مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل



للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 15

تحذير هام خاص بمركز حسام زكى ( جنين) لاطفال الانابيب بالمعادى

(الحمل والولادة و الرضاعة - منتدى لكِ)
تحذير هام خاص بمركز حسام زكى ( جنين) لاطفال الانابيب بالمعادى السلام عليكم ورحمة الله وبركاته عيد سعيد على الجميع وكل عام وانتم بخير أود ...
  1. #1
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة

    تحذير هام خاص بمركز حسام زكى ( جنين) لاطفال الانابيب بالمعادى

    تحذير هام خاص بمركز حسام زكى ( جنين) لاطفال الانابيب بالمعادى
    السلام عليكم ورحمة الله وبركاته
    عيد سعيد على الجميع وكل عام وانتم بخير
    أود ان اشكر منتدانا الغالى والثرى بكل ماهو مفيد من معلومات تفيد الجميع فى مختلف المجالات
    وشعرت أن واجبى يفرض على أن أحذر اعضاء المنتدى من التعامل مع مركز حسام زكى ( جنين) لاطفال الانابيب بالمعادى
    وأقسم بالله ان كل مااقوله عن تجربة مع المركز صحيح مائة بالمائة
    وأود أن اوضح مايلى بالمركز:
    1- تكلفة العملية الواحدة ( الحقن المجهرى ) تتجاوز( 20)عشرون الف من الجنيهات
    2- ابتكرالمركز اساليب ملتوية للاستغلال المادى للأفراد وذلك من خلال اتاحته للحالات المرضية بالاشتراك فى اجراء العملية من خلال محاولة او اثنتين او ثلاثة وبتوضيح اكثر الحالة التى تشترك فى محاولة واحدة تكلفة فقط اجراء العملية 6250جنيها دا غير العلاج المكلف جدا والذى يتم شراؤه من المركز اما الحالة التى تشترك فى نظام المحاولتين فتقوم بدفع7750 والحالة التى تشترك فى الثلاث محاولات تقوم بدفع 9500 جنيها
    اما اسلوب التلاعب فى هذه الحالات فبعد فشل المحاولة الاولى لابد ان يتم إجراء المحاولة الثانية فى خلال 3 شهور وهذا مستحيل فى المركز لانه يقوم بوضع حجج واهيه على اثرها يتم اخذ دواء لفترة طويلة تتجاوز 3 شهور وبذلك اولا يضيع على الشخص المبلغ الذى دفعه سابقا ومن ثم يقوم بدفع مبلغ العملية كاملا والذى يفوق 6250جنيها دا غير العلاج 3- شرحنا فى الخطوة السابقة نظام المحاولات الثلاثة اما الطامة الكبرى واقسم بالله مرة اخرى اننى تأكدت منها بنفسى أن الشخص الذى يشترك فى محاولة واحدة يحاول المركز ويبذل قصارى جهده فى نجاح العملية بعد أن يكلف الفرد الكثير والكثير اما من يتاكد المركز أنه مشترك فى نظام المحاولتين يقوم المركز متعمدا بافشال المحاولة والعملية الأولى لأجل تزداد الاستفادة المادية من الافراد
    3- سوء المعاملة من جانب من يعملون فى الاستقبال وخاصة عند الاتصال بهم من البيت للاستفسار عن دواء او علاج أو ميعاد
    وإحقاقا للحق نستثنى من العاملين بالمركز( مس وردة)فهى من افضل من يعملون فى المركز كانت لا تبخلى علينا باى معلومة سواء اتصلنا بها ليلا أو نهارا


  2. #2
    still_here's صورة
    still_here غير متواجد النجم الفضي
    تاريخ التسجيل
    Mar 2007
    الموقع
    إنتظااااااار الفرج....عباده
    الردود
    3,765
    الجنس
    أنثى
    [وعليكم السلام ورحمه الله وبركاته وكل سنه وأنتي طيبه وبخير يارب
    أولا مشكوره علي تنبيهاتك وتحذيراتك جزاك الله كل خير ...لكن..
    طالما أن الموضوع مفتوح بخصوص المركز وللتحذير من سلبيات من الواضح أنك قابلتيها فأنا وجب عليا كواحده بتعامل مع المركز فالوقت الحالي وقرأت تجارب كتير جدا عنه فأحقاقا للحق ليس ألا حبيت أني أوضح بعض الحاجات مع أحترامي لوجهه نظرك ورأيك...


    - تكلفة العملية الواحدة ( الحقن المجهرى ) تتجاوز( 20)عشرون الف من الجنيهات


    وده رقم حقيقي جدا أنا صحيح لسه مبدأتش خطواتي لكن من تجارب الأخرين ويعلم الله أن المبلغ فعلا مش قليل ومجهد ماديا وأن علي الرغم من سمعه المركز الجيده اللي كنت بسمع عنها لكن دايما التكاليف كانت بتخليه بعيد عن ترشيحاتي لأن النتايج طبعا قابله للنجاح أو لا قدر الله العكس...ومن خلال التجارب اللي قرأتها كنت بقرأ أن الدكتور بيطلب تحاليل كتير ومنظار رحم وتحليل فكل متابعه تبويض وطبعا ده شئ مكلف جدا وأنا نفسي كنت حساه نوع من الأستنزاف المادي اللي ملوش أي معني غير الأستغلال ...لكن مع متابعه التجارب أكتشفت أن فعلا التحاليل دي مهمه جدا ممكن تعتبر نوع من الرفاهيه العلاجيه لكن كمثال المنظار الرحمي أنا قرأت عن حالات كتير وقف خطوات الحقن بسبب وجود زوايد لحميه أ تليفات فالرحم ودي بتمنع ثبات الأجنه وطبعا التوقف فمرحله متقدمه من الخطوات علي أقل المستويات خسايرها الماديه بتكون عامله أزاي...كمان تحاليل متابعه التبويض ودي بتبين أذا في خلل فأستجابه معينه ودي برض بتوفر فرصه لتعديل خطه العلاج أو تلافي خطأ معين أذا تمت أعاده التجربه...


    2- ابتكرالمركز اساليب ملتوية للاستغلال المادى للأفراد وذلك من خلال اتاحته للحالات المرضية بالاشتراك فى اجراء العملية من خلال محاولة او اثنتين او ثلاثة وبتوضيح اكثر الحالة التى تشترك فى محاولة واحدة تكلفة فقط اجراء العملية 6250جنيها دا غير العلاج المكلف جدا والذى يتم شراؤه من المركز اما الحالة التى تشترك فى نظام المحاولتين فتقوم بدفع7750 والحالة التى تشترك فى الثلاث محاولات تقوم بدفع 9500 جنيها
    اما اسلوب التلاعب فى هذه الحالات فبعد فشل المحاولة الاولى لابد ان يتم إجراء المحاولة الثانية فى خلال 3 شهور وهذا مستحيل فى المركز لانه يقوم بوضع حجج واهيه على اثرها يتم اخذ دواء لفترة طويلة تتجاوز 3 شهور وبذلك اولا يضيع على الشخص المبلغ الذى دفعه سابقا ومن ثم يقوم بدفع مبلغ العملية كاملا والذى يفوق 6250جنيها دا غير العلاج 3- شرحنا فى الخطوة السابقة نظام المحاولات الثلاثة اما الطامة الكبرى واقسم بالله مرة اخرى اننى تأكدت منها بنفسى أن الشخص الذى يشترك فى محاولة واحدة يحاول المركز ويبذل قصارى جهده فى نجاح العملية بعد أن يكلف الفرد الكثير والكثير اما من يتاكد المركز أنه مشترك فى نظام المحاولتين يقوم المركز متعمدا بافشال المحاولة والعملية الأولى لأجل تزداد الاستفادة المادية من الافراد


    بالنسبه لتكاليف المحاولات وأنا حابه أوضح هنا أني ش بدافع عن سياسه المركز ولا أدعمها بأي شكل لكن نوع من التوضيح زي ما قلت...
    بالنسبه للمحاولتين عند عدم نجاح المحاوله الأولي ""ومعيار عدم النجاح هو عدم التحليل السلبي أو أجهاض قبل رؤيه نبض 3 متابعات متتاليه""الأعاده بتتم خلال 3 شهور .زوهنا فالمنتدي حالتين تم البدأ مباشره في الدوره التاليه للتجربه الأولي واللي كانت غير موفقه ومحدش منهم لمح لموضوع المماطله بل علي العكس...أما طبعا أذا نجحت المحاوله فخلاص المبالغ الأضافيه للأتفاقات بتكون لاغيه ""ومعيار النجاح هو رؤيه نبض 3 مرات متتاليه""يعني لو المره الرابعه مفيش وحصل أجهاض يبقي برضه ده نجاح وبرضه التكاليف الأضافيه بتكون لاغيه"


    3- شرحنا فى الخطوة السابقة نظام المحاولات الثلاثة اما الطامة الكبرى واقسم بالله مرة اخرى اننى تأكدت منها بنفسى أن الشخص الذى يشترك فى محاولة واحدة يحاول المركز ويبذل قصارى جهده فى نجاح العملية بعد أن يكلف الفرد الكثير والكثير اما من يتاكد المركز أنه مشترك فى نظام المحاولتين يقوم المركز متعمدا بافشال المحاولة والعملية الأولى لأجل تزداد الاستفادة المادية من الافراد


    النقطه دي أنا مقدرش أرد عليها لأنها مسأله ضمير من ناحيتهم ولكن برضه في بنات هنا فالمنتدي وخارج المنتدي وكانوا متفقين محاولتين وماشاء الله ربنا وفقهم من أول مره وكللت التجربه بالنجاح...


    - سوء المعاملة من جانب من يعملون فى الاستقبال وخاصة عند الاتصال بهم من البيت للاستفسار عن دواء او علاج أو ميعاد
    وإحقاقا للحق نستثنى من العاملين بالمركز( مس وردة)فهى من افضل من يعملون فى المركز كانت لا تبخلى علينا باى معلومة سواء اتصلنا بها ليلا أو نهارا


    أتفق معاكي وأن كان المعامله لم تصل لدرجه سيئه جدا لكن أقدر أقول أنها نوع من الأهمال المعنوي وأنا فعلا قابلته هناك وأتضايقت جدا ده غير الأنتظار اللي حقيقي يحرق الأعصاب علي التليفون ..لكن لما أشتكيت قامت مس ورده بالواجب وخدت معاهم موقف وخلتني كتبت ورقه بالشكوي بتاعتي وبملاحظاتي وحطيتها فالملف بتاعي ومن بعدها الوضع أتغير لأفضل وأن لم يكن للدرجه المتوقعه برضه..


    كلمه أخيره..الدكتور حسام رجل محترم علي المستوي الأنساني والمهني وده تقييمي عن الوقت اللي أتعاملت معاه فيه..يحسس الحاله بأهتمامه ويسمعك ويقلق لقلقك ويهتم لأهتمامك وبيدعم الحاله بصوره أيجابيه ...ودي كلمه حق حبيت أقولها بعيدا عن النتيجه لأن أن شاء الله مظنش أن حتي لو ربنا مكتبليش التوفيق هغير أنطباعي حتي ومع وجود أوجه من التقصير الاداري وأحبانا أخطاء جسيمه في متابعه الحالات وخصوصا خطوات الحقن ..لكن أحنا اللي هنكون غلطانين لو توقعنا أن المكان يكون برفكت فكل حاجه ..كل مكان ليه مميزات بتخدمنا وعيوب هنكون أحنا الغلطانين لو سكتنا عليها...

    وحقيقي بشكرك لأنك كنتي أيجابيه وعرضتي الموضوع بشكل واضح للتنبيه والتحذير وربنا يجازيكي كل خير علي مجهودك ...
    وأسأل الله أن يرزقك ويخلف عليكي بالذريه اللي تقر عينك ..وأعلمي أنه حتي لو لم يكن التوفيق حليفك .فأعتبري تجربتك خطوه فمشوارك هتقربك لهدفك أن شاء الله
    روزاناصر أعجبه هذا.

    قال عليه الصلاة والسلام : " إن العبد إذا سبقت له من الله منـزلة لم يبلغها بعمله ، ابتلاه الله في جسده أو في ماله أو في ولده ، ثم صبّره على ذلك ، حتى يبلغه المنـزلة التي سبقت له من الله تعالى "

    ياااااااااااااااااااااااااااااااااااااارب

    عوضني عنهم برحمتك واجعلهم شفعاء لنا يوم القيامه



  3. #3
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة
    شكرا لك على اهتمامك بالموضوع لقد قدمت بعمل المحاولة الاولى وكان الاتفاق على محاولتين فشلت المحاولة الاولى لأن الله لم يكتب لها النجاح بس فيه اسباب طبية أدت لذلك الاهمال الجسيم من جانب المركز لأنه أثناء متابعة التبويض والذهاب يوم بعد يوم حيث قام الطبيب بكتابة حقنتين واخذهما كل يوم واحدة مساء وتحدث الطامة الكبرى بعد اخذ الحقنة الاولى وفى اليوم التالى الساعة العاشرة كنت استعد لأخذ الحقنة الثانية فإذا بى اجدها فارغة واقسم بالله اننى متاكده انها اخذ ت من المعمل فارغة
    ولم يتطرق ذهنى إلى ان يصل الاهمال إلى إعطاء حقنة فارغة فاتصلت بهم على الفور الساعة العاشرة مساء وأخبرتهم بذلك بعد عناء طويل وعدم رد على التليفون فأخبرتنى من ردت على بالحضور غدا وأخذ حقنة أخرى من المعمل وهذا ما أثر على حجم االبويضات وهذا ماأظهره الدكتور اتناء مناقشة اسباب عدم نجاح المحاولة الاولى بحدو ث عيوب فى نضج البويضات بعد ان استمرت بطريقة جيدة سابقا فى النضج
    واحب ان أذكر تجربتى لإخواتى المقبلات على ذلك بضرورة مراجعة الادوية كاملة ومعرفة عدد الحقن المأخودة والتاكد من عدم وجود حقن فارغة مثلما حدث معى

    ملحوظة هامة جدا :
    بعد اخبار الدكتور حسام بذلك اضطر المركز لوضع الحقن فى أكياس بلاستيك مملوءة بالهواء للحفاظ على الحقن ولكن اطلب من صديقاتى ضرورة التاكد من جميع الادوية وفتح الاكياس


  4. #4
    still_here's صورة
    still_here غير متواجد النجم الفضي
    تاريخ التسجيل
    Mar 2007
    الموقع
    إنتظااااااار الفرج....عباده
    الردود
    3,765
    الجنس
    أنثى
    أولا بتمنالك التوفيق فخطوتك الجايه وربنا يؤجرك خير الأجر أن شاء الله عن تجربتك اللي فاتت ..
    ثانيا بشكرك علي طرحك للموضوع لأن طرح كل واحده لتجربتها بيقدم أفاده وخبره لباقي العضوات وبيديها فرصه كون أكتر حرص ودقه في تعاملاتها مع المكان...

    ومهم جدااا ملاحظتك بخصوص العلاج جزاك الله كل خير لأنها حصلت مع عضوه معانا هنا وفعلا لازم كل واحده تاخد بالها من العلاج اللي تم صرفه وتتمم عليه بنفسها لتلافي أي خطأ ...

    وكل سنه وأنتي طيبه والسنه الجايه فرحانه بالبيبي أن شاء الله ولو تقدري تجربتك كامله يبقي جزاك الله كل خير ..وده اللي عملته أكتر من عضوه راحت المركز وكانت مواضيعهم فعلا مهمه جدااااا ومفيده جدااااا...

    قال عليه الصلاة والسلام : " إن العبد إذا سبقت له من الله منـزلة لم يبلغها بعمله ، ابتلاه الله في جسده أو في ماله أو في ولده ، ثم صبّره على ذلك ، حتى يبلغه المنـزلة التي سبقت له من الله تعالى "

    ياااااااااااااااااااااااااااااااااااااارب

    عوضني عنهم برحمتك واجعلهم شفعاء لنا يوم القيامه



  5. #5
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة
    كل عام وانتم بخير
    اردت فقط تنبيه العضوا ت المقبلات على العملية لتلافى اى خطا يحدث فى المركز لان العملية تؤثر علينا كثيرا ماديا ونفسيا ويارب التوفيق للجميع


  6. #6
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة
    شكرا على المرور


  7. #7
    كرمة81 غير متواجد عضو نشيط
    تاريخ التسجيل
    Jul 2007
    الموقع
    مصر
    الردود
    494
    الجنس
    أنثى
    السلام عليكم
    اولا ربنا يعوض عليكى بالحمل السليم المعافى
    و الله الاخت ستيل ما اثرت و مافيش كلام يتقال بعد كلامها الى انا متفقة معاها فيه مية فى المية
    ثانيا
    انا عملت عمليتى فى مركز جنين و الحمد لله نجحت من اول محاولة
    و انا كنت مشتركة فى محاولتين و للامانة الدكتور لما سالتو النصيحة قالى اعتقد انك مش حتحتاجى اكتر من عملية واحدة بس انا فضلت اشترك فى محاولتين يعنى علشان الاطمئنان
    و بصراحة انا اعرف ناس كتير ماشاء الله نجحت معاهم من اول مرة
    -انا معاكى ان العملية هناك مكلفة جدا بس بالنسبة للادوية كل المراكز بتبيع الادوية للمرضى و دة مهم جدا لانك ماينفعش تدورى عليها لانها مش دايما متوفرة و اسعار الادوية عندهم زى الاجزخانة بالضبط
    و بصراحة انا لما كنت بسال على حاجة كانو بيردو عليا
    و الدكتور حسام بجد دكتور شاطر جدا و فاهم
    و الله اعلم


  8. #8
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة
    شكرا على المرور اردت فقط التنبييه


  9. #9
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة
    وكل يوم تزداد مساوئ مركز جنين ياترى ده قصد ولا إهمال
    الدورة اللى فاتت اتصل بالزفت المركز ردj عليه واحده غبيه فى الاستقبال اسمها سالى ربنا ياخدها وكل ماشرح ليها الحالة وعاوزة ضرورى اعرف اعمل ايه من اى منسقه اتصلت والله اكثر من 5 مرات فى اليوم ولا فادتنى بأى شئ خالص لإنها مش فاهمه والدورة دى بردك بتصل بالمركز بردك ترد عليه المتخلفة دى وعملت معايه زى الدورة اللى فاتت
    وبعض العضوات تقول إن بعض الظن اثم مع المركز ده لا يهمه سوى جمع المال قققققققققققققققققققققققققققط
    ودى كانت اكبر غلطه فى حياتى إنى أذهب للمركز المتخلف ده


  10. #10
    ابتسام شفيق غير متواجد عضو جديد
    تاريخ التسجيل
    Nov 2009
    الردود
    20
    الجنس
    امرأة
    وكل يوم تزداد مساوئ مركز جنين ياترى ده قصد ولا إهمال
    الدورة اللى فاتت اتصل بالزفت المركز ردj عليه واحده غبيه فى الاستقبال اسمها سالى ربنا ياخدها وكل ماشرح ليها الحالة وعاوزة ضرورى اعرف اعمل ايه من اى منسقه اتصلت والله اكثر من 5 مرات فى اليوم ولا فادتنى بأى شئ خالص لإنها مش فاهمه والدورة دى بردك بتصل بالمركز بردك ترد عليه المتخلفة دى وعملت معايه زى الدورة اللى فاتت
    وبعض العضوات تقول إن بعض الظن اثم مع المركز ده لا يهمه سوى جمع المال قققققققققققققققققققققققققققط
    ودى كانت اكبر غلطه فى حياتى إنى أذهب للمركز المتخلف ده


مواضيع مشابهه

  1. بنات ممكن تدلوني شي مشفى كويس لاطفال الانابيب بالاردن
    بواسطة strang في الحمل والولادة و الرضاعة
    الردود: 14
    اخر موضوع: 25-11-2010, 11:13 PM
  2. يومياتي في المركزالمصري لاطفال الانابيب
    بواسطة روح العشق حيران في الحمل والولادة و الرضاعة
    الردود: 56
    اخر موضوع: 11-06-2010, 12:14 AM
  3. المركز المصرى لاطفال الانابيب (ابو الغار)
    بواسطة نوناسيما في الحمل والولادة و الرضاعة
    الردود: 7
    اخر موضوع: 08-12-2009, 03:42 AM
  4. تجربتى مع المركز المصرى لاطفال الانابيب
    بواسطة meroo2006 في الحمل والولادة و الرضاعة
    الردود: 37
    اخر موضوع: 10-04-2008, 09:00 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97