السلام عليكم ورحمة الله وبركاتة
ارجو من الاخوات ان يفيدونى فى قلقى
انا حامل فى الشهر الرابع فى اولة وعندى الام فى اسفل البطن من الجهة اليسرى وقلقانة اوى مش عارفة هل دة فعلا حركة الجنين
وكمان حصلى نزيف فى الانف لمدة عشر دقايق وخايفة منة
وعاوزاكوا تفيدونى لانى كمان بتقلب كتير فى النوم ومش عارفة هل دة غلط على الجنين ولا لا واية هى الطريقة الصحيحة للنوم فى الشهر دة وفى الشهور الجاية ان شاء الله

شنووو هل وساااويس ههههههههه
الم اسالي دكتورتج وطمني اكثر لان حسب بس ان شاء الله ماكو شي..
والنزيف عاااادي اني كان يصير عندي نزيف الثه دكتورتي اتقول عادي مرات يصير نزيف الانف ...
وتقلب في ليل اني همين اتقلب كثيرررر وكنت خايفه بلبدايه بس همين طمنتني دكتورتي...

الله يسهل عليناا جميعااا ياااارب

اختى الحبيبة ...
ان شاء الله ربى يثبت حملك انتى وكل الحوامل آمين يارب العالمين ...
اولا متخافيش من المغص اسفل البطن جهة الشمال دة خالص
انا كمان بيحصل لى نفس الموضوع دة ولما كنت عند الدكتورة قالتلى عادى دة من الحمل
اما بالنسبة للنزيف ... حبيبتى دة ملوش علاقة بالجنين ... الجنين بخير ان شاء الله
وبالنسبة للتقلب فى النوم ... بصى يا جميل ... جنينك ربنا حامية جوا الرحم ... بس لما تيجى تتقلبى ميبقاش مرة واحدة او بمعنى اصح ميبقاش جامد ... يعنى لما تيجى تتقلبى او تقومى ميبقاش مرة واحدة .. يبقى براحة شوية ..
ويارب يكملك على خير
اتمنى اكون افدتك

شكلك كده بكريه ...

ماتخافيش ياقمر ان شاء الله يكون وجع عادي مادام في جنب واحد...

والنزيف الي من أنفك عادي بتحصل...والتقليب حاولي يبقى بالراحه...وماتقلقيش

بكره تتقلي وماتقدريش تتقلبي..هههههههههههههههه

وربنا يقومك بالسلامه

عسى خير اختي وراجعي دكتوره افيدلج والله يتمملج على خير

ربنا يتمم لك على خير حبيبتى
والقلق فى حد ذاتوا أصبع من البتشتكى منو ربنا يطمئنك

حاولى تراجعى طبيبتك أفضل

فعلن كلام الاخت صحيح راجعى طبيب والتقلب فى النوم يحصل بس بالراحة

الافضل طبعا تراجعى طبيبك
انا فى الرابع والخامس كان عندى الم فى بطنى من تحت وقالى من القاعده كتير او الوقفه كتير بس بعد ما عمل سونار ولقى كله تمام

النزيف من الانف ده عشان جسمك بدا يضخ دم اكتر من العادى فالشعيرات الدمويه فى الانف واللثه ضعيفه وعموما ده شئ طبيعى انا من الخامس لحد دلوقتى وانا فى التاسع احيانا ينزل دم من الانف

اما بقى التقلب الكتير ده برده قالولى عليه وكمان النوم ع البطن والدكتور قالى ان البيبى محمى باكتر من طبقه مش ممكن يتاذى الا اذا اتقلبتى بعنف او اتحركتى اى حركه عنيفه او اتخبطى فى بطنك جامد

يا بنات الموضوع دا قديم من شهر2
زمانها ولدت بالسلامه