حبيباتى كريمات المنتدى
عايزاكم توصفوا لى احساسكم
امبارح رحت للدكتورة
علشان اكشف لما حسيت بشوية تعب
اصل انا قلقانة شويتين
( كنت حامل قبل كدة ومات الجنين فى الشهر الرابع)
المهم
الدكتورة كشفت عليا بالسونار
واول ما ركزت معاها فى الشاشة
شفت الجنين وهو بيتحرك
انا فى بداية الثالث ومكنتش متخيلة ابدا انى هشوفة بيتحرك
بس اول ما عينى شافتة وشافت حركتة
مش قادرة اوصف شعورى كان عامل ازاى وانا شايفة اطرافة الصغيرة بتتحرك
كنت فرحانة قوى
وسبحانة الله الموضوع دة ادانى نوع من الراحة النفسية
والاطمئنان
وكان نفسى اضمة والمسة بإيديا
ساعتها حمدت ربنا ودعيت يكمل لى على خير انا وكل حامل
ويدى كل محرومة يارب
المهم
انا عايزاكم تقولولى
اول حمل ليكم واول مرة شفتم الجنين وهو بيتحرك
كان اية احساسك
انا عن نفسى
مكنتش عارفة انام والصورة كانت فى خيالى طوال الليل
انتم بقى حسيتوا بإية؟؟؟؟؟
يلا تفاعلوا معايا وتعالوا نعيش اللحظات الحلوة دى تانى
واللى لسا ربنا مأكرمهاش يارب ان شاء الله عن قريب تحمل وتعيش فرحتى
رد مع الاستدلال
الروابط المفضلة