السلام عليكم ورحمة الله وبركاته
ارجوكو يا بنات هو ضغط الحامل المظبوط كام
وايه اول نسبه تقول ان هو عالى
ويا ترى 130على 90 عالى لان الدكتور ما علقش وانا كنت وخده الموضوع ببساطه
لحد ما سمعت الكلام المقلق عن الضغط العالى هنا
ارجوكوا اللى ترد تكون ذات خبرة لانى خايفة قوى على الحمل ده وانتو طبعا عارفين ظروفى
وبالله عليكوا كل اللى تدخل تدعى لى ان ربنا يكملى حملى المرة دى على خير

لاء مش عالى حبيبتى قريب من العادى بصىى مدام مقلكيش حاجه يبئى مفهوش حاجه الكلام ده للى عندهم الضغط عالى

انتى تعرفى احسن من اى حد تانى
ازاى
انت فى العادى ضغطك كام والآجابه عندك انتى وده ح يكون مرجع وبعد كده تعرفى اى قراءه ضغط عالى ولا لا
وابعدى شويه عن المخلالات والحاجات المملحه

عادي ان شاء الله حبيبتي
لاداعي للقلق والله يتمملك حملك على خير
ويرزقك الذرية الصالحة ويرزق جميع المحرومين
يارب

على فكرة أنا كمان كان ضغطي 130\85 و أنا لسة في الشهر التاني و برضه دكتورتي معلقتش
ربنا يتمم حملي و حملك و حمل كل حامل على خير يا رب

اولا ربنا يتمم بخير بس فعلا حسب طبيعة ضغطك يعنى انا اول كم مرةكنت90/60 وبعدين لترفع 150/100 ثم140/90 والدكتور كتبلى على الدومت قال مش عايزه يعدى 90 تحت وربنا يتمم على خير

الله يتمم حملك على خير حبيبتي

ربنا يتمم حملك ياااارب

لا عادي حبيبتي لا تخافي الله يتمملك حملك على خير وسلامة يااا رب

اولا الف مبروك الحمل ويارب يارب يارب يكملك على خير ويفرح قلبك ... متقلقيش انا فى اول حملى روحت للدكتور وكان 170/110 ( علشان كنت قلقانة اوى وانا رايحاله) وبعد كدا اتظبط الحمد لله بس ضغطك دا مش عالى متقلقيش خالص وعموما قسيه كل كام يوم بس اهم حاجة تقيسى ضغطك وانتى مش قلقانة لأن اى قلق بيرفع الضغط عند قياسه وبعدين انتى عموما ابعدى عن المخللات والحواذق واشربى كركديه منقوع (مش مغلى)

بس اؤكدلك ان ضغطك مش عالى متخافيش ان شاء الله خير