السلام عليكم ورحمة الله وبركاته
صباح الخيرات..
ارجو من بنات مكه ومن غيرهم الي يعرف عن مستشفى الرفيع ب مكه يقولي كم سعر الولاده الطبيعيه عندهم حاليا وكمان مين احسن دكتوره توليد وكيف العنايه والاهتوام عندهم. والي متاكده من اسعارهم تردلي.
ولكم مني جزيل الشكر والعرفان

اهلين اختي تاج تصدقي انك سبقتيني في الموضوع لاني في بالي من امس ان انزل موضوع اسأل فيه عن احسن مستشفى ولادة في مكة لاني حامل بتوام وابغى عناية بصراحة

انا طفلي السابق ولدته في مستشفى النور التخصصي وكانت معاملتهم مرة كويسة الحق لله بس دي المرة مدري افكر في التونسي ولا ايش رايك اذا عندك فكرة قولي لي.

وانا اذا عرفت معلومات عن الرفيع حاقولك بس عموما هي المستشفى كويس

up
up
up

اهلين فيك ياعاشقة البدر والله انا ماعندي خبره ف مستشفيات مكه ولدت بابني وبنتي ف مستشفى جده الوطني بالكندره عند الدكتوره منى حتاته ماشاءالله عليها مره رووووووعه بس سافرت ماراح ترجع واحتمال ولادتي الجايه تكون ف مكه عشان كدا من دحين ادور ع دكتوره كويسه .مبروك لك التوم وتقومي بالسلامه انشاءالله.

معقوله يابنات مكه مافي ولا وحده
عندها فكره عن اسعار مستشفى
الرفيع ؟

اهلين اختي تاج ممكن تاخذي رقم المستشفى من الاستعلامات و تتصلي تستفسري احسن من الانتظار و الحيرة

السلام عليكم
بنات انا ولده من سنتين فى الرفيع لاده طبيعيه اظن 4 الاف بس هذا من سنتين
وبالنسبة للدكتورات ما اعرف احد فيهم دحين كلهم اتغيروا وبصراحه الدكاتره فيها ممتازيين
انا عندى موعد بعد عشر ايام وان شاء الله هسأل واجبلكم الخبر الاكيد

تسلمين يا نوءه بس انا ابغى اتاكد من السعر والي يمدحونها حاليا وحده اسمها ميمونه
ويالله نستنى منك الجواب الاكيد ....والله ييسرك امورك انشاءالله

كتبت بواسطة عاشقة البدر

اهلين اختي تاج ممكن تاخذي رقم المستشفى من الاستعلامات و تتصلي تستفسري احسن من الانتظار و الحيرة

اهلين بيكي عاشقة الورد وعلى حكاية الرقم اخدته والله واتصلت كم مره بس لاحياة لمن تنادي ماحد رد عليه عشان كدا ابغى اعرف.

اهيء اهيء اهيء والله زعلتوني يابنات معقوله
مافش احد يعرف شي عن مستشفى الرفيع.