السلام عليكم ورحمة الله وبركاته
انا حامل فى تانى شهر والوحم مبهدلنى قرفانه من كل حاجه وغممان فظيع سادد نفسى عن كل حاجه
حتى جوزى مش طيقاه ولا ريحة البرفانات ولا ولا ولا ولا اىىىىىىىىىىى حاجه
طبعا اخدت علاج وحقن مفيش فايده
دورت على النت لحد ما لقيت الحل الاكييييييييييييد بفضل الله وحده
وهو
الجنزبيل
والله ما هتصدقو لأنى انا نفسى مش مصدقه
اول حاجه طبعا الدعاء لله بإخلاص ان ربنا يهون عليا اعراض الحمل علشان اقدر على طاعة الله وعلى الاهتمام ببيتى وعشان اقدر اكل اللى يفيدنى انا واللى فى بطنى
وبعدين بقالى يومين بشرب كوب جنزبيل على الصبح ربع معلقة شاى جنزبيل عليها معلقه صغيره عسل ابيض وصبى الميه المغليه
وياريت لو حد يعملهالك وانتى فى السرير مفيش يبقى تقومى بالراحه واحده واحده وتعمليها وتروحى زى الشطوره الأموره تشربيها فى السرير وتكلى معاها بقسماطه لاااااااااااااااااااااااااااااااااااااازم البقسماطه
وبعدين هتحسى بفرق رهيب
والله يا بنات مفى حاجه خلتنى اكتب الموضوع غير احساسى الصعب بالحمل وانى نفسى ربنا يهون علينا
بالله عليكو حاولو تنشروها فى المنتديات عشان تاخدو الأجر والثواب
وعددوا النوايا الطيبه
* كان الله فى عون العبد ما دام العبد فى عون اخيه
* من فرج عن مسلم كربه من كرب الدنيا فرج الله عنه كربه من كرب يوم القيامه
متنسوش تدعولى ان ربنا يثبتلى حملى ويتممهولى بخير ويرزقنى بالذرية الصالحه المعافاه
بسم الله الرحمن الرحيم
اخواتى الفاضلات
اكدت دراسة طبية اهمية فاعلية مشروب الجنزبيل فى تخفيف حدة نوبات الغثيان التى تعانى منها الحوامل بخاصة فى فترة الصباح وذلك دون وجود اى تاثيرات سلبية للجنزبيل على الجنين .
واوضحت الدراسة ان 80% من السيدات الحوامل يعانين من نوبات الغثيان والقىء خلال اول 3 شهور من الحمل فى الوقت الذى تفشل فية غالبية العقاقير الطبية فى علاج هذة الحالة ...الى جانب عدم اقبال الامهات على تناول العقاقير خشية وقوعهن او اجنتهن فريسة للاثار الجانبية للعقار الطبى .
كما تشير الاحصائيات الى احتلال الجنزبيل لمكانة طبية هامة فى العلاج بالاعشاب ليصبح ضمن قائمة اكثر 20 عشبا مبيعا فى العالم
متعكن الله جميعا بالصحة والعافية
الروابط المفضلة