السلام عليكم ورحمة الله وبركاته
انا اخت لكم من فلسطين متابعة لكم دائما بهذا المنتدى لكن هذه اول مشاركة لي واتمنى انكم تساعدوني
انا متزوجة من سنتين و 9 شهور تقريبا ولكن ربنا ما راد يصير حمل, انا وزوجي مش مستعجلين كتير لانو لساتني بكمل دراسة بالجامعة وباقيلي سنة للتخرج
لكن الضغوطات الخارجية من اهلي واهل وزوجي سببت لنا توتر كبير فقررنا نروح للدكتورة لتعرف سبب تأخر الحمل, زوجي فحوصاتو سليمة فطلبت مني الدكتورة اخد منشط منشان تراقب حجم البويضات وعددهم وكانت اليوم موعد زيارتي عندها قالتلي انو في 3 بويضات حجمهم ممتاز وطلبت مني اخد ابرة تفجيرية وحددت لي ايام الجماع , لكن انا ما اخدت الابرة لان ما وجدتها بالصيدليات الي بالمنطقة الي فيها عيادة الدكتورة وما كان في مجال ادور عليها بمكان تاني لانو عندي تاني يوم امتحان بالجامعة وما في وقت لازم اطلع ادرس وبالفعل روحت البيت بدون ما اخد الابرة , سؤالي هل الي عملتو غلط؟ وهل لازم اخد الابرة ؟ وشو الاضرار الي ممكن تصير ؟ وشو البديل عنها؟ اسفة طولت عليكم كتير بس بدي احكي انو اخر دورة كانت ب 22-3 -2010 ومدة الدورة تقريبا 30 يوم ومتى يحصل جماع هادا الشهر ليصير حمل ؟
ارجوكم جاوبوني لاني محتارة وادعولي ربنا يوفقني بدراستي والله يجزيكم خير
رد مع الاستدلال
الروابط المفضلة