زى مانتوا عارفين انا فى نصف الشهر السادس وتعبت ياجماعة مش عارفة انام خالص بالى كام يوم من وجع ضهرى وقريت كتير عن الوضع المريح للحامل وعرفت انة على الجنب الشمال اواليمين وغلط النوم على الضهر
بس انا اعمل اية مش برتاح الا لما انام على ضهرى وسألت قريباتى قالولى انهم كانوا بيناموا على ضهرهم والحمد لله عدى الحمل على خير
بصراحة محتارة مش برتاح الا على ضهرى وكل اما الاقى نفسى نايمة على ضهرى اقلق واقوم ومش عارفة انام خالص
ياريت النصيحة يا تشوفولى حل حالا لانى تعبانة من قلة النوم جدااااااااااااااااااااا

حبيبتي...أنا لما كنت حامل سألت الدكتور في الموضوع ده
وقاللي ممكن تنامي على ضهرك بس مش كتير ...يعني تريحي شوية بس الأساس تنامي على جنبك

والسبب إن النوم على البطن مش بيسمح بوصول الدم بشكل طبيعي للجنين


ومعلشي...استحملي ...هما كام شهر وبعد كده هتقولي أنام إن شا الله أنام على جنبي بس المهم ألاقي وقت أنام....مش بخوفك ولا حاجة هههههههه


ربنا يتمم لك بخير وتولدي بالسلامة

حبيبتي حتى انا احب انام على ضهري فتعرفي عملت ايه .. لما انام احط مخده ورى ضهري ومخده وسط رجولي من جدام واميل على المخده اللي جدام .. ولما اقوم اكون مايله على المخده اللي ورى ونايمه عليها بس مشنايمه على ضهري يعني مسنده ضهري على المخده ونايمه عليها يعني بيكون ضهرك مايل بزاويه ويكون مسنود على المخده ... والوضعيه صدقيني اريح من النوم على الضهر ..

كتبت بواسطة ام العزيزالغالي

حبيبتي حتى انا احب انام على ضهري فتعرفي عملت ايه .. لما انام احط مخده ورى ضهري ومخده وسط رجولي من جدام واميل على المخده اللي جدام .. ولما اقوم اكون مايله على المخده اللي ورى ونايمه عليها بس مشنايمه على ضهري يعني مسنده ضهري على المخده ونايمه عليها يعني بيكون ضهرك مايل بزاويه ويكون مسنود على المخده ... والوضعيه صدقيني اريح من النوم على الضهر ..

كمان كنت ساعات بعمل زي أم العزيز وفعلا كنت ببقي مرتاحة جدا

انا كمان كنت بعمل زي ام العزيز بالضبط
فعلا وضعية مريحة جدا

الله يخفف عليكي يارب
ويعدي الشهور دي على خير

[QUOTE=ام العزيزالغالي;10164938]حبيبتي حتى انا احب انام على ضهري فتعرفي عملت ايه .. لما انام احط مخده ورى ضهري ومخده وسط رجولي من جدام واميل على المخده اللي جدام .. ولما اقوم اكون مايله على المخده اللي ورى ونايمه عليها بس مشنايمه على ضهري يعني مسنده ضهري على المخده ونايمه عليها يعني بيكون ضهرك مايل بزاويه ويكون مسنود على المخده ... والوضعيه صدقيني اريح من النوم على الضهر ..[/QU


يعنى ممكن تفهميبنى اكتر انتى بتنامى على جنبك وتحطى وراكى مخدة ولا اية ياريت توضحولى اكتر الله يستركم

كتبت بواسطة سمسمة22

والسبب إن النوم على البطن مش بيسمح بوصول الدم بشكل طبيعي للجنين

عفوا... أنا كنت أقصد النوم على الظهر مش البطن

حبيبتي لو عايزة شرح أكتر أنا هقولك...
لما تيجي تنامي هاتي مخدتين(بس مش المخدات الطويلة)

وحطي واحدة بين رجليكي بحيث يكون الجزء اللي ظاهر منها قدامك مش وراكي
و التانية تحطيها ورا ضهرك بحيث إنك لوحبيتي تريحي ظهرك تركني عليها وبالشكل ده مش هتكوني لا نايمة على جنبك ولا على ظهرك

وفي طريقة تانية ...حطي مخدة قدام صدرك وبطنك بحيث تسندي عليها لو انتي نايمة على جنبك (تركني من قدام مش بظهرك يعني العكس)بالإضافة للمخدة اللي بين رجليكي( وبالشكل ده مش هتكوني لا نايمة على جنبك ولا على بطنك (كنت بعمل كده كمان)

يارب تكوني فهمتيني وآسفة على الإطالة بس حبيت أوضحلك بالتفصيل..

وأي سؤال أنا تحت أمرك....

[QUOTE=سمسمة22;10167196]عفوا... أنا كنت أقصد النوم على الظهر مش البطن

حبيبتي لو عايزة شرح أكتر أنا هقولك...
لما تيجي تنامي هاتي مخدتين(بس مش المخدات الطويلة)

وحطي واحدة بين رجليكي بحيث يكون الجزء اللي ظاهر منها قدامك مش وراكي
و التانية تحطيها ورا ضهرك بحيث إنك لوحبيتي تريحي ظهرك تركني عليها وبالشكل ده مش هتكوني لا نايمة على جنبك ولا على ظهرك

وفي طريقة تانية ...حطي مخدة قدام صدرك وبطنك بحيث تسندي عليها لو انتي نايمة على جنبك (تركني من قدام مش بظهرك يعني العكس)بالإضافة للمخدة اللي بين رجليكي( وبالشكل ده مش هتكوني لا نايمة على جنبك ولا على بطنك (كنت بعمل كده كمان)

يارب تكوني فهمتيني وآسفة على الإطالة بس حبيت أوضحلك بالتفصيل..

وأي سؤال أنا تحت أمرك....

[/Q


شكرا اختى سمسمة
بس ممكن سؤال هل كثرة التقلب اثناء النوم بيلف الحبل السرى على الجنين
وياترى ازاى بتكون حركة الجنين فى منتصف الشهر السادس
لانى كنت بحس بيها كويس واليومين دول حاسة انها ضعيفة
ياريت تطمنونى

محدش قالى راية يا جماعة