

بس ياريت حد يقولي البرشام دا لئيه

الحال من بعضو وربنا يرزقنا بالذرية الصالحة إنه علي كل شي قدير
اللهم أستغفرك أتوب إليك