انا متزوجه من خمس سنين وبدأت الحكايه ان مر كام شهر من زواجى ولم يحدث حمل فرحت للدكتوره كان عندى التهابات وكان فى الم فى صدرى عملت اختبارالبرولاكتين طلع عالى شويه اخدت علاج كتير مجبش نتيجه لحد مارحت لدكتوره تانيه كتبت ليه علاج حلو اوى بس غالى او%u

ربنا يرزقك الحمل

الله يرزقك بالحمل يارب........ولكن اختى اين تجربتك فى الحقن المجهرى

ربنا يكرمك بالحمل السليم يارب
بس فين تجربة الحقن المجهري

انا ذكرتها بس معرفش مظهرتش ليه

ذهبت الى مركز ابو الغار فى المعادى كان زوجى عنده مشاكل فى الحيوانات المنويه وانا كنت الحمد لله كويسه والأدويه بتستغرق تقريبا شهر او شهر ونص على حسب الحاله قالولى تعالى اليوم 21 من الدوره علشان يشوفوا بطانه الرحم وهما مش بيقولوا الخطوات هما بيقولوا تعالى يوم كذا وخلاص واخدت علاج علشان يزود التبويض وحقن تحت الجلد وبعدين بيشوفوا التبويض لازم يوصل لمرحله معينه وبعدين بيحددوا ميعاد العمليه ودى بتكون ببنج كلى وبعدين سحبوا البويضات وبعدها بننزل للدكتور ومش لازم ابو الغار هو الى يعمل عمليه سحب البويضات بيقول كام بويضه اتسحبت وهتروحى فى نفس اليوم بمجرد ما تفوقى من البنج وينصحوكى بشرب سوائل كتير لأن بعده الموضوع مؤلم شويه اتصلوا بيه بعده بيوم وقالوا تعالى رحت وضعوا تلات اجنه وانتظرت 15 يوم تروحى علشان تعملى تحليل حمل بس لازم يكون عندهم لأن هما بيعملو بأرقام مش زى العادى الى فى المعامل موجود فى المعامل الكبيره ورحت وبعده اتصلوا بيه وبشرونى انى حامل واروح ليهم بعد 15 يوم علشان يشوفوا كيس الجنين كويس ولا لاء ورحنا والحمد لله كانوا توأم اكملوا معى لسه للموضوع بقيه

كنت بتابع مع ابو الغار الحمل وكان بيكشف كل شهر مره بس مكنش بيعمل سونار هو كان بيسمع نبض الأجنه بس استمر الحمل الى الشهر الخامس وهو كان دايما يقولى متتحركيش ومتعمليش اى حاجه مش علشان انها عمليه حقن علشان دول توأم والتوأم كارثه باللفظ هو قال كده وبالفعل فى الشهر الخامس نزل عليه ميه دون اى مقدمات رحت واتحجزت فى المستشفى الخاصه بيهم وجالى ابو الغار المستشفى وسأل عن كميه الميه الى نزلت بس هى كانت كتير بس انا مش فاهمه يعنى ايه ميه بعده بنته كشفت عليه بالسونار الثلاثى الأبعاد ووجدت ان البنت هى الى نزل من عليها الميه وهى كانت مشوهه وده السبب فى نزول الميه وفى ولد لكن الولد كويس جدا وكان الأمل فيه ونزلنا لأبو الغار قالى المقياس لأستمرار الحمل تحليل هنعمله فى الدم كل 3 أيام لو وجدناه عند درجه معينه هنتخلص من الحمل لأن دة فى خطوره عليه الى هيه ميه البيبى فى جسمى التحاليل كانت كويسه نوعا ما مش عاليه الى الحد المفترض عنده يتخلصه من الحمل واستمرت شهر على هذا الحال الى ان جاءنى الم غير محتمل طلق ولكنى استمر الطلق 10أيام الى ان لم استحمل هذا الألم وذهبنا الىالطبيب ظل يبحث على الجنين التان فى بطنى لم يجده كان بيقولى انتى متأكده انك حامل فى توأم الى ان وجد البنت فى الحوض قالى انتى مستحمله الألم ده ازاى لازم نفتح غرفه العمليات حالا وهنحاول نحافظ على الولد وفعلا نزلوا البنت وسابو الولد ولكنه الطلق استمر بشده وشافن تانى وقالى لاء الرحم مفتوح مش قابل اى دواء لأغلاقه لازم ندخل غرفه العمليات تانى فى نفس اليوم وولدت ابنى محمد ودخل الحضانه وبعد يومين توفاه الله ولكن لاتحزنوا انا لله وانا اليه راجعون الهمنى الله بها عند سماع هذا الخبر ورحت تانى لأبو الغار عمل عمليه الأجنه المجمده ورزقنى الله بمنه الله ادعولى ربنا يخليها ليه واخويها يارب ويرزق كل من كان وعليكم اخواتى بالأستغفار بجد هو الحل الوحيد هو والدعاء

اى حد عايز معلومه عن المركز المصرى لأطفال الأنابيب يقولى هو مركز منظم ومحترم ولايغالى فى اسعار الأدويه زى مراكز تانيه سمعت عنها اسعار الأدويه عنده اقل ويقول للمريض الحاله بمنتهى الصراحه وده قل ان وجد

كتبت بواسطة ياسمين اسماعيل

كنت بتابع مع ابو الغار الحمل وكان بيكشف كل شهر مره بس مكنش بيعمل سونار هو كان بيسمع نبض الأجنه بس استمر الحمل الى الشهر الخامس وهو كان دايما يقولى متتحركيش ومتعمليش اى حاجه مش علشان انها عمليه حقن علشان دول توأم والتوأم كارثه باللفظ هو قال كده وبالفعل فى الشهر الخامس نزل عليه ميه دون اى مقدمات رحت واتحجزت فى المستشفى الخاصه بيهم وجالى ابو الغار المستشفى وسأل عن كميه الميه الى نزلت بس هى كانت كتير بس انا مش فاهمه يعنى ايه ميه بعده بنته كشفت عليه بالسونار الثلاثى الأبعاد ووجدت ان البنت هى الى نزل من عليها الميه وهى كانت مشوهه وده السبب فى نزول الميه وفى ولد لكن الولد كويس جدا وكان الأمل فيه ونزلنا لأبو الغار قالى المقياس لأستمرار الحمل تحليل هنعمله فى الدم كل 3 أيام لو وجدناه عند درجه معينه هنتخلص من الحمل لأن دة فى خطوره عليه الى هيه ميه البيبى فى جسمى التحاليل كانت كويسه نوعا ما مش عاليه الى الحد المفترض عنده يتخلصه من الحمل واستمرت شهر على هذا الحال الى ان جاءنى الم غير محتمل طلق ولكنى استمر الطلق 10أيام الى ان لم استحمل هذا الألم وذهبنا الىالطبيب ظل يبحث على الجنين التان فى بطنى لم يجده كان بيقولى انتى متأكده انك حامل فى توأم الى ان وجد البنت فى الحوض قالى انتى مستحمله الألم ده ازاى لازم نفتح غرفه العمليات حالا وهنحاول نحافظ على الولد وفعلا نزلوا البنت وسابو الولد ولكنه الطلق استمر بشده وشافن تانى وقالى لاء الرحم مفتوح مش قابل اى دواء لأغلاقه لازم ندخل غرفه العمليات تانى فى نفس اليوم وولدت ابنى محمد ودخل الحضانه وبعد يومين توفاه الله ولكن لاتحزنوا انا لله وانا اليه راجعون الهمنى الله بها عند سماع هذا الخبر ورحت تانى لأبو الغار عمل عمليه الأجنه المجمده ورزقنى الله بمنه الله ادعولى ربنا يخليها ليه واخويها يارب ويرزق كل من كان وعليكم اخواتى بالأستغفار بجد هو الحل الوحيد هو والدعاء

ماشاء الله ربنا يخليها ليكى يارب وتجيبى عليها دستة عيال ان شاء الله وتفرحى بمنة الله وتشوفيها عروسه واخونها خواليها بيزفوها لعريسها ان شاء الله

يا حبيبتى ربنا يباركلك فى منة الله ويحفظها و يحميها ويفرحك بيها عروسه ويرزقك بأخوات ليها يااارب
ويعوضك خير عن توأمك ويراضيكى
وجزاكى الله خير لعرض تجربتك