مرحبا حبايبي انا حامل وفي الشهر التاسع وخلاااص ان شاء الله كلها اسبوعين ويشرف البيبي على خير يارب
انا محتاااره مرره مره
مني عارفه فيين ولا عند مين اولد رحت لسليمان فقيه عند وحده اسمها شيرين
مرره ما ريحتني والباقي اغلبهم راح يكونو ماخدين اجازه على ولادتي
وقالولي فيه في غسان فرعون وحده اسمها عبير مره مدحولي فيها ولو اني ما احب المستشف دي بس قلت احجز عندها من كتر ما مدحولي فيها واتصلت قالولي عندها الحجوززات كلها فللل مافي
المتحدون زوجي متعقد منها ومره ما يبغاها والتخصصي مو داخله في التامين
الله يسعدكم الي تعرف دكتورات حرريم يعنني وياخدو تامين ويكونو مجربين وكويسين في الخياطه وكل شئ تقولي
وحاجه تانيه معليش اتحملوني شويه
ابغا اسالكم ازا ما حجزت ولا راجعت عند دكتوره معينه وجيت يوم ولادتي طلبت دكتوره بالاسم ممكن تجيني وتولدني ولا راح تطنشني
الي ولدت في فقيه من غير حجز ولا مراجعه تحط تجربتها هنا الله يسعدكم
انا عارفه اني كترت هرج عليكم بس والله من غلبي
انا مرره ملخبطه وشايله هم
بس انا وكلت امري لله عزوجل وباستخير الله
الله يسعدكم الي ما عندها رد لتساؤلاتي تدخل تدعيلي بدعوه حلوه وان شاء الله الملائكه راح تقولك ولكي مثلها
الروابط المفضلة