السلام عليكم ورحمه الله وبركاته
في الحقيقه ماعرفت موضوعي في اي قسم اكتبه، فقلت مالي غير الحمل والولاده نظرا لما يمكن ان يتعلق فيه.
والله انا اكتب الموضوع وجدا منحرجه ماعرف اش بعضكم بيضن بعد قرائته.
انا صار لي 4 سنوات متزوجه وعمري كان 19 والحين انا 23. وكأي بنت اكيد نجد انه اول ايام الزواج تكون شوي صعبه عليها. وانا اقصد فيها فتره الجماع، حملت على طول وولدت قيصري وبعد الولاده القيصريه طبعا الجماع كان صعب علي لاني كنت احس بالالم صوب الجرح، والحمدالله زوجي كان متفهم والحمدالله عدينا المرحله بس كان الم الجماع لايزال ولكن كنت اتصبر، حملت مره اخرى بعد سنه ونصف وعند ولادتي ولدت طبيعي ولله الحمد بعد طلق استمر 22 ساعه. وبعد ماخلصت ال40 اكتشفت اني ما اقدر اقعد ولا اقرب زوجي ولما رحت للطبيبه قالت لي خياطتج غلط فدخلت المستشفى وسويت عمليه الريبير وقالت لي اسبوعين بس خلي زوجج لايقربج وبعدها بتكونين بخير، استوى شهر شهرين وللحين احس بألم بالمنطقه السفليه، ولما خف الالم لاحظت انه في لحمه زايده متواجده مكان العمليه، يعني جيييت اصلح لقيته شي ثاني، عالعموم كل ما يستوي الجماع احس باللحمه تنجر وتنشد، والله ياخواتي اني ابكي بطريقه مو طبيعيه، وزوجي يقول خلاص مو لازم. ما اعرف اش اسوي قالت لي الدكتوره انطري لي الولاده اللي بعدها وصلحيها بس انا وايد مستضيقه، احس اني مقصره في حق زووجي والالم اللي فيني مش طبيعي، ولما اسمع النساء يتكلمون عن لذه الجماع و..و.. احس نفسي ضايعه بالسالفه.. 4 سنوات من الزواج واحس انها تنعد على الاصابع عدد مرات الجماع.. مادري كيف زوجي متصبر علي.. افكر اخليه يتزوج لاني فقدت الامل في نفسي.
مع العلم حاولت ارطب المنطقه بانواع الجل اللي تباع بالصيدليه وباستشاره من الطبيب ايضا
ادري طولت عليكم
بس لو في اي شي تقدرون تنصحوني فيه
الروابط المفضلة