كنت حاسه ان الإنفجار هيحصل من زمان و اخيرا حصل .
علشان تفهموا الوضع انا حامل في بداية الشهر الثامن , مغتربة يعني مش معايا حد غير انا و زوجي و بنتي, بنتي عندها سنة و 4 شهور , زوجي والله طيب جدا و لذيذ و انا بموت فيه لكن فيه عيب خطير انه متدلع زي كل الرجال العرب مش بيساعدوا في حاجه حتي لو ايه !! شغل البيت ده شغل الست بغض النظر عن حالتها بقى , حامل مش حامل طب م احنا امهاتنا كانو مخلفين بال 7 و ال 8 عيال و مكانوش بيشتكوا اشمعنى انتِ محتاسة ب طفل واحد !!! ده الكلام اللي بيتقال .
المهم , حصل الإنفجار ازاي ؟؟
قاللي يوم كذا اوعدك هنتغدى بره , فرحت و ما صدقت اني مش هطبخ , ماكلتش كويس و عامله حساب الخروجة و الغدى لأني مش بخرج كل يوم و مبصدق اخرج اشم هوى , اتفاجئت يومها اني مش هخرج زي مكنت فاكرة لأ ده الظروف حكمت اننا نروح مشوار تاني , OK , NO PROBLEM , طبعا طول النهار مأكلتش و باليل و احنا راجعين قاللي انت اللي غلطانة ليه مأكلتيش قبل كده ؟ اجيبلك بيتزا ؟( علشان اخرس و يبقى كده اوفى بوعده ) قلت لأ ميرسي , بس انا بأجي في آخر اهتماماتك ولا بيفرق معاك كلامي علشان كده مش هكلمك تاني مدام مفبيش فايدة من الكلام.
طبعا كان في زعل , و تاني يوم كان طبعا لسه في زعل وانا اتحايل و اصالح و مفيش فايدة , طب انا غلطانة , مفيش فايدة , باحضر الأكل بسرعة لأنه هيخرج و هو بيستعجلني بغضب , بنتي تحت رجلي في المطبخ و بتزن وانا خايفة حاجة سخنة تيجي عليها و هو مش بيساعدني و ياخدها شوية , البيت مقلوب و انا تعبانة و مش قادرة اعمل حاجة وهو قلب البيت زيادة و برضة مش بيساعدني , لبس و هيخرج
-لأ ارجوك انا خلصت الأكل و تعبت على ما عملته كُل الأول ,
- كُلي معايا !
-هغير للبنت علشان بتعيط !
-غيرلها بعدين !
-ازاي بس ؟؟ كل انت علشان هتخرج و انا بعدين هاكُل !
زعل و زعق و ثار
- طب حقك عليا بس كُل علشان انا تعبت على ما عملت الأكل
-لأ مش واكل !
بس !! حصل الإنفجار بقى , صرخت و لطمت و شديت شعري وانا بقول (طب انا اعمل ايه !! اعمل ايه !!! اعمل ايه !! )
هو اتفاجئ وانا اتفاجئت قبليه من نفسي , و اللي زعلني ان بنتي خافت شوية بس الحمد لله متأثرتش قوي .
يا جماعه انا هرموناتي مش مظبوطة والله و بعيط من اقل حاجة و باتأثر من اي كلام ده بالإضافة لأني اصلا عصبية و حاليا تعبانة و عايزة اللي يطبطب عليه مش يتعبني اكتر , ما علينا اللي حصل حصل و انا كان لازم افضفض.

حبيبتي هذا شيء طبيعي وكل وحدة منا مرة بيه و أنا أقرأ تذكرت نفسي


والله أنا كمان في غربة وحامل ومعاي بنت

وزوجي لا أكادأراه من الشغل حاولي عدم الإنفعال عشان صحتك وبنتك والله حاسة بيك

الله يعينا كلنا زيك وحاولى تستغفرى كثير وتاخذى كل فترة راحة من شغل البيت والله يهون ويكتب الاجر ويسهل الحمل والولادة لكل حامل

ربنا يهون عليكي ويتمملك علي خير يارب

كتبت بواسطة asir althalam

حبيبتي هذا شيء طبيعي وكل وحدة منا مرة بيه و أنا أقرأ تذكرت نفسي


والله أنا كمان في غربة وحامل ومعاي بنت

وزوجي لا أكادأراه من الشغل حاولي عدم الإنفعال عشان صحتك وبنتك والله حاسة بيك

والله يا اختي كلامك هون على الله يباركلك في بنتك و في حملك

كتبت بواسطة 221

الله يعينا كلنا زيك وحاولى تستغفرى كثير وتاخذى كل فترة راحة من شغل البيت والله يهون ويكتب الاجر ويسهل الحمل والولادة لكل حامل

آخد راحة ازاي بس هو شغل البيت بيخلص ابدا !! كل م اعمل حاجة التانية تبوظ و البيت عمره ما بيفضل رايق 10 دقايق على بعض, شكرا يا حبيبتي على ردك و هحاول اعمل بنصايحك

كتبت بواسطة doaa hamdy

ربنا يهون عليكي ويتمملك علي خير يارب

شكرا يا دعاء الله يخليكي

الله يعينك
ممكن تسمعيه الشريط ده
http://www.islamway.com/?iw_s=Lesson...esson_id=59292
وحاولى ان تتماسكى حتى لا تلطمى الوجه لان رسول الله نهى عن ذلك
وحاولى ان تاكلى عجوة حتى تكونى حليمة وطفلك ايضا وقد وصى رسول الله ان يكون ضمن الاكل العجوة حتى يكون ابنها حليم

كتبت بواسطة اسماء طلبه

الله يعينك
ممكن تسمعيه الشريط ده
http://www.islamway.com/?iw_s=Lesson...esson_id=59292
وحاولى ان تتماسكى حتى لا تلطمى الوجه لان رسول الله نهى عن ذلك
وحاولى ان تاكلى عجوة حتى تكونى حليمة وطفلك ايضا وقد وصى رسول الله ان يكون ضمن الاكل العجوة حتى يكون ابنها حليم

عجوة ؟؟ انا بقالي اسبوعين باكل عجوة من غير م اعرف موضوع الحلم ده , دي حاجة خارجة عن ارادتي يا اسماء و موضوع اللطم ده انا معملتهوش لما ابويا مات لكن انا بقولك ان إنفعالي كان كبير لدرجة انه فاجئني انا .

الله يعينك انا عارفة انت بتوصفى لى ايه رب يعينك
بس حاولى تسمعيه الشريط

الله يهدي بالك اختي ريحي حالك انت حامل مش كويس عشانك الزعل ولا على البيبي
كل الرجال نفس الصنف الدلال والهبال
وكلنا نتحمل نتحمل وبعد ننفجر وهم يشوفونا جنينا ويحسبوها اسباب تافهة
لا حول ولا قوة الا بالله

كتبت بواسطة neyoula

الله يهدي بالك اختي ريحي حالك انت حامل مش كويس عشانك الزعل ولا على البيبي
كل الرجال نفس الصنف الدلال والهبال
وكلنا نتحمل نتحمل وبعد ننفجر وهم يشوفونا جنينا ويحسبوها اسباب تافهة
لا حول ولا قوة الا بالله

و الله انا مش عارفة يا عزيزتي , هو الواحدة مش بيبان عليها انها مش قادرة تستحمل ؟؟ يعني شكلها اكيد بيكون مرهق ده غير الشكوى المباشرة بالكلام بقول " انا تعباااااانة " ايه اكتر من كده ؟؟ لازم يحصل انهيار اعصاب ؟؟