للبحث في شبكة لكِ النسائية:
|
حبيبتى يا حنان ربنا يعوض صبرك خير
معلش قدر الله وماشاء فعل
وقل لن يصيبنا الا ماكتب الله لنا
وان شاء الله ربنا يكرمك المرة الجاية وتكون البويضات صالحة وناضجة ويرزقك ربى منهم الذرية الصالحة
بس هو انت بتابعى مع دكتور حسام نفسه غريبة انه مش بيطلب منك تحليل e2
لان فعلا بيدل على جودة البويضة وكل اللى مقبلين على الحقن بيعملو عشان يعرفو عندهم كام بويضة ناضجة كل 200 معناها بويضة ناضجة
وكمان فى حاجة غريبة تكيس المبيض يا حنونة علاجة الخسسان للوزن المثالى وكمان الجلوكوفاج لمدة 3 شهور وبعدها بيبدا التشيط عشان حكاية جودة البويضة تتحسن حقيقى انا مستغربة جدا لان البنات كلها بتشكر فى د حسام ومسغربة انه
مش عمل معاكى كدة ياريت تناقشيه فى الحاجات دى ويارب يكتبلك الخير
السلام عليكم جميعا
مبروك التجمع الجديد انشاء الله يكون وشة حلو علينا وتكون رانيا ويمنى حوامل انشاء الله
الليل الباكى مبروك التلقيح يا حبيبتى وربا يارب يرزقك منه الذرية الصالحة ويارب تبشرين بحملك كمان اسبوعين باذن الله
انا عارفة والله انه كويس عشان كدة استغربت الخطة الى ماشى بيها معاكى
وبحاول الاقى سبب عشان تتفادى الى حصل المرة الجاية
والحمد لله ان وزنك تمام يبقى بقى ممكن فعلا يكون الانسولين طيب هو انت بتلخدى ميتفورمين "الجلوكوفاج" هو بيظبط الانسولين وبيحسن جودة البويضة
ربنا ييسرلك الحال ويكرمك المرة الجاية يارب يا حبيبتى
بصي يا حنان هو كل شئ نصيب طبعا ..بس أنا عاوزاكي تخلي بالك أنتي من موضوع التحاليل يعني أنتي دكتور نفسك بعيد عن نظام المركز ..دكتور حسام ممتاز حقيقي ..والمركز لا غبار عليه ..بس أنا وأنا بعمل الحقن صممت أني أعمل تحليل التجلط والأجسا المضاده وفالمركز فضلوا يقولولي أنتي مكبره الموضوع ومدخله نفسك فمتاهات ليه وأنا فضلت مصممه وعملته فعلا والمفاجأه طلع عندي جين تجلط رغم أنهم مكنوش مأيدين أني أعمل التحليل..أنتي شوفي حالتك واللي لازمك وأعمليه...وربنا يكتبلك التوفيق أن شاء الله ..والمتابعه الجايه أن شاء الله تعملي تحليل الأنسولين وتحليل اللي علشان البويضات وتفضلي تتكرريه وتتابعي النتايج علشان تبقي ماشيه صح...وربنا يكرمك يارب يا حنان ويرزقك عن قريب...
انا فعلا فكرت فى انى اعمل تحليل الانسولين قبل مأروح المركز عشان الصوره تبقى اضحه امامى وبردوا هاعمل تحليل سكر فى الدم عشان انا مامتى وخالتى وخالى وجدى وعندهم سكر فممكن السكر يكون وراثى وهاعمل برده تحليل التجلط والأجسام المضاده يعنى اكون بمعنى اصح ملمه بالمواضيع وبرده اكون كسبت وقت وان شاء الله خير
الروابط المفضلة