حبيبتى ان شاء الله تروحى للدكتورة وتعملى التحاليل وتطمنى ...
بصى يا قمر بالنسبة للتحاليل .....
فية تحاليل بتبقى مطلوبة منك ... وتحاليل مطلوبة من زوجك ...
بالنسبة لزوجك ....
بيعمل تحليل السائل المنوى ... ودة علشان يشوف عد الحيوانات المنوية ونسبة الحيوانات المشوهة وحركة الحيوانات المنوية ...
وطبعا بيكون مفيش جماع قبلها مدة 4 الى 5 ايام .....
وبيكشف اذا كان فية دوالى على الخصية او لا ... لأن اذا كان فية دوالى بتأخر الحمل ....
بالنسبة ليكى ياقمر ....
اولا بتكشفى سونار من اليوم العاشر للدورة (لبدء الدورة ) علشان متابعة نمو البويضات ... وتعرفى اذا كان فية تكيسات على المبايض ....
فية كمان عمل اشعة بالصبغة .... علشان تعرفى اذا كان فية انسداد فى قناة فالوب او المبايض لاقدر الله وفحص تجويف الرحم .....
وبعدين بقى بتعملى مجموعة تحاليل ....
1- تحليل نسبة هرمون اللبن (serum prolactin) : لأن لو نسبة هرمون اللبن عندك عالية بيأخر الحمل .....
2- تحليل التكسوبلازما ... toxoplasma antibody titre igm
او مرض القطط ... ودة عبارة عن ميكروب بيمنع الحمل ولو حصل حممل بيعمل على اجهاضة ....
3-تحليل الاجسام المضادة :
ودة علشان تعرفى لو فية اجسام مضادة فى دمك بتمنع تكون الحمل وبتقتل الحيوانات المنوية بمجرد دخولها الهبل ...
4- تحليل الغدة الدرقية ....هو تحليلين لهرمون الغدة الدرقية وزيادة نسبتهم او نقصها بتؤثر على التبويض ....
دى كل التحاليل اللى اعرفها ...
بس انا عايزة اقولك ان كل شيء بأمر ربنا ... اهم حاجة انك تكونى متأكدة ان نصيبك فى الحمل لسا مجاش ... ولما ربنا يأذن هتلاقيكى حملتى من غير اى حاجة ....
ربنا يرزقك الحمل السليم المعافى عاجلا غير آجل ان شاء الله
الروابط المفضلة