حلوه الفكره
انا من السعوديه وبتحديد من الشرقيه طبعا السعوديه كبيره وتختلف العادات من منطقه الى منطقه ثانيه
احنا عندنا لما تولد الام وتقوم بسلامه تروح بيت اهلها وامها تقوم على نفاسها
طبعا تدلع دلع ويعمل الها اكل مخصوص الى النفاس مثل عندنا الرشوفه وهي عباره عن طحين يكون محمص وحلبه وبيض وقليل من الزبده مع العسل او السكر
وفيه اكله اسمها العصيده وعباره عن دقيق محمص مع الزيت والسكر
وطبعا التمر او الرطب لازم تاكل كل يوم عشان يذر الحليب
وطبعا يعمل الها الاكل الي يحتوي على كميه عاليه من البروتين الحوم والدجاج والكبده طبعا لازم تاكل وجبتين في اليوم تحتوي على الحوم
وطبعا السلاطات والفواكه لازم كل يوم
وتاكل رشاد مع العسل على ريق قبل الفطار لمدة 3ايام لتنظيف البطن
واغلب الاكل يدخل فيه الحلبه
وطبعا الضيوف والاهل يهنو ويباركو ويحضرو معاهم الهديا وطبعا كل واحد وكرمه
وطبعا الحلويات والمكسرات وشكولاتات والعصيرات والشاي والقهوه العربيه موجوده لضيافه
وبعد الاربعين تجهز نفسها كانها عروس وتحط الحنه وتشتري الملابس الجديده وتزف الى بيت زوجها
ان شاءالله ماكون نسيت شي
الروابط المفضلة