خبر قديم و خبر جديد و سؤاااال

مرااحب يا صبايا .. كيفكم .؟
طبعا انا هالايام مداومة عندكم بالركن ... و السبب اني حامل (الخبر القديم) و هلا صرت بالشهر الرابع .. و ما شاء الله عليكم و على المعلومات القيمة اللي بتحطوها جداً فادتني الله يجعلها في ميزان حسناتكم ...

الخبر الجديد هو اني حامل بتوأم (عامل الوراثة يلعب دوره بشكل شنيع ) ..... بصراحة انا كتيييييير مبسوطة (قلت بنخلص من تنين مرة وحدة) ... بس انعجت و مو عارفة شو اعمل بحالي ولدين و شغل و بيت و كله مرة وحدة ... الله بيعين ان شاء الله

و طبعا بلشت الحرب النفسية .. انا حابة بنتين و المحروس حابب ولدين (تقولو على خاطرنا)... لدرجة انه سمى البيبي اسم بنت و اسم ولد و كل اليوم بيحكي مع الولد و بيصرخ عالبنت


المهم نيجي للسؤال .. ما انتو عارفين انه في سؤال عشان هيك دخلتو تساعدوني صح ؟ (واثقة من نفسيها)
هلا انا بالشهر الرابع ، و بما انهم اتنين، حاسة ان الحمل بين علي ابكر مما هو مفروض. يعني من بداية هالشهر و انا عم اتضايق من ملابس الاعتيادية و ما عم برتاح للبسهم، عندي لبس حمل لكن كتيييييير واسع و مش مرتب عاللبس لانه لسه فعلياً ما في شي مبين...
حسيت انه هالفترة مرحلة انتقالية بين الحمل و اللاحمل (من ناحية الشكل)
السؤال شو عملتوا بهيك مرحلة .. ؟ كيف تصرفتي لما كان حجمك عم يزيد لكن مو لدرجة انك تلبسي ملابس الحمل؟
المشكلة صار عندي بس لبستين مممكن البسهم لما اروح عالشغل و بالبيت بملابس النوم لانها اريح شي ..

المشكلة كمان انه لبس الحمل اغلى من العادي تلات اضعاف تقريباً .. و انا ما بدي اكتر لبس هلا لانه اخر حملي حيكون بعز الشتا يعني كل اللي رح البسه هلا رح يروح عالفاضي...

كبرتها و هي صغيرة ؟؟ معلش تحملوني .....

هلاااااااااااااااا دندوش عاش من شافك

مبروووك التؤام ان شاء اللة ربي يسهل عليج

هلا حبيبتي ريف الله يسعدك و يبارك فيك يا رب

بس ما قلتيلي شو عملتي بحالك و انت حامل ؟؟؟ و لا ما تغلبت متلي

يا هلا بأختى دندوش:
الحمل فترة عصيبه بالنسبه لي..
لا تكثرين ملابس وأفضلك ملابس النوم طبعا
واللى نسميهم جلابيات..
أما الدوام فتستطيعين شراء عباءه ولن يرى أي أحد
ما تلبسين وخلافه..
ووفرى ثمن الملابس للتوائم.الله يرزقك اياهم وتكونين
أنت وهم بصحة وعافيه..

الحمد لله على السلامة دندوشي .. والله يسهل عليك ويكونوا ان شاء الله من الذرية الصالحة .. بالنسبة لي مثل ما قالت الاخت غريبة الروح .. لا تكثري من الملابس والجلابيات هي افضل شي وقت فترة الحمل ..

مرحبا اختي دندووووووووووش ومبروك التوام
اختي مادم انتي من الاردن انا بعرف انه الملابس اسعارها عاديه يعني مش لازم تشتري
اطقم مثلا الاطقم غاليه نوعا ما
اذا كنتي بتلبسي بلاطين وقمصان في محلات بيبيعن بلاطين واسعارهن في متناول الجميع
وبتكبرن وبيتصغرن زي ما بدك لانه الهن حزام مطاطي اسالي محلات الحوامل عنهن
ورح يدلوكي
وممكن زي ما حكن الاخوات تلبسي عبايه وهي لا من دري ولا من شاف
وشكرا

يا هلا بغريبة الروح
ما شاء الله من كم يوم بطلع بحكي شو هالعضوة النشيطة اللي سجلت بغيابي و صارت مشرفة لركنين ...
الا اذا انا غلطانه و انتي من القديمين اللي غيروا اساميهم لاني بطلت اعرف حدا من حدا
و شكرا على المساعدة لكن انا صعب البس جلابيات بالشغل اما بالبيت ففكرة ممتازة خصوصا الدنيا شوب موت



حنااااااااااااااااين يا حنووووووووووون
اشتقتلك الله بيعلم ..

متل ما حكيت لغروبة ... يعني الجلابيات ما بتناسبني .. و انا اكيد ما رح اكتر لبس (مو بخل لا سمح الله و لا طفر ) بس لانو مو عملي اللبس هاد و ما بيلزم الا بهالفترة الله يمرقها على خير


هنلي من يوم ما شفت اسمك و انا بدي اسألك شو معناه (جيتي برجليكي)
اكيد في لبس رخيص بس بصراحة الصناعة بعيد عنك زفت ... و البنطلونات اللي حكيتي عنهم عندي منهم بس مشكلتي انهم لما اصغرهم من الخصر بينتفخو عن الجوانب بيطلع منظري متل الخيمة

هنلي لهجتك بتجنن انت من وين بفلسطين؟؟

هلا دندش..مبرووووووك

ان شاء ربي يتمم على خير ويهون عليك ويفرحك ياارب..

عني انا صرت البس جلابيات واسعه ومريحه ورخيصه واستفيد منها حتى بعد الولاده..

الله يبارك فيك و يسعدك يا ونونة ...

و الله شكلي بدي اقتنع بموضوع الجلابيات .. (طبعا تاني يوم بيروحوني بالشغل )

في الأردن و محتارة شو أعمل أنا, كنت في حملي أتمنى أرجع يوم على عمان أشتري ثياب حمل ثم أطير على استراليا و زي ما حكوا الأخوات ما في أريح من الجلباب و قوليلهم في الشغل يحق للحامل ما لا يحق لغيرها.