كتبت بواسطة
san79
ما شاء الله تبارك الله
شكرا لكم اخواتي
م. فاتن الله يتمملك على خير يا رب شكلو انا وانتي بنفس الموعد
الحمد الله انك طمنتيني
والله بالنسبة لشطارة الدكتور ما بعرف لانو احنا بقطاع غزة والامكانيات محدودة جدا ان شاء الله ربنا بيسرلنا كل خير
يعني اعمل حسابي ل 4 ايام للمستشفى ؟؟
الحمد الله امي معي ورح تكوني معي طيلة هذه الفترا
طيب حبيبتي لو ما فيها ازعاج شو كنتي تغطي الجرح يعني انا اطلب منهم ضمادات مضادة للماء وبعد ما خفيتي عشان تتجنبي الكرش كنتي تلبسي ضاغط ؟؟؟؟ او مشد وكيف كانت الرضاعه
يييي انا الي بسال كتير معلش اعذريني هاد اول حمل لي بعد 5 سنين وان شاء الله بنت هههه
بسم الله ما شاء الله
والله يا حي الله بأهل غزة الحبيبة
نحنا ما طلعنا بس قراب بموعد الولادة طلعت في قرابة بيناتنا كمان أن من قطاع غزة بس مقيمة حاليا بالإمارات من أول ما تزوجت يعني حملي و مراجعاتي و ولادتي بالإمارات و ما عندي خلفية عن دكاترة غزة لكن بأسمع كذا اسم طبيب مشهور و ثقة بغزة و يمكن الاعتماد عليهم
بصراحة المستشفى اللي ولدت فيه كان ما شاء الله على مستوى عالي بالعناية و النظافة و الاهتمام و الدكتورة كانت مشهورة بالعمليات القيصرية يعني ربنا سهلها علي لأنه أعلم بالحال كوننا في غربة و لوحدنا
و اللزقات الطبية و الله ما بعرف إن كانت متوافرة بغزة بحكم ظروفها الحالية هي كانت عبارة عن قطعة من النايلون الشفاف من الخارج شبيه تماما بنايلون الرول المخصص للف الأكل و من الداخل مبطنة بقطن طبيعى مكان الجرح بالضبط يعني مش مبطنة بالكامل و كانت رقيقة جدا ما تحسي بيها و تلصق كأنها جزء من الجلد و فعلا استحممت فيها و لم يحدث شيء والحمد لله ما شاء الله
لكن إن لم تتوافر فلا داعي حبيبتي للاستحمام و احذري وصول الماء لها
كلها 10 أيام كحد أقصى و تفكي الغرز و ترجعي متل ما كنتي بل أحسن إن شاء الله
بالنسبة للمشد لا ما جربته لأنه لا يسمح به بالقيصرية إلا بعد فترة معينة من الوقت فتكاسلت مع انشغالي برغد
لكن هالمرة إن شاء الله ناوية عليه عسى تكون ولادتي طبيعية يا رب
بالنسبة للرضاعة ما كان في مشاكل و الحمد لله غير الصعوبة في النهوض من الفراش أول أسبوع فقط و بمساعدة أحدهم
أذكر أصعب اللحظات عندما كنت أشعر بتعب شديد و بالألم و بحاجتي للراحة و النوم و الست رغودة مو راضية تنام و شغالة عياط على طول كان الوضع صعب لأنه لوحدي بس لو معك أحد أكيييييييد الوضع حيكون أسهل بكتير
الله يخليلك الماما يا رب
كمان هالوضع ما استمر أكتر من أسبوع مجرد ما تشدي حيلك و تقدري تقومي عن السرير صدقيني الأمور بتصير سهلة كتييييييييير
أنا بعرف بعض الوالدات طبيعي بيستمر معهم الم الخياطة أكتر من أسبوعين و بعضهم والله ل 3 أسابيع
بالنسبة لللإقامة بالمستشفى مو ضروري 4 أيام ممكن أقل حسب طبيعة المستشفى و تحسن حالتك
كمان أنا كنت مجهزة شنطة كاملة للمستشفى من ملابس و حاجات شخصية لي و للبيبي بصراحة ما استخدمت منها شي غير فرشاة الأسنان لأن المستشفى وفرت لي و للبيبي كل شيء و الحمدلله
لكن ما بعرف بالنسبة لغزة لكن لازم تجهزي شنطتك كاملة ما بتعرفي الظروف
أتمنى أكون جاوبتك على جميع أسئلتك و أعطيتك فكرة منيحة عن العملية و أسأل الله أن يتم حملك على خير و يريكي جودي بأتم العافية و تكون أمورك أسهل من أموري بولادتي بابنتي رغد
والله يخليلك الماما لأنه ما في أحن منها بالدنيا عليكي و أكيد حتشيل عنك تعب كبير و حتساعدك بعد الولادة
ادعيلي تحضرني إمي بولادتي هالمرة لأني بأستناها تيجي والله ييسر لها السفر و الرجوع أكيد بتعرفي ظروف المعبر
رد مع الاستدلال
الروابط المفضلة