السلام عليكم
انا الاول احب اقولكم انا مش مكانى خالص
انا انسه عندى 21 سنه

عندى مشكله اعتقد ممكن تكون خطيره بس نفسى يطلع حد فيكم دكتوره امراض نساء و تقدر تساعدنى بس ححتاج معجزه


انا طول عمرى اعانى من تشقق الحلمتين يعنى من ساعه ما وعيت عالدنيا وحلمه الثدى عندى متشققه خالص خالص يعنى فوق متتخيلو و ساعات بلاقى مثلا تقدرو تقولو كده تقشير التشقق لونه ابيض وساعات بلاقى اسود

وطبعا انا عملت سيرش على جوجل وقريت بلاوى عالموضوع دا فانا سايباها على ربنا بئى مفيش بايدى حاجه اعملها وخايفه يكون عندى اللهم احفظنا كانسر ثدى

والمصيبه بئى ان عندى حبوب حولين الحلمه برضه اطرافها بيضاء بس اعرف ان ناس كتير كده بس انا قلقانه برضه

ياريت بس دعواتكم معايا الله يخليكم وطبعا انا سئلت هنا عشان ماشاء الله ربنا يحفظكم كلكم امهات والمرضعات بيحصلهم تشقق حلمه فكنت عايزه برضه اللى مش عارف انا عندى ايه يقولى اى دوا ينفع للموضوع دا يعنى بانثينول ولا ايه؟؟

ادعولى ربنا يسترهامعايا وياريت حد يساعدنى

يارب يفيدوك الاخوات
والله ما بعرف بس ربي يشفيك ويفرج همك .

ما عندي خافية عن الموضوع عزيزتي
ربنا يطمنك و يشفيك و أن شاء الله
ميكونشي داء قلوبنا معك

أسأل الله أن يطمنك ويشفيك
لا تخافي ما دام انه مافيه الآم والموضوع قديم وماحصل اي مضاعفات فأن شاء الله تكون حاجة بسيطة أو ممكن نوع من الحساسية ولكن لاااااازم تروحي لطبيبة نساء عشان تطمني وترتاحي وبشرينا بعد كدا
ألف سلامة

حبيبة قلبي ربنا يطمنك
بس عندي سؤال محاولتيش تروحي لدكتور
علشان تفهمي في ايه
على العموم
ياريت لو تنزلي الموضوع في ركن الحمل والولاده او اقلك ثواني وهجبلك رابط
دكتور نسا وتوليد متواجد فالركن

http://lakii.com/vb/showthread.php?t=624468
ده الرابط اكتبي مشكلتك وان شاء الله هيرد عليك
بس انا برده بتمنى تروحي لدكتور وتكشفي حتى علشان يعالجلك التشققات
لان بعد كده ان شاء الله لما تتجوزي وتجيبي نونو قمر
تعرفي ترضعيه
متهمليش نفسك
وابقي طمنيني عنك
اوعي تنسي

متشكره اوى يا قمرات لكل اللى ردو ربنا يخليكم
wbaby المشكله انى مهمله جدا فنفسى يعنى لو بموت مش بروح لدكتور معرفش انا طبيعتى كده
بس طالما هو موضوع محدش عرفه وحياثر على الرضاعه قدام يبقى ان شاء الله حروح وحعرض برضه المشكله على الدكتور ربنا يخليكم يارب ويخليلكم ولادكم

ربنا يشفيك ويعافيك
لازم تستشيري طبيبة

حبيبتى ربنا يشفيكى يارب
روحى لدكتورة امراض نساء
لو انت مكسوفه من انك تروحى
لدكتور راجل فيه طبيبات ممتازات
روحى واطمنى وان شاء الله خير
وابقى طمنينا
تحياتى ودعواتى لك