اهلا حبيبتي والله يقومك بالسلامة حجاوبك بالي اقدر عليه
1
- الدكتوره قالت لي ان وزن الجنين اللحين كيلو وثلث كم يعني بالجرام ؟؟ وهل هذا الوزن طبيعي لعمر 33 اسبوع ولا صغير واذا صغير وش اسوي عشان يوصل الوزن المثالي قبل الولاده ؟؟؟
الكيلو = 1000 جرام و التلت يعني قولي 330 واكتر شوي يعني كلو الحلو وزنه 1330 غم
حسب علمي الوزن الطبيعي بنهاية التامن بكون قريب ال2 كيلو
ويارب تولدي عاخر شهرك لانو كل يوم زيادة تقضيه في الحمل في الاشهر الاخيرة يزيد وزن البيبي وياثر عنمو الرئتين
اعتقد هلأ انت بالتامن صح
يعني وزن البيبي قريب الطبيعي او طبيعي بس انت اسالي الدكتورة افضل هية ادرى بوضعك
انت كلي اكلك العادي بس صحي خضار فاكهة دجاج لحوم بيض البان وان شاءالله بكبر منيح
وعموما في اطفال يكونو صغار مو سوء تغذية الام الحامل بس هيك حبتهم قليلة
2- مين جربت تمارين كيجل قبل الولادة لتسهيلها ووشهي طريقتها ؟وهل فعلا منها فايده ؟؟ وماهي افضل الوسائل لتسهيل الولادة وتقوية عضلات الرحم ؟
ماجربت بس قاعدة بجرب فيهم لولادتي هاي ان شاءالله
افضل وسائل تسهيل الولادة اكل التمر من بداية التاسع بكثرة حقيقة هالمرة باكلو من اول حملي مع انو بقولو بحرض الرحم بس عادي ماصار شي ماشاءالله
المهم من التاسع كلي تمر و عسل وامشي بالتدريج
انا خلصت شهري وماولدت ومرة مشينا كتير واجاني طلق ورحنا الدكتورة كان لسة الرحم مسكر
وكملنا مشي كمان ساعة وحمي الطلق وتوسع الرحم وولدت
والتمر فعلا بسهل يعني الحمدلله فضل من الله تعالى ماشاءالله طلع البيبي مني بدون مشاكل او تعسر او ماعلق الراس بعيد الشر
توكلي على الله
3- خلال بحثي عن انظمة النفاس وجدت انظمه كثيره بس لاحظت ان الرشاد والفلفل الاسود موجود فيها كلها طيب الرشاد والفلفل معروف انها حارة فممكن ينضر منه البيبي اذا رضع مني وش اسوي عشان ما يتعب وفي نفس الوقت استفيد ؟؟
حبيبتي لشو الرشاد والفلفل الاسود لتنظيف الرحم يعني؟؟؟
صراحة انا كل هالانظمة هاي بحس شعبية ومش مامونة
مابعرف عن هادا صراحة بس اشربي قرفة كتييييييييير حينظف بطنك مزبوط ان شاءالله
واكيد لو كترتي فلفل بدايق البيبي
لانو كلو بدخل للحليب فديري بالك من الاكل
4- انا جدا نحيفه حتى في فترة الحمل باقي معه نحيفه وابغى اطلع من النفاس وانا مربربه عشان ابو الشباب يرضى لانه صار عنده عقدة من نحفي وش احسن شي اسويه عشان يزيد وزني ؟؟ وهل استطيع استخدام حبوب سيبروفيتا لزيادة الوزن مع الرضاعه لاني كنت استخدمها قبل الحمل وزاد معها وزني بس وقفتها بعد ما حملت ؟؟؟
تزيدي وزنك مابعرف كيف صراحة بس انت بعد الولادة والنفاس افحصي الغدة الدرقية وهرموناتها لانو هية بتاثر عقصص النحافة الزايدة والسمنة الزايدة ممكن فيها خلل
وازا اكلك منيح وبرضو كتير نحيفة يمكن معدل حرق جسمك للسعرات عالي بالوراثة وقتها بدك شو تعملي ؟ضلك كلي كلي لتنفشي اكيد لا مو حلو
بعد الولادة راجعي طبيب تغذية شاطر حياخد منك معلومات يعرف منها شو فحوصاتك اللازمة ولو كلو تمام بكون هيك طبيعة جسمك
الحبوب مابعرف عنها بس ماعمرك تستخدميها بدون استشارة طبيب واكيد انسيها حاليا لغاية متولدي وتروحي دكتور يقلك هادول مالهمش ضرر على الحليب من حيث الكم والنوع وازا بتمر فيه ممكن تكون تحتوي اعشاب تقلل الحليب او تدخل في وتضر البيبي
5- سمعت كثير انه من الخطر على النفاس الاستحمام وغسل الشعر طيب كيف اعتني بشعري واستخدم الزيوت اذا كنت ماراح اقدر اغسله وكيف اعتني بجسمي واستخدم ماسكات الجسم وبالنسبه لفيتامينات الشعر وفيتامينات الخميرة وسمك القد هل تنفع استخدمها وقت الرضاعه ؟؟
حبيبتي خرافات محلانا واحنا راجعين من المستشفى حالتنا حالة ومو متحممين
اتحممي
بس ديري بالك
اول حمام بعد الولادة يكون سريع سريع سريييييع والليفة ناعمة جدا مايزيد الحمام على 10 دق يعني
وانتبهي ضروري الجو يكون دفا منيح وماتبردي ابدا وشعرك نشفيه فورا والبسي في الحمام افضل مو تطلعي بالروب بدخلك برد وهوا لانو الرحم مفتوح لسة وممكن يتضرر
فهية انو ماتتحممي ابدا خرافة بس الصح تحممي بس من غير اطالة ابدا ماكسيمم 10 دق وياريت غسل الشعر بلاش تكتري منو لانو بجيب برد للجسم
بعدين ههههه اي ماسكات جسم وشعررررررررر وييييييييييييييييين انت يابنتي انا اول ولادة كنت متلك مفكرة حالي رايحة ترفيه بعد الولادة لكن الواقع غير حتكوني تعبانة مخضوضة ومهدوودة جدا من الطلق والولادة وبس بدك تلاقي وقت تناااااااااااااااااااااامي بدون الافندي يصحا يزعجك
واهتمي بحالك من ناحية النظافة و الشكل ومشطي شعرك وحطي كريم وزي هيك
بس يعني مستحيل يجيكي بال تعملي خلطات وزيوت نفسيتك ماحتساعد انا مابخوفك مو انو اشي تعيس حتمري فيه لا حبيبتي بالعكس حلو بس الجو غير تماما حتكوني تعبانة مشغولة مشاعرك غير
بعد الاربعين تبدي تفوقي للقصص هاي انا بعد تلات اسابيع عملت ماسك ويعني بدات اهتم بس قبل صعب جدا
وان شاءالله تكوني رايقة كتير وتعملي كل الي نفسك فيه
6- متى الوقت المناسب للنفاس علشان تتبخر او تتنقع ووش احسن شي تتبخر عليه او تتنقع فيه وهل تكون في بداية النفاس او في العشرين الأخيره؟؟
مو مقتنعة بالتبخير وهاي الامور ابدا ولاعمري جربتها
وياريت تسالي الدكتورة افضل الشغلات الشعبية كتير او اغلبها بتكون مدمرة للصحة وغلط×غلط
وبشو بدك تتنقعي طيب؟؟؟تقوليش اعشاب بدك تغطسي كلك في حمام بانيو مثلا اعشاب شو بدك تعملي في حالك؟المنطقة الحساسة بدها تعقيم وشغلات طبية مش اعشاب !!!
انا اول 10 ايام الدكتورة نصحتني اشطف بماء فاتر
بعد هيك قالت استعملي ماء يميل للحرارة
وسالتها عالمغطس قالت لا تعمليه لانو بدنا الاوساخ الي جوة الرحم تطلع برة مو تدخل والمغطس بدخل مية لجوة
الامر بسيط عناية طبية و تعقيم وجفاف للمنطقة وتمارين كيجل
7- اللي استخدموا تحاميل البوثيل في فترة النفاس هل هي مفيده ومتى ابدأ استخدمها وكم مره خلال فترة النفاس ؟؟
مابعرفها لشو هي؟ماتستخدمي شي دوا بدون استشارة الطبيب
8- اذا كان المولود ذكرا بمشيئة الله كيف يتم الاعتناء به بعد الختان ؟؟
نصيحتي ختني ابنك وعمرو اسبوع او اتنين او قبل الاربعين ميخلص بالكتير
كل متقدمتي بصير حساس اكتر ويفهم عالوجع اكتر
كل مكان صغير بطيب بسرعة وبروح بسرعة الوجع
ابني ختناه عالاسبوعين
اخدو الدكتور بعملية بسيطة مادخلنا معاه اخدو لحالو
قلنا بعدين خلي المنطقة تتهوى قدر المستطاع
ودهنو مكان الجرح زيت زيتون وفقططططط لاغير
ولو لاحظتو شي مو طبيعي هاتوه
وقللنا تلات ايام وببطل يبكي
اول يوم كان يبكي بس يبكي اكتر لو فتحنا نغيرلو او تبول مثلا وبقلك التبول بساعد في شفاؤه
يعني بسيطة انت خديه اول اسبوعين والدكتور بقلك شو تعملي اكيد ماحيقلك روحي مع السلامة
9- ما افضل نوع حليب وحفائظ للمولود من خلال تجاربكم ؟؟
حفاضات بامبرز
حليب الام افضل نوع
10- كل وحده تقول لي وش احسن كريمات وعطور تستخدمها في فترة النفاس ؟؟ وكيف اصلا تقدرين تستخدمينها وانتي تعبانه وحيلك مهدود ؟؟
هادا انت قلتيها كيف تقدرين وانت تعبانة تحطي كريمات
انا ماكنت احط عطور اصلا البيبي لازق فيكي يرضع طول الوقت كييييف ارش عطر حرام يتدايق
ممكن كنت ارش اول مينام بعيد عنو عالملابس وبس تبرد وتهدا ريحتها عادي
الكريمات بس ارطب ادية لو حسيتهم ناشفين
ومرة حبيت ارفع معنوياتي وحطيت مكياج خفيف بس طلعت بخوف عشان كان وشي مرهق جدا وتحت عيوني اسووووود ومنفخ
هههههههه وانا حطيت كحل وروج كان شكلي بحزن
11- للي خربت بشرتهم وشعرهم في فترة الحمل كيف استطعتي استعادة جمالك وحسن مظهرك ؟؟
حبيبتي بعد الاربعين بتفضي لهيك اموور
والعلاج حسب المشكلة
لو ترهل بطن عليكي بالرياضة
لو تشققات جيبي كريمات مناسبة
لو وزن زايد بدك رياضة
شعر خشن ومتساقط بدك حمامات زيت وعناية
بشرة عليها كلف شوفي دكتور جلدية يوصفلك علاج مناسب ولاتاخدي اي شي كريم الا براي الطبيب بشرتي غير عنك غير عن فلانة
مو ازا كتبت عن كريم للكلف او الحبوب مثلا تروحي تاخديه لا بشرتك غير عني
ازا كان بدك علاج للبشرة مو مجرد عناية عادية لازم طبيب
ويعني روحي قسم الجمال والبشرة بتلاقي كلللللللل الي نفسك فيه
والله يقومك بالسلامة ويعافيكي يارب
وان شاءالله افدتك
وقريبا حنزل موضوع عن العناية بخياطة الولادة الطبيعية انتظريني
في موضوع الي مثبت في اعلا قسم الحمل والولادة حيفيدك جداااا شوفيه
واي اشي اسالي ولاتخجلي وبس ادعيلي
الروابط المفضلة