حبيباتى فى الله السلام عليكم ورحمة الله وبركاتة
الحمد لله رب العالمين بعد التاخير دة كلة يا بنات والتعب النغسى اللى مريت بيه والحمل خارج الرحم والعملية القيصرية اللى نزلتة بيها الحمد للة الحمد لله رب العالمين ما حدش متخيل مهما حكيت التعب النفسى اللى مريت بية فى العملية القصرية صعب قوى يا بنات انك تعملى قيصرى وتفوقى ما تلاقى بجوارك طفل وكل واحدة ما شاء الله معاها البيبى بتاعها ولكن ما كنت بقول الا الحمد لله اللهم اجرنى فى مصيبتى واخلف لى خيرا منها والله يا بنات كنت لسه عملة العملية وتعبانة وكنت بسمع كلام زى مثلا هو دة كان حمل يعنى بردة مش مقتنعين انى حملت وخاصة بعد ما عدا شهر و2و3و4و5......على العملية كان كلة يقول روحى لدكتور كبير العملية اكيد بوظت حاجة عندك اكيد اصبح عندك مشكلة كبيرة
ولكن الحمد لله الحمد لله الحمدلله العلى الكبير القدير الكريم الجواد الوهاب الذى وهب لى الحمل بقدرتة دون اى ادوية والله يا بنات الا سورة البقرة كنت اقراها بنية الحمل وبعدها بشهر واحد الحمد لله حملت والحمل لسة فى الاول وانا لم اخبر اى احد غير زوجى وامى وانتوا يا بنات دى الوقت عايزاكوا تدعولى بالله عليكوا بتثبيت حملى وان يكمل الله لى على خير ويرزق كل مشتاقة يا رب وانا يا بنات عندى تحليل القطط عالى شوية والموضوع دة راعبنى ومش مخلينى عارفة افرح من قلبى بالله عليكوا تدعولى وتطمنونى
اسفة جدا انى طولت عليكوا بس حبيت اقولكوا تجربتى لافادة وكمان علشان تعرفوا ان مع العسر يسر وكمان علشان تدعولى من قلبكم
دعواتكم يا حبيباتى بان يتم الله حملى على خير
الروابط المفضلة