السلام عليكم ورحمة الله وبركاته
كيف حالكم اخواتى جميعا اتمنى ان تكونو كلكم بخير وعافية انا عندى سؤال عن العمرة للحامل وهو هل تستطيع الحامل ان تسافر بالطيارة وتودى العمرة اذا كان الجواب بنعم فاباىشهر تستطيع ان تسافر وتودى العمرة وليس عليها خطر ولا على الجنين ارجو من عندها اجابة ان تفيدنى او من سمعت قريبة لها او جارة اوصديقة قامت بالعمرة وهى حامل ولم يحصل لها شىء ان تخبرنى وفى اى شهر كانت العمرة وبارك الله فبكم جميعا

بصي يا جميل كل واحدة حسب حالتها
يعني انتي لازم تسألي الدكتورة
وهو عموما اول 3 شهور خطر واخر 3 شهور خطر والاشهر الوسطى اكثر الشهور امان
وكمان ابقى اعملي استخارة لو قالتلك الدكتورة عادي
بالنسبة لي انا عملت في اخر السادس عمرة وحجيت في الشهر التالت
كنت مستبيعة يعني
ههههه
بس بصراحة الدكتورة كانت مطمناني
فلازم تسألي دكتورتك افضل

السلام عليكم ....
كلام ام باسل تمام...فعلا اول تلات شهور بيكون لسه الحمل مثبتش علشان كده بيخاف يحصل اجهاض لقدر الله. واخر تلات شهور .

لو انت في التلت التاني من الحمل مش بيكون في مشكله من السفر ان شاء الله بس لازم تراجعي الدكتوره لان ممكن يكون اجهاد عليكي.

أنا عملت عمرة في الشهر الخامس و سافرت بالطيارة بس طبعا سألت الدكتور قبلها و قالي مفيش مشكلة طالما السفر طيران و بعدها كنت عاوزة أروح المدينة بس بالعربية و قالي لأ لو طيران ممكن بس قالي لازم أفضل أشرب سوايل كتير علشان الجو طبعا حر جدا

اسالي دكتورتك احسن لانها هي بتعرف حالتك اكتر
الله يوفقك يا رب