رسالة حب و امل و بشرى و دعاء دائم لكل منتظرة
السلام عليكم ورحمة الله , اعذروني انا بدخل الموقع على فترات بعيدة بسبب الإنشغال الدائم مع بنوتي الشقية , عاملين اية يا بنات ؟ طبعا في بنات راحت و بنات جت و بنات حملت وولدت و بنات ربنا هيكرمها قريب بإذن الله ,
قبل اي حاجة بقول للبنات اللي كانوا معايا في ملف الحقن المجهري وحشتوني قوي و نفسي اعرف اخباركم و نفسي تعرفوا اني بحبكم جدا و انكم ساعدتوني كتير و سهلتوا عليا الغربة و خوض عملية الحقن و كنتم اكتر من اخواتي والله يعلم , ياريت اسمع عنكم كل الخير .
تاني حاجة , احب ابشركم اني ولله الحمد حامل للمرة الثانية عقبال كل اللي عايزة يارب و المرة دي بدون حقن مجهري ولا اي علاج , كده من عند ربنا سبحانة وتعالى وانا اللي كنت فكرة اني لازم اعمل العملية تاني بس كرم ربنا كبير و ده درس لكل واحدة عندها مشكلة او عند جوزها مشكلة شايفة انها صعب تتحل , الأمل موجود بأمر الله .
الحمد لله على نعمه الكتيرة جدا عليا الف حمد , لكن انا لسة حاسة بيكم حاسة بكل واحدة تفضل مستنية ان الدورة متجيش و لو اتأخرت يوم تجري تعمل اختبار حمل ! و يطلع لها خط واحد ! او يطلع نيجاتيف ! ياااه على الإحباط , انا عارفة الشعور ده كويس و مش هنساه ابدا وربنا يكرم كل واحدة آمين ياارب ,
انا اختي دخلت في الدوامة دي و كل دقيقة بادعيلها و بدعي لكل واحدة بالذرية الصالحة بأمر الله , لو كان الأمر بإيدي كنت حطيط 10 عيال قدام باب كل واحدةفيكم و معاكم اختي نورعيوني , بس سبحانة وتعالى له حكمة كبيرة اكييد و ربنا دايما عنده الأحسن , بحبكم و ربنا معاكم و مع توأم روحي اختي الغالية .
رد مع الاستدلال
الروابط المفضلة