السلام عليكم ورحمة الله و بركاته
طبعاً من اكتر المشاكل شيوعاً الي ممكن تعاني منها الحوامل
هي الأمساك اكرمكم الله
و الي له تداعيات كتيرة و انا شخصياً عانيت بحملي هذا
الكتيرررررررر من الأمساك
و كنت اخجل احكي للدكتورة و خصوصا انه كل مرة تكون معي
مترجمة تترجم لي للعربية
فكنت اخجل اسئلها
لحد ما سأت حالتي كتير اكرمكم الله و ما في داعي احكي تفاصيل
انتم بتعرفوها
المهم بالنهاية قررت اتجرأ و حكيت لها شو صار معي
وصفتلي دوا يسهل المعدة و قالت انه يعمل غازات اكرمكم الله
و لازم لما اخدو ضل بالبيت
و كمان نصحتني بحل سحري عجيب و طبيعي
و هو الخوخ المجفف او عصير الخوخ
اخدوه على فترات بالنهار
المهم خرجت من عندها بوجهي على السوبر ماركت دورت على
عصير الخوخ
ما لقيت
و الحمدلله لقيت خوخ مجفف
و الحمدلله اكلت منه طعمته شوي مزعجة لكنه سبحان الله
ريحني كتير كتير
و صرت اكل منه كل فترة لما كون عاملة اكلات ممكن تسبب
امساك
متل المعجنات و الرز من بعد الوجبة اكل كم حبة خوخ مجفف
و الحمدلله ودعت مشكلة الأمساك
هذه تجربتي حبيت افيدكم فيها لو ما تعرفو هذه المعلومة
اتمنى تفيدكم
دعواتكم لي بالخلاص بالسلامة
و هذه صورة للخوخ المجفف
تحياتي
الروابط المفضلة