انا حامل بالشهر الخامس وامس راجعت عند دكتورتي قالت لي مافي نبض وقالت لي لازم ننزله حتى لا يصير لك تسمم شنو يعني ؟

وانا خاااايفه مره

الي مرت بنفس حالتي تعلمني شلون ينزلون لها الجنين واهو ميت ؟ وهل في الم


ردو علي لأني افكر كثير وخايفه من الي راح يصير

الله يعينك يالغاليه ويسهل لك انا ماعندي فكره

قدر الله وماشاء فعل ....الله يعوض عليكي يا رب ويرزقك عن قريب يا رب
والله زعلتيني ... الله يكون بعونك ويصبرك
حبيت ادعيلك والله ما عندي فكرة ان شاء الله البنات بيفيدوكي

تاكدي عند اكثر من طبيب لا تستعجلي
االله يطمنك
و
اذا كان ميت ينزلونه بالطلق الصناعي

الله يعوض عليك يارب احمدي ربك انك توك بالخامس بنت عمي اليوم ولدت دخلت المستشفى عندها ولآدة قالوا لها الرحم فاتح ونبض الجنين تمام دخلت كشك الولآدة يوم طاح ميت آتحطمت نفسيآآ بس تبكي قضاء وقدر وش بيدها يعني

الله يعوض عنك
قدر الله وماشاء فعل
يعطوكِ طلق صناعي مثل الولاده

حبيبتي اول شي
اتأكدي عند اكثر من طبيبة
ولازم يسوون لك سونار ويتأكدو ان البيبي فعلا مات
باذن الله تكون الدكتورة مخطأة ويكون البيبي تمام

لكن لا قدر الله لو مات
يكون لك شفيع يوم القيامة
بينزلوه بطلق صناعي يعني يعطوكي طلق وتجيك مثل الام الولادة وتولدين عادي

الله يعوض عليك خير
انا نزلت بالشهر الثاني وكان صغير فخدروني تخدير كامل و عملولي تنظيفات بالمجرفه
جهاز بيشبه الملعقه.......بينظفوا الرحم بس انا كان صغير اما انت كبير فيمكن متل ما حكولك الصبايا بتولديه ولاده........الله يكون بعونك غاليتي وراح يكون طير من طيور الجنه وبيشفعلك حتى لو كان عمره يوم ومش 5 شهور........والله يعوضك اولاد وبنات حبيبتي
وكل لحظة الم بتحسي فيها الك اجر من رب العالمين

لازم تتأكدي عند طبيبه ثانيه يمكن الجهاز مابين النبض
واذا الله ماكتب له الحياة
ارضي بقضاء الله وقدره
بيعطونك طلق صناعي وتولدي ولادة عادية
وان شاء الله بيكون شفيع لك يوم القيامة ويجرك الى الجنة بأذن الله
والله يعوضك بالذرية الصالحة

لكل الي رد علي مشكورين وماقصرتو والله يجزاكم خير

انا براجع دكتوره ثانيه

بس انا خايفه لأن اول مره يصير معي كذا والأكثر خايفه من الألم

وان شاء الله خير

والله يخلي لكم اولادكم ويخلي لي اولادي