الى منتظرات الطفل (الثالث و الرابع و الخامس)

**أم موري مون1** · 22-05-2010, 08:39 PM

السلام عليكم ورحمة الله و بركاته

حبيباتي الحوامل ........
منتظرات البيبي الثالث أو الرابع أو الخامس........... طبعا الحمل ده مختلف عن اللي قبله و اللي قبله التزامات أكتر (بيت , أولاد , زوج مع حمل .......... الله المستعان )

بس ازاي نقدر ننظم نفسنا بحيث الوقت يستوعب كل ده و يستوعب الاهتمام بنفسك حتى تخرجي من الحمل و انتي برونقك .....
و يستوعب الاهتمام بالصحة عشان تقدري تقومي بكل مهامك ......
و الاهتمام بأطفالك حتى لا يضيعوا في صخب الحمل و تعبه و التزامات الحياة

حبيت أدعوكم عشان نشترك مع بعض نعرف يوميات بعض و نستفيد و نحاول نكون حوامل و أمهات أكثر نجاحا ..و تميز.... و نشجع بعض عشان يكون كله من حولينا 100% .......

بس محتاجين في الأول نتعرف على بعض و نعرف ظروف بعض أكتر ...........

**أم موري مون1** · 22-05-2010, 08:43 PM

طبعا هبدأ بنفسي ....
ده الحمل رقم 5 بس مش عندي غير طفلين الحمد لله ( بنوته - و ولد)
عمري 27 سنة .
و أنا في الشهر الثاني لسه ....
بس بدأه معايه أعراض الحمل من غثيان و دوخة الله ينور...
و أنا من مصر ..........بس
يلا مين هتعرفنا بنفسها؟؟؟؟؟؟؟؟؟؟؟؟؟؟؟؟

**ام ياسـ مريوم ـر** · 22-05-2010, 09:22 PM

ربنا يهون علينا وعليكم الحمل والولادة
رب يثبت حملك ويفرحك بيه سليم معافى

انا ده حملي الثاني يعني مينفعش اكون معاكم ولا ايه ؟؟!!
المهم حبقى امر عليكم كل شوي اخذ الخبرات عشان اعرف اتعامل مع الطفل الثاني بوجود طفل اول

**fefo04** · 22-05-2010, 09:46 PM

وعليكم السلام ورحمة الله وبركاته
ام موري بارك الله فيك على هذا الموضوع، اما انا:
هذا الحمل الخامس ولكن مثلك عندي طفلين{ولدين}
عمري 26سنة
انا الان في الشهر السادس وادعولو ربي يسهلي
انا من ليبيا
وبصراحة الي الان اعاني من الغثيان الصباحي
هذا بإختصار

**هبه الله يحيى** · 22-05-2010, 11:08 PM

انا دة الحمل الثالث
وعندي ولدين بس حاسة اني تعبانة جدا
انا دلوقتي في الشهر السادس ونفسي التاسع يجي بسرعة

**lidia_mo** · 23-05-2010, 01:59 AM

مرحبا بكم
انا دة الحمل الثالث بس دة الطفل الرابع ان شاء الله
لانه عندى ما شاء الله 3 بنوتات منهم اتنين تؤم .....
حاليا فى الشهر السابع
حملى بالعادة صعب فى اوله بس الحمد لله على كل شئ
انا مغتربة ..عايشة فى النمسا والحمد لله ماشى حالى مع البيت والبنات
باين من شرايط الميلاد تحت اعمارهم صغار لسه ما دخلوا المدرسة

**زوجة يوسف** · 23-05-2010, 02:13 AM

اهلا فيك وشكرا على الموضوع
حامل بالسادس الحمدلله عندي الم الظهر والورك
هذا الحمل الثالث و الطفل الرابع
ان شاء الله

وعندي 3 اولاد منهم 2 توينز الله يصلحهم
الكبير مدرسة والتوينز تمهيدي
بينهم سنة بس
طبعا المدرسة مريحتني كثير ومنظمه وقتنا
والله يعينا على شغل البيت
الله ييسر امورنا

**أم موري مون1** · 23-05-2010, 03:46 PM

حبيباتي ... يسعد مساكم
فيفو .. .. أهلا بيكي وربنا يعينك على الغثيان فأنا فعلا مموتني و أكره دخول المطبخ جدا و نفسي أنام و بس ..
بس أنا و لادي صغار لسه بنوتي عمرها 3 سنوات و 3 شهور....................... و ابني 7 أشهر بس يعني محتاجين رعاية قوية الله المستعان ,
هبه الله يحيى...الله يقويكي و يقومك بالسلامة و تفرحي بالنونو الجديد بس يا ترى أعمار أولادك ايه.؟؟؟؟؟؟؟؟؟؟؟؟؟
lidia_mo ربنا يحفظلك بنوتاتك و أهلا بيكي معانا .....الله يعينك انك مغتربة لوحدك بس تنزلي بلدك لما تولدي و لا تولدي عندك ان شاء الله ؟؟؟؟؟؟؟؟؟؟
زوجة يوسف....الشكر لله حبيبتي منورانا و الف سلامة عليكي و جع الظهر الله يعين عليه أنا كان عندي الشهر الماضي كله آلام في الظهر أسفله و وسطه بس الحمد لله دلوقتي أحسن و كنت أقول لأني أولد قيصري ممكن من ابرة الظهر
بس أكثري من الدعاء و حاولي ما تجهديش نفسك و لا تحملي شيء ثقيل كفاية النونوهههههههههههههه

**زوجة يوسف** · 23-05-2010, 06:28 PM

اهلا فيك ام موري
الله يحييك والله يسهل امرنا جميعا
انا اخر ولادة قيصري التوينز
وظهري كان يألمني وانا حامل فيهم
وخف شوي ومع الحمل هذا رجع زااد
الله يعينا جميعا
والله يعين على الحمل مع وجود الاولاد الله يهديهم

**DODY1778** · 23-05-2010, 07:14 PM

يا جماعه ربنا يقومكم جميعاااااااااااا بالسلامه كنت عايزة اسألكم هو الحمل الرباع و الخامس و السادس ده للى بيولدوا طبيعى و بس و لا فى ناس ولده قيصرى ؟؟؟

لانى بسمع ان القيصري هما 3 مرات ولاده و بس ....

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الى منتظرات الطفل (الثالث و الرابع و الخامس)

أدوات الموضوع

العرض