شوفي انا مريت بتجربة بس لا تخليها في بالج على اساس جميع النساء ولكن راح اقولك تجربتي شوفي حبيبتي انا حملت بابني يوم ورة يوم يا ناس بطني ما تكبر في شي؟
المهم الكل قال لا لانج بكرية عادي بس ممعقولة محد يعرف اني حامل؟
يا كاد تبين بطني وما احس بشي من امشي عادي تخيلي زاد وزني من 55 الى 74 كيلو بس في جسمي توزع السمن يعني بطني مثل ما قبل الحمل لحين وصلت شهر السادس عاد تعبت رحت للمستشفى الدكتورة تقول لي انتي حامل؟ وين بطنج سكتت تعجبت الصراحة بطني كانت يا دوب كبرت نهاية شهر السادس شوي يعني الي يعرف اني حامل ينتبة المهم اكتشفت ان الجنين في رحمي صغير وما ينمو بطريقة صحيحة وصغير جدا المهم ما خليت دكتور ولا دكتورة في المانيا ما رحت لهم عرب المان كل شي الكل قال لي حجم الجنين صغير وعلشان هيجي بطنج صغيرة جدا لان الجنين جدا صغير والسمن الي زاد ما يروح للجنين انما يتزوع لجسمج تخيلي صرت ما اكدر امشي من السمن وبطني ما تبين المهم صرت اغار من النساء في المستشفيات جيف بطنهم كبيرة وانا لا وزوجي كل شوية يقول هاي بطنها كبيرة طيب انتي شنو السب مسكين هو تعقد اكثر مني المهم يا طويلة العمر وصلت الى الاسبوع 33 وبطني نفس الشي ما كبرت اخر شي قرر الاطباء ان يسون لي عملية ويطلعو الجنين حفاظا على حياتة لان ما في فايدة يبقى في بطني وطلع ابني وزنة كيلو هههههههه حبيبي صغير جدا عاد هسة انا حامل للمرة الثانية والدكتورة تعطيني علاج للمشميمة لان اعتقد نفس الحالة تكررت معاي وبطني نفس الشي يمكن احسها شوي شوي نقطة كبرت بس انا هسة في الاسبوع 18 وويا دوب تبين والله المستعان خايفة ما تكبر مثل ابني لكن ابني كبر وصار رجال ويخبل الحمدالله زاد وزنة في الحاضنة بسرعة ما شاء الله
وهاي تجربتي
الروابط المفضلة