تحديد جنس المولود بأذن الله تعالى
تابعت حلقة للدكتور عادل ببرنامج الطب البديل وحصلت معلومات رائعة عن تحديد جنس المولود بأذن الله تعالى وحبيت افيدكم بهالمعلومات
الحلقة كانت بتتكلم بشكل عام عن كيفية تحديد جنس المولود والدكتور الله يطول بعمره طرح برنامج للاشخاص الي برغبوا بانجاب الذكور ..
المعلومات الي حصلتها كانت كالتالي:
اول شي ذكر الدكتور انو الوسط الي بتم في عملية الاخصاب مهم جدا في تحديد جنس المولود .. فالوسط الحامضي يزيد سرعة البويضات الانثوية وبالتالي هالوسط هو مهم لانجاب الاناث
ولكن الوسط القلوي يزيد من سرعة الحيوانات المنوية الذكرية وبالتالي هالوسط مهم لانجاب الذكور..
ايضا درجة حموضة الدم مهمة لتحديد جنس المولود .. ايضا امراض السكر والضغط مهمة وبتلعب دور كبير ...
لكن النقطة الرئيسية هي درجة الحموضة او ph بالجسم بشكل عام وفي المهبل الي هو عبارة عن المكان الي حيتم فيه الاخصاب بشكل خاص... (حامضي= انجاب اناث)(قلوي=انجاب ذكور)
هذا الكلام طبعا مبني على دراسات علمية مكثفة تمت في مراكز متخصصة في فرنسا وبريطانيا
الوسيلة الي احنا باستطاعتنا نغير فيها درجة حموضة الجسم هي اختيار الاغذية المختلفة بحيث انو بعض الاغذية مسؤولة عن زيادة درجة الحموضة للجسم في حين انو اغذية اخرى بتزيد درجة القلوية للجسم
ذكر الدكتور معلومة عن اجدادنا .نساء زمان كانو بيعملو غسول بيكربونات يعني غسول قلوي للمهبل قبل الجماع وذلك لزيادة الوسط القلوي وهذا بساعد في انجاب الذكور
اما عن الاغذية المختلفة وتاثيرها على درجة حموضة الجسم كانت المعلومات كالتالي:
_منتجات الالبان بكافة اشكالها تساعد على انجاب الاناث
_المكسرات بكافة اشكالها تساعد على انجاب الاناث
_المشروبات متل الكاكاو والنسكافيه تساعد على انجاب الاناث
_ صفارالبياض يساعد على انجاب الاناث وبالتالي الراغبين في انجاب الذكور بستطاعتهم اكل البيض بدون صفار
_فواكه كاملة طازجة ( مشمش _ بطيخ_ اناناس _ موز_ تفاح_ كرز_ كمثرى_رمان) تساعد عى انجاب ذكور
_ عصائر بكافة اشكالها تساعد على انجاب الاناث
_ لحوم الحيوانات تساعد على انجاب الذكور... الدجاج يساعد على انجاب الاناث
_ مياه مفلترة تساعد على انجاب ذكور
_ مياه معدنية تساعد على انجاب الاناث لانها بتزود درجة حموضة الجسم بالاضافة الي انو المعادن الاخرى الموجودة تلغي دور الصوديوم في رفع القلوية بالجسم
_الاطعمة الغنية بالملح تساعد على انجاب الذكور .. لانو الصوديوم الموجود بالملح يساعد على رفع القلوية بالجسم
_المشروبات( شاي اخضر_ اكيل الجبل _زنجبيل) تساعد على انجاب الذكور
_ الكبدة ... ممتازة جدا في البرنامج الخاص للراغبين في انجاب الذكور
_ الخضراوات ( الزهرة _ السلق_ والكرنب) كلها ممنوووعة في البرنامج الخاص بانجاب الذكور لكن مفضلة طبعا في برنامج انجاب الاناث
_الثوم يساعد في انجاب الاناث
_ السمسم يساعد على انجاب الاناث
وهلأ رح اطرح البرنامج الي ذكره الدكتور وهو عبارة عن برنامج غذائي يتم تنفيذه لمدة ستين يوم وهذا البرنامج هو خاص للراغبين في انجاب الذكور يعني رح يغير درجة Ph الي القلوية وبأذن الله الاخصاب الي رح يتم بهالوسط حيكون ناتج عنه مولود ذكر طبعا كله بارادة الله سبحانه وتعالى لكن احنا بناخد بالاسباب والتوكل بالنهاية على رب الارباب
طبعا البرنامج مقسم على تلات مراحل كل مرحلة لمدة 21 يوم حتى مايصاب الاشخاص بالملل ويتم تطبيقه على كل من الرجل والمرأة
رح ابدأ معكم بالمرحلة الاولى الي تم ذكرها بالحلقة وباقي المراحل والبرنامج الخاص بانجاب الاناث رح اذكره لاحقا انشاء الله
نبدأ بالمرحلة الأولى:
الفطار/
شاي أخضر أو اكيل الجبل او زنجبيل
.. او ممكن خليط من التلات اعشاب السابقة
يتم تحلية المشروب بالعسل.
صحن مشمش او خوخ 100جم للماحفظة على الوزن يمكن شرب كوب ماء مفلتر .
ربع رغيف من خبز الشعير مع مربى تين او عسل ابيض.
الغذاء/
شاي اخضر او اكيل الجبل او زنجبيل.
صحن مشمش او خوخ او كرز 100 جم .
صحن سلطة بنزود كمية البندورة لأكبر كمية ممكنة ونقلل الخيار والبقدونس لأقل كمية ممكنة.
مأكولات بحرية لكن بدون قلي الافضل تكون مشوية ونزود كمية االملح.
لحم عجل او خروف او ماعز مع تزويد الملح ..مشوي طبعا.
خبز شعير او خبز ذرة.
ملاحظة/ ممكن بين الوجبات عند الجوع اكل فواكه طازجة بأي كمية ولكن طبعا ماتكون عصائر وانما فواكه كاملة
او ممكن اكل بياض بيض فقط الصفار ممنوع
العشاء/
فاكهة
لحم لكن مش دجاج
شوربة برغل
كبدة مشوية
شاي اخضر اول اكيل الجبل او زنجبيل
شوربة عدس
طبعا مش شرط ناكل كل الاغدية المذكورة بالوجبة وانما ممكن نختار نوع واحد او نوعين
المهم الاستمرار والابتعاد قدر الامكان عن الاغذية الي بتزود درجة حموضة الدم والي ذكرتها في بدايةكلامي
ذكر الدكتور انو اتباع البرنامج المذكور اعلاه يحقق نتائج هائلة اثبتت من خلال تجارب عملية مختلفة في هالمجال.............
دمتم بخير واتمنى اكون فدتكم بهالمعلومات وانشالله رح اضيف اي جديد وانتظرو مني باقي المراحل وبرنامج الخاص بالراغبين في انجاب الاناث
المصدر
http://alfrasha.maktoob.com/showthread.php?t=215100
الروابط المفضلة