السلام عليكم
ازيكم يابنوتات يارب تكونو بخير
كنت عايزة اخد رايكم في موضوع
اناعندي 27 سنه وجوزي 35 متجوزة من 5 سنين ولسه مفيش حمل وتحليل جوزي كان دايما صفر وفي اول جوازنا راح لدكتور اسامه شعير وقاله انه محتاج عمليه دوالي لكن بعدها راح لاكتر من دكتور قال لاء اوعى تعمل العمليه مش هتجيب نتيجه معاك وفعلا شيلنا وقتها موضوع عمليه الدوالى من دماغنا خالص وطبعا خد علاجات كتييييييييييييييرة جدا لكن كان دايما التحليل صفر ده غير علاج بالماكروبيوتك والاعشاب وكله بدون نتيجه كان كله مجرد استنزاف لفلوسنا منغير اي نتيجه الحمد لله على كل حال
العلاج الوحيد اللي جاب معاه نتيجه كان علاج هرموني عبارة عن حقن جونال اف وكميه ادويه كبيرة جدا وغاليه جدااااااااااااااااااااا وجاب نتيجه محدودة 800 الف حيوان منوي في الملي وعملنا حقن مجهري اياميها بس الحمدلله مكانش لينا نصيب وطبعا بعد ماوقف العلاج العدد رجع لصفر تاني
ومن حوالي شهرين رحنا لدكتور ذكورة جديده هو راجل محترم ومتدين ومريح نفسيا وهو طلب من جوزي انه يعمل عمليه الدوالي وقاله ازاي محدش قالك اعملها قبل كده وطلب تحاليل كروموسومات دي بتبان بعد شهرين لانها بتتحلل في فرنسا
واداله علاج عبارة عن مضادات اكسدة وفيتامينات بصراحه العلاج مش غالي خالص بالنسبه للعلاجات اللي كان بياخدها قبل كده اللي كانت بالفات في الشهر الواحد والحمد لله حلل بعد حوالي شهر ونص لقينا في 130 الف حيوان في الملى اللهم لك الحمد والشكر بس طبعا زي مانتو عارفين ده رقم صغير جدا مينفعش لحمل طبيعي
فكنت عايزة اعرف رايكم ايه نعمل العمليه ولا لاء خصوصا الدكاترة مابين مؤيد ومعارض خصوصا ان هرمون الFSH عند جوزي منخفض عن الطبيعي
ومين جوزها عمل العمليه قبل كده وكانت ايه حالته قبل العمليه وكان ايه النتيجه بالتفصيل
وايه رايكم نستنا شويه ونشوف نتيجه العلاج ولا نلجأ للحق المجهري ولا نجرب عمليه الدوالي
وياريت اللي عندها اي معلومه او نصيحه متبخلش عليا بيها ودعواتكم
وجزاكم الله كل خير ورزقنا واياكم الذريه الصالحه عاجلا غير اجل
الروابط المفضلة