السلام عليكم يا بنات
انا بكتب ليكم انا منهارة ومش عارفة اعمل ايه
انا تعبااااااااانه اوي
انا المفروض اني هعمل حقن مجهري وده اخر ما توصلت ليه بعد رحلة علاج لمدة سنتين وبدون فايدة
المهم انا مش عاوزة اطول عليكم انا سني 30 سنة وهرمون fsh اللي هو هرمون اللي بيعبر عن مخزون البويضات ابتدى يرتفع فالوقت عامل مهم اوي بالنسبالي
لكن كمان انا مصابة بخمول في الغدة الدرقية زود وزني بعد الجواز حوالي 18 كيلو (الحمد لله اللهم لا اعتراض)
طبعا الدكتور اللي رحتله عشان عملية الحقن المجهري طلب مني افقد وزني عشرة كيلو والكلام ده كان من حوالي شهرين ومن الشهرين دووووووول وانا بحارب عشان وزني ينزل
والمصابين بخمول الغدة الدرقية لازم يتحركوا ويلعبوا رياضة عشان يحرقوا اكتر
المهم يا بنات بعد ع>اب خسيت 2 كيلو بس في الشهرين دوول تصوروا!!!!!!!!!!!!!!
والمشكلة الأكبر اني اليومين دوول عندي دور برد مخليني ملازمة الفراش تصوروا يا بنات اني في خلال اليومين اللي رقدتهم تخنت ال 2 كيلو شوفتوا انتم حد بيعيا وبياخد مضاد حيوي قد كده ويتخن اللهم لا اعتراض
الوقت مش في ايدي
وجوزي ابتدى يلومني اما باكل شيبسي او اي حاجه عبيطة يقولي يعني انتي عاوزة تأخرينا لحد امتى؟؟؟؟؟؟؟؟؟؟؟؟؟؟؟ هو عنده حق
مش عارفة اعمل ايه وجوزي طبعا رافض اني اروح لدكتور تغ>ية وده عشان هيبقى كفاية علينا مصاريف العملية وهو كمان مش بيقتنع بيهم
انا تعبت اوي اوي يا بنات وخايفة اوي ومش عارفة اعمل ايه
رد مع الاستدلال
الروابط المفضلة