سلام عليم ورحمة الله وبركاتة
انا يا جماعة محتاجلكم جداااااااااااااااااااااااا
انا بقالى 11 شهرمتجوزة ولحد دلوقت ربنا مرزقنيش بطفل وروحت لدكتورة وكنت بتابع معها وقالتلى كلام كتير واديتنى
ادوية وحقن كتير وبعدين من الشهر الى فات طلبت منى تحاليل واشعة بالصبغة وعملتهم ودكتور التحاليل ودكتور الاشعة
قالولى كل تمام ومفيش اى حاجة وروحت لدكتورة واول ماشفتهم قالتلى عندك هرمونات قليلة اوى والاشعة كمان فيها انبوبة مقفولة وانا بصراحة قلقت من الكلام وبعدين روحت لدكتور مشهور ومعروف جدا وقالى كل التحاليل كويسة جدا ومفيش اى حاجة بس قالى اتى لازم تخسى جدا وكام لان انا زات وزنى بعد الجواز 25 كيلو قالى هو دة الى مسبب كدة لكن انتى معندكيش حاجة اصدق مين انا احتارت ولوحد يعرف رجيم كويس او حد كان وزنة هو سبب منع الحمل ياريت حد يقولى اعمل اية انا تعبات جدا من الانتظار كل شهر

حبيبتي ربنا يفرح قلبك بالحمل السليم الثابت يارب
طالما الدكتور كويس ومعروف وكمان دكتور الاشعه قالولك كله سليم يبقي الحمد لله
والدكتوره كانت غلطانه
وانصحك تتابعي مع دكتور تغذيه وان شاء الله تحملي لان الوزن بيكون عائق في حالات كتير
واهم من كل دا تدعي ربنا كتيييييييييير وربنا يرزقك

حبيبتى متقلقيش خالص ان شاء الله خير بس عايزة اقولك حاجة انتى استعجلتى اوى فذهابك للدكتور لانك مش بقالك كتير متجوزة المهم حبيبتى انا زيك كده تخنت اوى بعد الزواج اللى عايزة اقولهولك انتى بس نظمى اكلك بمعنى انك تكلى كل حاجة بس قللى كل حاجة
كمان انا هقولك على وصفة هى حماتى هى اللى قالتهالى وسالت زوج اختى عليها لأنه دكتور نسا وقالى لو مفادتكيش مش هتضرك وهى يا سيتى بس منغير تريقة والله انا عملتها وحملت تانى شهر
هاتى مكعبات سكر واخر يوم للدورة باليل حطىمكعب فالمكان اللى انتى عارفاه الكلام ده لمده 3ايام والمهم ان ميحصلش ج......دى اهم حاجة وان شاء الله حبيبتى ربنا ييسرلك الحال يارب وتبشرينا قريب باذن الله

الله يرزقك الذرية الصالحة قريبا انتي وكل مشتهي
مرات بيكون زيادة الوزن سبب في تاخر الحمل جربي نقصي وزنك او حتى تابعي مع دكتورة تغذية
بالتوفيق

ربنا يرزقك الحمل عاجلا غير اجلا يارب

تابعي مع دكتور تغذية وان شاء الله ربنا يرزقك بالذرية الصالحة انتي وكل محروم

حبيبتى كلى المفيد وباذن الله وزنك يقل وفعلا السمنة المفرطة قد تكون عائق للحمل

وانا راى انك تخدى الاشاعات لدكتور تالت عشان يكون هو الفيصل فى الكلام وتكونى فى امان

بس حتى لو لاقدر الله فى انبوبة مسدودة فالمبيض التانى الانبوبة مفتوحة وباذن الله يحصل حمل

وحاولى قبل متخدى الخطوات دى زوجك يحلل عشان تكونو ماشين صح متعمليش انتى كل حاجة وتحاليل واشاعات وهو لا ولا قدر الله يكون فى مشكلة عندو

لو محتاجة اى سؤال ابعتيلى عالخاص ميلك ونتكلم

حبيبت ربنا يكرمك حاولي تنقصي وزنك لان دكاترة كتير بيقولوا ان زيادة الوزن غلط
وعموما قللي العيش والارز والمكرونة وامقليات والتيك اواي قدر الامكان وكلي فاكهةوخضر كتير وعصائر بدون سكر وممنوع الميه الغازية انا بقالي فترة بعمل كده والحمد لله وزني نزل شوية
ربنا يكرمك بحمل سليم معافي ولازم لازم الدعاء

ربنا يرزقك الحمل عاجلا غير اجلا يارب

ميرسى جدا على كل الرود دى وان شاء الله اعمل بنصحتك واجرب مكعبات السكر وجوزى فعلا عمل تحاليل وطلع الحمد لله معندوش حاجة وانا فعلا فكرت اروح لدكتور تالت ورياب يرزقنى ورزق كل محتاج ومتشكرة ليكم كلكم بجد انتم زاى اخواتى