السلام عليكم ورحمة الله وبركاته
اخواتى الحمد لله رب العالمين ربنا من عليا بالحمل انا عملت تحليل وطلع ايجابى ومكنتش مصدقه نفسى بعدها رحت للدكتوره عشان اتاكد قولتلها على الشكاوى الم ف منطقه المبيض وبول متكرر وتاخير الدوره رغم انها اصلا كانت غير منتظمه فى الفترة الاخيره
طلبت منى اعمل تحليل دم وبول والحمدلله طلعت النتيجه ايجابيه بالحمل ولكن يوجد بعض البكتريا بالبول ,,وقالتلى كده انتى حامل بس انا مش هقدر اعملك متابعه واعمل السونار غير لما تجينى موافقه من شركة التامين انهم موافقين انهم يتحملوا تكاليف المركز رغم ان اصلا كارنيه التامينى اللى معايا المفروض شامل متابعه وولاده هو تابع لشركة زوجى
انا قلقانه من تطويل الامور وخايفه وعوزه اطمن على حاله الجنين واعرف وصل لفين
وخصوصا ان رمضان داخل وعوزه اطمن وابدا اتابع قبل دخوله عشان اكون مطمنه على الجنين وعلى حالتى الصحيه .
دعواتكم ربنا يسهل الامور وميحصلش تعقيدات واطمن على الجنين قبل دخول رمضان
وخصوصا انى كمان مكنتش عارفه انى حامل واخدت تقريبا نص كورس مضاد حيوى للبرد وكريمات موضعيه لعلاج الحبوب الله اعلم بتاثيرهم ربنااااااااااا كريم
بنات ادعولى ربنا يسهل الامور وميحصلش تعقيد ويكون الجنين فى حاله كويسه ويتمملى ربى حملى على خير واشوف طفلى فى صحه وعافيه سليم معافى
بحبكم فى الله

ان شاء الله خير يا حبيبتي
استودعي جنيننك عند ربنا وهو خير حافظ له
ربنا يتمملك علي خير

ربنا يسهلك الامور ويتمم حملك علي خير يارب

حبيبتي مش عايزاك تقلقي ان شاء الله خير
فحملي الاول حصل معايا زيك وكان عندي التهاب شديد فالبول
وعملت تحليل وطلع مفيش حمل وخدت كورس ادويه محترم
وبعد اسبوع عملت تحليل لقيت انه في حمل وبالسونار لقينا الحمل عدى شهر
ومكنش بيبان فالتحاليل
والحمدلله كل شيء عدى وابني عنده 4 سنين والحمدلله محصلش حاجه

سمعت من بعض الاطباء ان بعض الادويه مضره بداية من الشهر التاني وحتى الشهر الخامس
فمتخافيش ولاتقلقي

وانت ممكن تروحي تعملي كشف مرة بره عند اي دكتورة تانيه
وتكتبلك على الحديد والفيتامين
وبعدين تتابعي مع دكتورتك لما تيجي الموافقه
ربنا يقومك بالسلامه

يا رب يطمن بالك
ويرزقك الحمل السليم المعافى

وتفرحي باحلى بيبي

حبيتي ما تقلقي لسه مشوارك طويل

صلي وتقربي من الله فهو سميع مجيب

ربنا ييسرلك الامور وتطمئني على جنينك ونفسك ويكملك على خير يارب انت وكل حامل
وتشوفي طفلك بين ايديك سليم معافى ويجعله ذرية صالحة

ربنا يتمملك على خير
ويرزقق الذريه الصالحه

أختي بكتريا البول شيء طبيعي أثناء الحمل,إشربي الماء كثيرا و عصير التوت البريcranberry juice فهو مفيد جدا لالتهابات البولية,ومن الأفضل أختي أن تعملي تسونار ليطمئن قلبك على الجنين,أتم الله حملك على خير

كتبت بواسطة doaa hamdy

ان شاء الله خير يا حبيبتي
استودعي جنيننك عند ربنا وهو خير حافظ له
ربنا يتمملك علي خير

ربنا يكرمك يادعاء كله على الله
ان شاء اله خير

كتبت بواسطة ام اسيل وايه

ربنا يسهلك الامور ويتمم حملك علي خير يارب

اللهم امييييين
ربنا يجازيكى خير ولك بالمثل ياام اسيل